اريد شراء ميجان وسمعت كلام كتير حبطني

[OMAR1987]

لو سمحت يا جماعه انا عاوز اجيب ميجان موديل 2004 او 2005 بس ناس كتير اوي بيخوفوني منها وان مشكلها كتير جدا وصيانتها غاليه في التوكيل وبره التوكيل الصنيعيه مبيفهموش فيها الا نادرا.......ياريت الي معاه العربيه او يعرفها ينصحني بأيه وهي سعرها كام في السوق الاتوماتيك منها ولو ليا نصيب فيها ايه اكتر عيوبها وابقي اكشف عليها عند مين اقبل ما اشتريها؟؟

[abdo_2812]

وليه 2004 - 2005 ؟

خليك من أول 2006 phase 2 اللي هي اسمها ملحق 2007

المشاكل مش بالشكل ده، الكلام ده مبالغ فيه، ولكن من أول الموديل المذكور حصل بعض التعديلات علشان تخلي قطع الغيار ذات اعتمادية أعلى وتقلل المشاكل ... بس كده :)


توكل على الله وأهم حاااااجة الحالة ثم الحالة ثم الحالة، بغض النظر عن أي شيئ حتى الموديل
لازم العربية تكون حالتها كويسة ومش متهانة

وخلاصة الكلام والتخويف كله في كلمة واحدة بس
العربية دي معاها كاتالوج صيانة، اللي عملها بيقولك فيه ازاي تحافظ على العربية وتستمتع بيها بدون ما تلف حوالين نفسك :)

يعني م الآخر حضرتك راعي العربية هاتراعيك، هينها هاتكره صنف العربيات كله
وربنا يوفقك يارب لكل خير إن شاء الله

[solly1979]

كلام جميل
انا بردة الميجان كانت اخر عربيه فى اخياراتى نظرا للكلام الى بيتقال وكن استحاله اشتريها وكنت انا نفسى اكرر نفس الكلام الى بسمعه
وانا حاليا راكب ميجان 2006 ميجان2 بانوراما وبقالها معايا سمه اة والحمدلله مبسوط منها جدا وحاس انى او مرة راكب عربيه فيها اوبشنز
مع العلم انى نازل من Octavia a4

[midohits]

لما جيت اشتريها من 3 سنين ولا واحد قال لي اشتريها وبتسمع كلام يضحك ، داه العيال هيخرموها بمصمار وبتقف منك ،والكموبيتر بيهنج وحاجات كده تضحك
خليك في موديل 2007 او 2008 احسن بكتير من اي موديلات سابقه هتعرف قيمتها بعدين ومش تستخصر اي فرق بين الموديلات العاليه دي، واتوكل على الله