عايز اشتري سكالا بس محدش مشجعني تماما

[ahmedhosni1976]

السلام عليكم
انوي شراء سيارة ان شاء الله يكون تمنها اخره 95 الف تكون fo at وفي المواصفة السعرية دي سكالا وصني وممكن اوبترا
كلهم مش عاجبيني
بس السكالا اقربهم ليا
علما بان كل العربيات اللي باحبها اكثر من 120 الف جنيه

ايه رايكم في السكالا علما بان (دون الدخول في علم الغيب) موضوع اعادة البيع مش في دماغي اصلا لاني مش ناوي اغيرها خلال 6 او 7 سنين ساعتها ربنا يحلها

شكرا على وقتكم

[ahmedhosni1976]

محتاج رد بدل ما اتورط

[abdo_2812]

وفيه كمان بيرسونا، بس أنا معرفش عنها حاجة بصراحة

وبخصوص السكالا أنا بصراحة مش هقدر أفيد حضرتك لأني برضو معرفهاش

تحياتي لك وإن شاء الله تلاقي من يفيدك وربنا يوفقك لكل خير

[zooma2009]

الرينو الاسكالا يا باشا هيا اصلا نيسان صني تقفيل كوري

العربيه من جوه متاشبهه تماما مع النيسان صني المصري .... في اعتقادي الشخصي هيا عربيه عمليه وقويه جدا بما انها نيسان ياباني وتقفيل كوري ... بالنسبه للسعر مناسب جدا

الشكل الخارجي مقبول نسبيا .... بس التقفيل الداخلي غير مرضي

اعتقد اسعار قطع الغيار غاليه بما انها تبع توكيل رينو ف مصر ... وكذلك سعر اعاده البيع منخفض

صلي استخاره .... وفكر ف الأوبترا والنيسان صني قويه جدا .... ولو عرفت تزود وجيب لانسر

[mody3on]

نيسان صني احسن منها مع انها تقفيل مصري بس دي ياباني ومنتشرة وقطع غيار متوفرة بكثرة
ولو ينفع تزود ممكن accent rb برضه زيادة حوالي 5-8 الاف بس هيونداي يعني قطع الغيار والاعتمادية

[elpasha1]

عموما عيب الرينو ان قطع غيارة غالى جدا لية معرفش وتوكيل
ونادرا لما تلاقى حد بيشتغل فيها (بيع قطع غيار) خارج التوكيل
لذلك فسعرها غالى وسعر اعادة البيع بيكون اقل من نصف ثمنها زى الميجان

[ahmedhosni1976]

شكرا على الردود انا الحمد لله اشتريت اوبترا لاني لما اتفرجت على السكالا والصني لقيتهم ضيقين جدا من جوا

[abdo_2812]

ألف مبروك ياباشا، ربنا يباركلك فيها

[tarekmomo]

الف مبرووووووك

[bayoumisoft]

شكرا على الردود انا الحمد لله اشتريت اوبترا لاني لما اتفرجت على السكالا والصني لقيتهم ضيقين جدا من جوا

الف مبروك ربنا يباركلك فيك ويديك خيرها ويكفيك شرها

[bakkarahmed]

الف مبروك وربنا يكفيك شرها

[minicooper20]

الف ميروك

[ahmedhosni1976]

اشكركم جميعا على دعواتكم ليا وان شاء الله ربنا يباركلنا جميعا ويرزقنا خيرها وخير ما فيها

[ahmedhamdy2779]

ياجماعه سكالا هى النيسان فعلا ده شكلها هنا فى السعوديه ومش عارف ليه بتروح مصر على اساس انها رينو ديه موجوده فى السعودية من2007 موديل النيسان صنى عربيه شغاله حلو اوى هنا وقطع غيرها رخيصة جدا فى السعوديه ولكن بيرسونا برده معنديش خبرة فيها خالص

[ahmed_noor2720]

السلام عليكم هو ده الفرق

علي فكره الصني 2011 هي الاسكالا في الخليج بل ان الرينو لم تطرح اسكالا بالخليج وطرحتها علي انها نيسان صني2011