Megan used ولا logan او saga زيرو

[allam001]

انا محتاااار جدا و عملت الموضوع ده فى المقارنات بس محدش عبرنى

يا جماعه انا خبرتى ضعيفه جدا فى العربيات و عاوز اجيب عربيه فى حدود 70-80 الف.. انا بسوق مانيوال و اوتو بس افضل الاوتو لانى سقتها اكتر و كمان انا مبسوقش كتير

الاول كنت محتار بين البروتون ساجا و اللوجان.. من كلام الاعضاء حسيت ان اللوجان احسن بس ميزه الساجا الوحيده عن اللوجان بالنسبالى ان فى منها اوتو و اللوجان لا.. انا بفضل الاوتو شويه عن المانيوال و سمعت كلام ان لوجان اوتو ممكن تنزل مصر السنادى بس مش عارف مدى صحه الكلام ده

و بعدين لقيت ان ممكن اجيب ميجان مستعمله بنفس السعر ده بردو.. انا بخاف من المستعمل بس الميجان مغريه بصراحه من اللى سمعته عنها و كفايه الامان بتعها.. بس سمعت عنها بردو ان موديل 2005 و 2006 كان فيهم مشاكل كتير و انها اتحلت فى 2007و 2008 ياريت بردو حد يأكد الكلام ده.

[shawkylotfy]

بس بقى انا كنت زيك كدة محتار بين اللوجان الزيرة والميجان وجبت الميجان وندمت .... من الاخر هات لوجان زيرووووو ... عربية حلوة وتكيف جاامد وكمان هتبقى بضمان وزيروووو وفكك من الاستعمال ووجع القلب ... وعلى فكرة انا فى اقرب فرصة هبيع ميجانتى واجيب زيرووو لوجان ان شاء اللة ....

[allam001]

بس بقى انا كنت زيك كدة محتار بين اللوجان الزيرة والميجان وجبت الميجان وندمت .... من الاخر هات لوجان زيرووووو ... عربية حلوة وتكيف جاامد وكمان هتبقى بضمان وزيروووو وفكك من الاستعمال ووجع القلب ... وعلى فكرة انا فى اقرب فرصة هبيع ميجانتى واجيب زيرووو لوجان ان شاء اللة ....

طيب يا باشا انت جبت ميجان موديل كام و ايه المشاكل اللى حصلت معاك

[MuhammadAOmar]

أستاذ شوقي شكله كده معاه 2005 وشكلها تعبآه أو جابها متهانه فـبقت كل الميجان بالنسباله وحشة وده حقه طبعا إني يقول كده بس مش من حقه إنه يعمم الكلام ده على كل الميجان. يا سيدي الفاضل الميجان عربية بكل الامكانيات اللي فيها ملهاش حل بس في الآخر لما بتشتري مستعمل زي أي عربية تانية يا هيطلع حظك حلو وتاخد واحدة تريحك يا اما طبعا هتلبس في واحدة تتعبك ومشكلها كتير وده طبعا على حسب الملاك السابقين كانوا بيعامله العربية دي إزاي .. وخصوصا في الميجان لما تجيب 2005 أو 2006 مع إن في ناس جايبة 2005 أو 2006 ومرتاحين معاها ومسيطرين في صيانتها يعني أي حاجة تحصل عارفين يلحقها إزاي ومش تعب بجد دي متعة إنك تفهم العربية دي أو عموما في حياتنا اليوميه لما بيبقى عندنا خبرة في تصلح أي حاجة بتبقى متعة كده إنك بتعرف في إيه وتحلها إزاي وهكذا ..

من رأي يا أستاذ علام إنك تحدد الأول إنت ناوي جديد ولا مستعمل وساعتها بالتأكيد هتبقى عارف اختيارك إيه .. ومتحاولش تخلي حد يختار بدالك عشان ماتندمش في يوم من الأيام. ولو هتفكر في الميجان شفت 2007 فيما فوق واهم حاجة طبعا إنك تكشف عليها كشف كامل في التوكل أو مركز خدمة يكون بيكشف .. وربنا يوفقك

[allam001]

أستاذ شوقي شكله كده معاه 2005 وشكلها تعبآه أو جابها متهانه فـبقت كل الميجان بالنسباله وحشة وده حقه طبعا إني يقول كده بس مش من حقه إنه يعمم الكلام ده على كل الميجان. يا سيدي الفاضل الميجان عربية بكل الامكانيات اللي فيها ملهاش حل بس في الآخر لما بتشتري مستعمل زي أي عربية تانية يا هيطلع حظك حلو وتاخد واحدة تريحك يا اما طبعا هتلبس في واحدة تتعبك ومشكلها كتير وده طبعا على حسب الملاك السابقين كانوا بيعامله العربية دي إزاي .. وخصوصا في الميجان لما تجيب 2005 أو 2006 مع إن في ناس جايبة 2005 أو 2006 ومرتاحين معاها ومسيطرين في صيانتها يعني أي حاجة تحصل عارفين يلحقها إزاي ومش تعب بجد دي متعة إنك تفهم العربية دي أو عموما في حياتنا اليوميه لما بيبقى عندنا خبرة في تصلح أي حاجة بتبقى متعة كده إنك بتعرف في إيه وتحلها إزاي وهكذا ..

من رأي يا أستاذ علام إنك تحدد الأول إنت ناوي جديد ولا مستعمل وساعتها بالتأكيد هتبقى عارف اختيارك إيه .. ومتحاولش تخلي حد يختار بدالك عشان ماتندمش في يوم من الأيام. ولو هتفكر في الميجان شفت 2007 فيما فوق واهم حاجة طبعا إنك تكشف عليها كشف كامل في التوكل أو مركز خدمة يكون بيكشف .. وربنا يوفقك

شكرا على ردك يا أستاذ محمد
بس انا عندى سؤال كمان و معلش لو تقلت عليك.. انت شايف ان مجرد الكشف فى التوكيل يكفى انى اطمن ان العربيه سليمه و لا ممكن يكون فى حاجه تانيه مستخبيه متظهرش فى التوكيل؟؟

[MuhammadAOmar]

شكرا على إيه بس أنا معملتش حاجة.. بص هو بجد خبرتي مش هتفيدك قوي في حاجة زي كده بس المنطقي إن التوكيل أو مركز خدمة كويس يكون فاهم العربية دي بالذات هيساعدك إنك تعرف كل حاجة في العربية وخصوصا لو صاحب العربية كان بيعمل الصيانه في التوكيل لانهم هيبقى عندهم تاريخ عن العربية. ممكن حضرتك تاخد رقم الشاسيه وتكلم التوكيل وتشوف معلومات عندهم أو عند Vendors تانين .. أنا عملت كده لما جيت اشتري ميجان قبل كده بس بصراحة كان واحد معرفه وقدر يجبلي بياناتها في الأماكن التانية (Vendors) وكمان جابلي Invoice Copy بتاعت تصليحها والصيانات.. بس دي كانت خدمة شخصية .. الله يعلم في العادي ممكن يحصل كده ولا لأ .. على العموم إنت بس هات رقم الشاسيه وكلمهم وجرب. يا اما روح على طول وأعمل كشف بس احسانلك بجد تسأل عشان تبقى مرتاح ومطمنلها قبل ماتكشف .. وربنا يوفقك ولو في حد هنا في المنتدى يكون عنده خبرة في المسائل دي يبقى أحسن طبعا ..

[iaibrahim]

على فكره انا اتفرجت على اللوجان ولم تعجبنى وانا معايا 2005 وكان فيها بعض المشاكل والآن اتحلت والحمد لله والفرق شاسع جدا لصالح الميجان وراى انك لو عايز زيرو خليك فى اى حاجه غير اللوجان وربنا يوفقك

[Hany Saad]

أسمحولى أشارك برأى متواضع فى الموضوع.....

طبعا يوجد إختلاف رهيب بين فئة اللوجان و البروتون ساجا من ناحية و الميجان من الناحية الأخرى.....

كما يوجد أيضا فرق مهول بين السيارة الزيرو و السيارة الإستعمال.......

مش عايزين السعر يبقى هو ده الحاجة الوحيدة اللى بتحدنا....هو أساسى لكن مش الوحيد.....

الميجان مستوى مختلف تماما فى الركوب و الرفاهية و الثبات و الأمان و الإمكانيات و كمان مستوى مختلف فى التصليح و الصيانة و الأعطال و تكلفة تشغيل السيارة......

يعنى مصنعيات اللوجان و قطع غيارها لا تقارن بالميجان.....لأن ببساطة بالنسبة للتوكيل راكب الميجان من الفئة المتوسطة العليا بما إنها كانت فى حدود ال135000 جنيه يبقى مكسبه من هذا الزبون أعلى فى المصنعيات و قطع الغيار كما إنه من نوعية الزبون اللى على إستعداد يصرف......

أما بالنسبة لللوجان فهى تخاطب الفئة المتوسطة لأن السيارة فى حدود 75000 فمستوى صيانتها و قطع غيارها منخفض و منافس لأن بالطبيعى زبون اللوجان لن يلجأ إلى التوكيل إلا فى فترة الضمان فقط و بعد ذلك الغالبية العظمى بتلجأ للورش و قطع الغيار من خارج التوكيل و بما إن التوكيل بيكسب دهب من مبيعات قطع الغيار.... بيحاول يكسب زباين اللوجان ليه بتخفيض مصاريف تشغيل السيارة......


صحيح حضرتك بتكلم عن فلوس واحدة 80000 جنيه و لكن بتتكلم عن مدرستين مختلفتين تماما فى كل شىء.....

يبقى الأول هل إنت ناوى تتحمل التكلفة العالية فى الصيانة و قطع الغيار و لا الموضوع ده فارق معاك....

السؤال التانى: العربية الزيرو ليها ضمان و مصروفاتها قليلة أما العربية المستعملة فطبعا مصروفاتها أكتر بكتير و يا سلام بقى لو كانت ميجان و يا سلام أكتر لو صاحبها كان مش مهتم بيها و بيلمها عند أى ميكانيكى و أى قطع غيار و كله ماشى......لو لا قدر الله ربنا وقعك فى واحدة من دول هتكره الرينو و الفرنساوى كله.....الميجان بالذات لو إحترمتها من الأول تديك عنيها و تبقى أحسن ركوبه ممكن تركبها و لو أهنتها تبقى تتمنى اليوم اللى تخلص فيه منها و متهوبش ناحية الفرنساوى مرة أخرى......


نصيحتى لحضرتك طالما بتقول إن ملكش خبرة كبيرة فى السيارات بلاش تيجب مستعمل و خصوصا الميجان لأن إحتمالية الحصول على واحدة نظيفة مستعملة منها يكاد يكون منعدم لأن ببساطة لو العربية الميجان مريحة صاحبها تقريبا مش بيكون عايز يغيرها......

و بالتوفيق إن شاء الله......

[mohamed1979]

أسمحولى أشارك برأى متواضع فى الموضوع.....

طبعا يوجد إختلاف رهيب بين فئة اللوجان و البروتون ساجا من ناحية و الميجان من الناحية الأخرى.....

كما يوجد أيضا فرق مهول بين السيارة الزيرو و السيارة الإستعمال.......

مش عايزين السعر يبقى هو ده الحاجة الوحيدة اللى بتحدنا....هو أساسى لكن مش الوحيد.....

الميجان مستوى مختلف تماما فى الركوب و الرفاهية و الثبات و الأمان و الإمكانيات و كمان مستوى مختلف فى التصليح و الصيانة و الأعطال و تكلفة تشغيل السيارة......

يعنى مصنعيات اللوجان و قطع غيارها لا تقارن بالميجان.....لأن ببساطة بالنسبة للتوكيل راكب الميجان من الفئة المتوسطة العليا بما إنها كانت فى حدود ال135000 جنيه يبقى مكسبه من هذا الزبون أعلى فى المصنعيات و قطع الغيار كما إنه من نوعية الزبون اللى على إستعداد يصرف......

أما بالنسبة لللوجان فهى تخاطب الفئة المتوسطة لأن السيارة فى حدود 75000 فمستوى صيانتها و قطع غيارها منخفض و منافس لأن بالطبيعى زبون اللوجان لن يلجأ إلى التوكيل إلا فى فترة الضمان فقط و بعد ذلك الغالبية العظمى بتلجأ للورش و قطع الغيار من خارج التوكيل و بما إن التوكيل بيكسب دهب من مبيعات قطع الغيار.... بيحاول يكسب زباين اللوجان ليه بتخفيض مصاريف تشغيل السيارة......


صحيح حضرتك بتكلم عن فلوس واحدة 80000 جنيه و لكن بتتكلم عن مدرستين مختلفتين تماما فى كل شىء.....

يبقى الأول هل إنت ناوى تتحمل التكلفة العالية فى الصيانة و قطع الغيار و لا الموضوع ده فارق معاك....

السؤال التانى: العربية الزيرو ليها ضمان و مصروفاتها قليلة أما العربية المستعملة فطبعا مصروفاتها أكتر بكتير و يا سلام بقى لو كانت ميجان و يا سلام أكتر لو صاحبها كان مش مهتم بيها و بيلمها عند أى ميكانيكى و أى قطع غيار و كله ماشى......لو لا قدر الله ربنا وقعك فى واحدة من دول هتكره الرينو و الفرنساوى كله.....الميجان بالذات لو إحترمتها من الأول تديك عنيها و تبقى أحسن ركوبه ممكن تركبها و لو أهنتها تبقى تتمنى اليوم اللى تخلص فيه منها و متهوبش ناحية الفرنساوى مرة أخرى......


نصيحتى لحضرتك طالما بتقول إن ملكش خبرة كبيرة فى السيارات بلاش تيجب مستعمل و خصوصا الميجان لأن إحتمالية الحصول على واحدة نظيفة مستعملة منها يكاد يكون منعدم لأن ببساطة لو العربية الميجان مريحة صاحبها تقريبا مش بيكون عايز يغيرها......

و بالتوفيق إن شاء الله......

كلام سليم 100 × 100

بس لو ميجان نظيفه مش عامله اكتر من 50000 الف و تكون موديل 2008 او اعلى و مستعد لمصاريف صيانه اكتر بشويه من اللوجان تبقى انت الكسبان

بالنسبالى اللوجان صفر على الشمال بالنسبه للميجان(الميجان عربيه فيها كل ما تتمناه و تحلم بيه)
دى احساسى لما اركب الميجان و بعدين اركب اللوجان

[elberens]

السلام عليكم
من غير اى تحيز
انا سيجاوى اصلى
معايا بروتون ساجا من سنه والحمد لله زى الفل
ثبات ونعومه وشكل رياضى تحفه
الحمد لله انه هدانى ليها
صحيح ان اللوجان قريبه منها كتييير
بس معلش يا جماعه الشكل الرياضى فى الساجا والبروتون عموما رجحها بالنسبالى جدا
شكرً

[mody3on]

لوجان زيرو .. بس لو عاوز اوتوماتيك وموتور قوي وقطع غيار سهلة واعادة بيع كويس يبقى فيرنا اوتوماتيك

[engineer05]

كلام سليم 100 × 100

بس لو ميجان نظيفه مش عامله اكتر من 50000 الف و تكون موديل 2008 او اعلى و مستعد لمصاريف صيانه اكتر بشويه من اللوجان تبقى انت الكسبان

بالنسبالى اللوجان صفر على الشمال بالنسبه للميجان(الميجان عربيه فيها كل ما تتمناه و تحلم بيه)
دى احساسى لما اركب الميجان و بعدين اركب اللوجان

كلام زي الفل ... شوف ميجان 2 2009 استعمال خفيف حتبقى في حدود وخلص على 75-80 ألف وأنت الكسبان ... بس إكشف على العربية في التوكيل أو مركز بيفهم في الرينو وأمين

[Qmax]

على فكره انا اتفرجت على اللوجان ولم تعجبنى وانا معايا 2005 وكان فيها بعض المشاكل والآن اتحلت والحمد لله والفرق شاسع جدا لصالح الميجان وراى انك لو عايز زيرو خليك فى اى حاجه غير اللوجان وربنا يوفقك

ممكن ياأستاذ إبراهيم توضح إيه هي المشاكل اللي حصلت معاك في الميجان وإتحلت إزاي

[iaibrahim]

طبعا الخطأ منى لأنى اشتريتها من سوق العاشر ومعنديش اى فكره المهم ان العربيه كانت بتدى رساله تشيك جير بوكس ورحت التوكيل وصلحوها ببلاش لان المالك السابق كان عامل عمره فتيس ولسه فى الضمان وبعدين مقلب تانى ان الكارت الاحتىاطى طلع بايظ عملت غيره ب800 جنيه وبعدين غلطه تانيه رحت لكهربائى عادى عشان الزجاج كان بيعلق( ومازال) عمل قافله طيريت كمبيوتر الفتيس وطبعا عرفت كده بعد دوخه وتمنه 4000 جنيه فى التوكيل المهم جبته استيراد ب600 جنيه وبدأت اتعلم ( مع انى استاذ جامعه وبسوق من 30 سنه)واعرف بعض المتخصصين وواعضاء المنتدى ساعدونى كثيرا ولهم جزيل الشكر والخلاصه الفحص الجيد عن طريق التوكيل يريح وربنا يوفقك

[Qmax]

طبعا الخطأ منى لأنى اشتريتها من سوق العاشر ومعنديش اى فكره المهم ان العربيه كانت بتدى رساله تشيك جير بوكس ورحت التوكيل وصلحوها ببلاش لان المالك السابق كان عامل عمره فتيس ولسه فى الضمان وبعدين مقلب تانى ان الكارت الاحتىاطى طلع بايظ عملت غيره ب800 جنيه وبعدين غلطه تانيه رحت لكهربائى عادى عشان الزجاج كان بيعلق( ومازال) عمل قافله طيريت كمبيوتر الفتيس وطبعا عرفت كده بعد دوخه وتمنه 4000 جنيه فى التوكيل المهم جبته استيراد ب600 جنيه وبدأت اتعلم ( مع انى استاذ جامعه وبسوق من 30 سنه)واعرف بعض المتخصصين وواعضاء المنتدى ساعدونى كثيرا ولهم جزيل الشكر والخلاصه الفحص الجيد عن طريق التوكيل يريح وربنا يوفقك

متشكر جدا لحضرتك