إختبار قيادة رينو كليو 2003 - 1200CC

[Driver]

TEST DRIVE : RENULT CLIO 2003
1200CC 16V 75HP 51000KM(صيانة توكيل كاملة)
بدون كماليات


نظرة اولى:
----------------
ينجح الفرنسيون دائما بتصميم سيارات شكلها يصعب الاعتراض عليه..(تصميمات انسيابية رائعة) العربية عالية عن الارض=هتنجح مع مطبات المحروسة

من الداخل:
-----------------
التابلوه عادى مفيش اي رفاهية...وده ما يمنعش ان التقفيل اكثر من ممتاز والخامات قوية و تستحمل...
مسالتش عن الكاسيت ده بتاعها ولا لأ لكن الصوت كان مقبول...
التابلوه مفيهوش حتى RBM ولونه برتقاني ....
الأتساع الداخلي احد عيوبها الاكيدة....رغم انني 185سم و70كغ...ورغم ذلك الاتساع مش حلو..بس الكراسي مريحة للظهر والتنجيد كويس...الشنطة هية اعجوبة الكليو بامانة...لا تتخيل الاتساع...

الاداء:
------------
صوت الموتور هادئ و مبيعلاش مهما عملت فيه....العربية ناعمة نوعا ما..والتسارع جيد نوعا ما(بس مش الاحسن في فئتها)...
العفشة جيدة وسمعت(والعلم عند الله) انها قوية للغاية و قلما تحتاج تربيط...

اختبار التسارع:
-------------------
بعد ال150 خفت على نفسي و انهيته عند 170 و حققت رقم كويس...

الفرامل...
-------------
وتطبيقا لمبدا رينو(تضرب فرامل...تلزق وشك في الازاز ) اثبتت الفرامل كفائة عالية فعلا..رغم افتقارها للABS والحاجات بتاعت اليومين دول...


ملاحظات سلبية:
--------------------
التكييف بتاعها أقل من اليابانى لكنه مقبول
قطع الغيار غالية...برغم من وجود السيارة بسعر ظريف...لكنها الاغلى في الصيانة...و قد يكون هذا الغلو مبررا للميجان..لكن ما هو تبريره للكليو؟؟؟ سؤال يحتاج اجابة
محدش بيفهم فيها بتاتا...و غير قابة للتصليح خارج توكيلها..(وافضل مراكز الصيانة المعتمدة)


نقطة جميلة:
---------------
ياسلام على توفبر البنزين الخرافي......هايل والله..ولو ماكنتش ماشي بيها بالليل كنت قلت انها ماشية بالطاقة الشمسية


الخلاصة:
******
سيارة ذات اداء خاص بالمدينة...جيدة الاداء...اقتصادية في الوقود...و هدوئها يبعث على الراحة...لكن لا تشتريها بغرض التوفير..

[dr_3eshoo]

على فكره انت شجعتني على العربيه دي و كرهتني في البسات الجديده
العربيه فعلا ممتازة و جامده بس اسمحلي انا مدفعش فيها فلوس
لو اتجنيت في عقلي و هركب رينو مش هركب الا الكليو 1400 سي سي عربيه فوق الوصف
يا ريت لو كنت جربتها يا ريت تقولي ايه رايك فيها لاني فعلا حابب العربيه دي

[Sharky]

dr_3esho العضو Driver موقوف من قبل الإدارة لخروجه عن قوانين المنتدى و بالتالى لن يتستطع الرد عليك

[M_HaFeZ]

ياراجل انت بتقارن الباسات بالكليو ....؟؟؟
انا لى صديق كان معاه الكليو وباعها وقالى الحمد لله انه باعها على حسب كلامه مشاكلها كتير واعطالها كتير وله صديق برضه معاه ميجان وعايز يبيعها
قطع الغيار غاليه بدون مبرر للكليو زى ماقال رايفر

الباسات حاجه تانيه 1600 والمانى والفرق فى السعر اكتر من الضعف فمينفعش المقارنه لا فى الفئه ولا السعر ولا الحجم