تجديد فتيس الميجان 2 اوتوماتيك

[esheikh]

نجوم الميجان
حد فيكم عنده فكرة عن عملية نجديد فتيس الميجان 2 ؟ بتتعمل فين او بكام او ازاى؟
هل فعلا بتفرق في اداء العربية بعدها؟ المشكلة انى حاسس ان عزم الموتور بيضيع في مكان ما...وشاكك في الفتيس.
مستنى نصائحكم وخبراتكم

[shawkylotfy]

انت عندك مشاكل فى النقلات ؟ عندك هبدات مع الغيارات ؟ عند رسايل بتطلع على الشاسة شيك جيربوكس او جيربوكس اوفر هيتد ؟

لو معندكش كل دة متعملش حاجة فى الفتيس لانة سليم :)

[esheikh]

انت عندك مشاكل فى النقلات ؟ عندك هبدات مع الغيارات ؟ عند رسايل بتطلع على الشاسة شيك جيربوكس او جيربوكس اوفر هيتد ؟

لو معندكش كل دة متعملش حاجة فى الفتيس لانة سليم :)

هو مفيش هبدات بس بتتأخر في الغيار .يعنى الار بي ام بيوصل 3000 علشان تنقل...
وصوتها عالى

[solly1979]

هو مفيش هبدات بس بتتأخر في الغيار .يعنى الار بي ام بيوصل 3000 علشان تنقل...
وصوتها عالى

3000 معقول جدا انا شاعات بتنقل على 3500 ودة الرنج بتاعى على طول

بصراحه الميجان طلعتها مش جامدة يعنى ممكن حضرتك تحس انه ضعيف بس ادائه بعد ال120 بحس انه مرضى بس مش كويس
نقلات فتيس الميجان الأوتوماتيك مش سلس يعنى لو ركبت النترا هتلاقى نقلاتها سلسه جدا
بصراحه اضعف حاجه فى العربيه ديه من وجهة نظرى الفتيس

[shawkylotfy]

هو مفيش هبدات بس بتتأخر في الغيار .يعنى الار بي ام بيوصل 3000 علشان تنقل...
وصوتها عالى

حضرتك هو بينقل متاخر لان انت دايس بنزين جامد حاول تدوس براحة وخليها تاخد سرعتها مستريحة وهى هتنقل معاك على 2000 لفة ...

[meso76]

آه ... الموضوع ده جالى على الجرح مباشرة :)
انا لسه عامل تجديد للفتيس فى التوكيل (مكتوب فى الفاتورة "عمرة فتيس كاملة")
الأعراض انا كنت كتبتها فى موضوع قبل كده ... ده اللينك بتاعه لو تحب تبص عليه http://www.nilemotors.net/Nile/247336-a.html
والموضوع تطور بعد كده لغاية لما بقيت اول ما ادور العربية تطلع لى رسالة Gearbox overheat طبعا ركنت العربية وخفت اتحرك بيها لدرجة انى لما خدت معاد فى التوكيل جبت ونش نقلها رغم انها كانت بتدور عادى (بس بصراحة خفت على الفتيس كله يتحرق و ده طبعا معناه تكلفة خرافية! قلت ادفع 140 ج للونش اضمن)
المهم العربية قعدت 3 ايام فى التوكيل وتم عمل عمرة للفتيس (اللى فهمته من المهندس ان من الحاجات اللى اتغيرت ضفيرة الكهرباء بتاعت الفتيس و2 اويل سيل وحساس الفتيس)
الفاتورة (بعد الخصم) 3680 ج (بس منهم 325 ج حساس كامة) يعنى تقدر تقول تكلفة العمرة حوالى 3300 ج
انا عارف ان فى ناس كتير بره التوكيل بيشتغلوا فى الميجان ... بس موضوع حساس وخطير زى الفتيس منصحكش تروح لحد بره التوكيل ... على الأقل خليهم يكشفوا عليه وشوف حيقولولك ايه وان شاء الله يكون الموضوع ابسط من اللى كان عندى

[esheikh]

آه ... الموضوع ده جالى على الجرح مباشرة :)
انا لسه عامل تجديد للفتيس فى التوكيل (مكتوب فى الفاتورة "عمرة فتيس كاملة")
الأعراض انا كنت كتبتها فى موضوع قبل كده ... ده اللينك بتاعه لو تحب تبص عليه http://www.nilemotors.net/nile/247336-a.html
والموضوع تطور بعد كده لغاية لما بقيت اول ما ادور العربية تطلع لى رسالة gearbox overheat طبعا ركنت العربية وخفت اتحرك بيها لدرجة انى لما خدت معاد فى التوكيل جبت ونش نقلها رغم انها كانت بتدور عادى (بس بصراحة خفت على الفتيس كله يتحرق و ده طبعا معناه تكلفة خرافية! قلت ادفع 140 ج للونش اضمن)
المهم العربية قعدت 3 ايام فى التوكيل وتم عمل عمرة للفتيس (اللى فهمته من المهندس ان من الحاجات اللى اتغيرت ضفيرة الكهرباء بتاعت الفتيس و2 اويل سيل وحساس الفتيس)
الفاتورة (بعد الخصم) 3680 ج (بس منهم 325 ج حساس كامة) يعنى تقدر تقول تكلفة العمرة حوالى 3300 ج
انا عارف ان فى ناس كتير بره التوكيل بيشتغلوا فى الميجان ... بس موضوع حساس وخطير زى الفتيس منصحكش تروح لحد بره التوكيل ... على الأقل خليهم يكشفوا عليه وشوف حيقولولك ايه وان شاء الله يكون الموضوع ابسط من اللى كان عندى

ص
عندك فكرة يا كبير الكشف ده يتكلف كام تقريبا؟

[meso76]

مش عارف تكلفة الكشف كام لأنه داخل فى وسط المصنعيات ، مكتوب (كشف على الفتيس الأوتوماتيك بالجهاز) بس سعره مش محدد
ممكن تتصل بـ 16202 وتسألهم

[NAVARAY]

انا ساعات بسمع دربكة في الفتيس بس مفيش رسايل بتطلعلي ... ممكن يكون ايه السبب ؟