مساعده يا اهل الميجان :)

[midomansour]

السلام عليكم
انا بحب دايما اركب هاتشباك و قدامي واحده ميجان هاتشباك بس كل الناس بتخوفني و تقولي مصاريفها كتير و كده ,, انا عايز اعرف الكلام ده حقيقي ولا ايه و هل في حاجه معينه دايما بتبوظ في العربيه مثلا ؟؟

سؤال تاني معلش العربيه اللي قدامي 2005 و حالتها ماشاء الله نضيفه جدا ,, بس انا معرفش فئاتها ايه ولا حتي اسعارها... هي اوتوماتيك و من غير سقف بانوراما و مطلوب 65 الف كده كويس ولا ايه؟ هو فهمني انها فئتين بس البانوراما و اللي من غير

[abdo_2812]

وعليكم السلام ورحمة الله وبركاته

بخصوص مصاريفها كتير، يعني لو حضرتك حافظت على العربية وعملتلها الصيانات الدورية بانتظام إن شاء الله مش هتتعبك ومش هتصرف كتير ولا حاجة

وأما بخصوص الفئات فهي على حد علمي كالتالي:

فئتين بدون بانوراما:

1- الفئة الأولى: ودي أقل الفئات وبتنزل بجنوط حديد ومرايات مش ضم وتكييف بكرة وفرش عادي - فيما أذكر يعني - .
2- الفئة الثانية: ودي بتنزل جنوط سبور ومرايات ضم وتكييف تتش وبيكون فيها مخدع في الكنبة من ورا - مسند في الكرسي اللي في المنتصف - وأظن دي الفروق بس فيما أذكر.

فئتين بانوراما:

ودول الفرق بينهم مش كبير أوي وبتكون الهاي لاين وفئة أخرى أقل منها والفروق بينها بتكون تقريبا كاميرا خلفية وشاشة dvd وفرش جلد وسنسور باركينج وسنسور لضبط ضغط الكاوتش


وأما بخصوص السعر فالعربية بحسب حالتها وبحسب عداد الكيلو متر، فننتظر منك تقرير عن حالة العربية وعن عداد الكيلومتر ... بس انتبه إن السعر اللي حضرتك كاتبه ده يستدعي إن العربية تكون حالة شاااذة


وفي النهاية طبعا لا تنسى صلاة الإستخارة قبل أي قرار وربنا يوفقك للخير يارب

[midomansour]

الف شكر ليك علي ردك
هي فعلا حالتها نضيفه قوي و عامله 60 الف كيلو بس ,, يعني نقدر نقول هي كده زياده كام الف مثلا عن السعر الطبيعي ؟؟

[abasse]

أهم حاجة تكشف فى التوكيل

[shawkylotfy]

نصيحة بلاش ميجان وخليك فى الكورى

[abdo_2812]

نصيحة بلاش ميجان وخليك فى الكورى

أفندم !!!


وهو فيه وجه للمقارنة أساسا بين الميجان وبين الكوري!!!
لو فيه ياريت حضرتك تفيدنا بالعربية الكوري اللي بتقارنها بالميجان وايه أوجه المقارنة علشان تبقى النصيحة واضحة للراجل ... ولا ايه ؟!!

[abdo_2812]

الف شكر ليك علي ردك
هي فعلا حالتها نضيفه قوي و عامله 60 الف كيلو بس ,, يعني نقدر نقول هي كده زياده كام الف مثلا عن السعر الطبيعي ؟؟

العفو ياباشا، على ايه بس

بص ياسيدي مبدئيا موضوع العداد وحالة العربية من حيث العفشة والموتور ده تكشف عليه في التوكيل ضروري لأن أكتر عداد بيتغير هو عداد الميجان (3/4 الميجان اللي في السوق عاملة من 50 - 65 ألف )


وتاني حاجة بخصوص السعر ... حضرتك شوف تاجر معتدل وشاطر يكشفلك على البودي بتاع العربية ويتأكدلك إن أساس العربية كويس (مش عاملة حوادث ولا حاجة لا قدر الله ومش راشة قبل كده ولا ايه) وكمان يفصلك السعر بدون إفراط ولا تفريط (يعني ولا يبخس العربية حقها ولا يبقى مغفل ويقول سعر أعلى من اللازم)


من باب الأمانة في نقطة عاوز أنبهك ليها علشان تسأل عليها بنفسك وتتأكد، موديلات الميجان الجديدة من أول ملحق 2007 (اللي هي 2006 phase 2) هاتكون أفضل لأنه فيه بعض قطع الغيار تم استبدالها بقطع ذات اعتمادية أعلى وبالتالي حصل علاج لكتير من المشاكل اللي كانت مشهورة في العربية.

فمن وجهة نظري العربية دي اشتريها لو كانت زي مابقولك لقطة جدا وماتتفوتش، إنما لو مش كده يبقى خليك في الموديل الأعلى من أول ما قولتلك وإن كان في الحقيقة صعب تلاقي هاتش باك في الموديلات دي لأن أصحابها مش بيفرطوا فيها أبدا وأنا دوخت وراها وفي الآخر برضو جبت سيدان :)

وربنا يوفقك لكل خير يارب :)

[midomansour]

العفو ياباشا، على ايه بس

بص ياسيدي مبدئيا موضوع العداد وحالة العربية من حيث العفشة والموتور ده تكشف عليه في التوكيل ضروري لأن أكتر عداد بيتغير هو عداد الميجان (3/4 الميجان اللي في السوق عاملة من 50 - 65 ألف )


وتاني حاجة بخصوص السعر ... حضرتك شوف تاجر معتدل وشاطر يكشفلك على البودي بتاع العربية ويتأكدلك إن أساس العربية كويس (مش عاملة حوادث ولا حاجة لا قدر الله ومش راشة قبل كده ولا ايه) وكمان يفصلك السعر بدون إفراط ولا تفريط (يعني ولا يبخس العربية حقها ولا يبقى مغفل ويقول سعر أعلى من اللازم)


من باب الأمانة في نقطة عاوز أنبهك ليها علشان تسأل عليها بنفسك وتتأكد، موديلات الميجان الجديدة من أول ملحق 2007 (اللي هي 2006 phase 2) هاتكون أفضل لأنه فيه بعض قطع الغيار تم استبدالها بقطع ذات اعتمادية أعلى وبالتالي حصل علاج لكتير من المشاكل اللي كانت مشهورة في العربية.

فمن وجهة نظري العربية دي اشتريها لو كانت زي مابقولك لقطة جدا وماتتفوتش، إنما لو مش كده يبقى خليك في الموديل الأعلى من أول ما قولتلك وإن كان في الحقيقة صعب تلاقي هاتش باك في الموديلات دي لأن أصحابها مش بيفرطوا فيها أبدا وأنا دوخت وراها وفي الآخر برضو جبت سيدان :)

وربنا يوفقك لكل خير يارب :)

الف شكر يا باشا علي الاهتمام ,, هو انا اصلا بخاف من الموديلات القديمه لكن اللي شدني فيها حالتها الشاذه ..ان شاء الله هكلمه لو اتفقنا في السعر هاخد العربيه اكشف في التوكيل و ربنا يسهل

[midomansour]

نصيحة بلاش ميجان وخليك فى الكورى

انت الميجان اللي معاك عامله مشاكل ولا ماشيه كويس ؟؟

[solly1979]

نصيحة بلاش ميجان وخليك فى الكورى

يا باشا انا معايا ال 2 ازاى بس ديه تتقارن ب ديه
دانا معايا النترا 2010 عامله 18 الف والله لما بعدى ال 120 بحس انى مش ماشى على الارض و يا سلام بقا لو حبيت اضرب فرامل جامدة شويه سلملى على التروماى

انا اسف مافيش اى وجهه مقارنه