مساعدة بكليو 2003 1200cc

[osha_ahmed]

السلام عليكم
عربيتى كليو 2003 هاف 1200 cc

بداية تأخير فى الدوارة ممكن من تالت مرة او رابع وساعات اكتر

المشكلة بقى لما اجى اطلع على الأول وادى الغيار واشيل رجلى من على الدبرياج العربية بتبطل ...
دايما العربية ممكن تبطل منى على الأول خصوصا لو ماشى فى طريق غير ممهد او مزدحم..

ميش عارف المشكلة من ايه..ساعات بزود بنزين زيادة لما اكون طالع على الأول لتفادى حدوث المشكلة ..

مستنى رأيكم...يا وحوش المنتدى

[sam_zen_elden]

اخر مرة غيرت الفلتر بتاع البنزين والبوجيهات امتى
لو متاكد انهم كويسسين يبقى ده عيب طلمبه بنزين فى رأى

[osha_ahmed]

انا لسه عامل سيرفيس كامل للعربية من شهر تقريبا ..وغير فلاتر وبواجيهات

بس فيه حاجة كمان لما بدور الصبح طبعا من المرة التالتة او الرابع واطلع بالعربية ساعات بتقطع كده مرة او اتنين وبعدين تمشى عادى .

[sam_zen_elden]

ممكن مضخة البنزين تكون ضعيفه او عايزه تتنظف
هل المشكله بتقل لما تفول التنك ولا لأ لو بتقل يبقى الطلمبه لها دور
لو لأ احتمالها يقل

[osha_ahmed]

المشكلة ميش فارقها معاها التانك متفول او لأ

[ramy_gamal]

طيب المشكله كانت موجودة قبل ماتعمل الصيانه ولا ظهرت بعد الصيانه بس

[nono2030]

ممكن تكون البوجيهات الجديدة مرطبة
والله اعلم

[osha_ahmed]

انا عملت السيرفيس بعد ما اشتريت العربية على طول ملحقتش اجربها علشان احكم على المشكلة

[ramy_gamal]

ممكن تكون البوجيهات الجديدة مرطبة
والله اعلم

+1111111

[sammor_28]

ممكن تكون البوجيهات مرطبه فعلا
او ممكن تكون الموبينه ضعيفه

[osha_ahmed]

شكرا على المشاركات...

ولكن عايز اعرف ليه استبعده انه ممكن يكون فيه مشكلة فى الحساسات

طيب لو افترضنا انها البوجيهات ..هل تسبب تقطيعة ونتشه فى اول التشغيل

[ramy_gamal]

لو البوجيهات مرطبه تغلبك وانت بدور الصبح وبالذات فى الجو الساقع وتقطع شويه وهى باردة