رينو duster

[mohamed eladawy]

ياجماعة انا كنت ناوي اشتري عربية تناسب طرقنا الممهدة و ناس قالتلي ان في عربية رينو duster 4*4 دخلت علشان اشوف سعرها لقيت ان هي مانيوال 126000 او 135000 بس المشكلة اني ما اعرفش عنها اي حاجة ولا قطع الغيار ولا اي حاجة لو ممكن المساعدة في الموضوع ده

[stonecoldmido5]

ياجماعة انا كنت ناوي اشتري عربية تناسب طرقنا الممهدة و ناس قالتلي ان في عربية رينو duster 4*4 دخلت علشان اشوف سعرها لقيت ان هي مانيوال 126000 او 135000 بس المشكلة اني ما اعرفش عنها اي حاجة ولا قطع الغيار ولا اي حاجة لو ممكن المساعدة في الموضوع ده

اولا احب احيي سيادتك علي اختيار عربية زي دي لانها بصراحة عربية تحفة , و اعتذر عن التأخير في الرد ثانيا احب اقول لحضرتك ان دلوقتي بتنزل 3 موديلات منها بس (سألت في التوكيل) :

الفئة - داستر ( روماني التقفيل )
نمط السيارة - دفع رباعى
صندوق التروس - مانيوال
سعة المحرك - 1600 سى سى
قوة المحرك - 105 حصان

طول / عرض / ارتفاع - 4315 / 1822 / 1690
اطارات السيارة - 215/65R16

اسعار موديلات رينو داستر 2012

- رينو داستر 2012 مانيوال 4×2 جميع الكماليات
128.000 جنيه مصرى
( ينقصها التصفيح من اسفل )
- رينو داستر 2012 مانيوال4×4 126.000 جنيه مصرى
( ينقصها الزجاج الخلفي يدوي , غير مصفحة من اسفل, الاطار الاحتياطي اسفل السيارة )
- رينو داستر 2012 مانيوال 4×4 جميع الكماليات
135.000 جنيه مصرى

كماليات رينو داستر 2012

تصفيح حديدي أسفل السيارة - زجاج مظلل عازل للحرارة - الإكصدام الأمامي مطلي بلون رمادي - عواكس خلفية - عتب جانبي اسود - قضبان للتحميل على السقف بلون اسود - نظام ايموبيليزر للحماية ضد السطو و السرقة - أقفال خاصة للأطفال في الخلف - أحزمة أمان أمامية ذات نقاط تثبيت ثلاثية - أحزمة أمان خلفية ذات نقاط تثبيت ثلاثية - مصابيح انعطاف على الرفارف الأمامية بلون أبيض - مساحة للزجاج الخلفي - نظام تدفئة للزجاج الخلفي - باور ستيرينج - امكانية تعديل ارتفاع عجلة القيادة - عدد 4 زجاج أمامي كهربائي - إمكانية طي ظهر المقاعد الخلفية - مقعد السائق يمكن تعديل ارتفاعه يدوياً - جيوب للتخزين خلف المقاعد الأمامية - تكييف هواءة - الإطار الإحتياطي مثبت داخل صندوق الأمتعة - عتب جانبي مطعم بالكروم - مرايات كهرباء .
ثالثا : انا جربت التيجو 1600 بس مينفعش طبعا تتقارن بالرينو الداستر .
و اللة باختصار الرينو داستر احسن عربية ركبتها في حياتي ( من غيرمجاملة و ربنا شاهد علي كلامي) انا جربت سواقتها ع 160 كم كانت ثابتة لاقصي مدي .
حضرتك محمل او مش محمل العربية سحبها واحد فوق الممتاز و خصوصا بعد التالت لدرجة ان انا مش مصدق انها 1600 و كفاية انها حضرتك ممكن تطلع ع الغيار التاني ع طول .
بالنسبة لقطع الغيار بصراحة معنديش اي فكرة عن الاسعار بس ناوي اتعامل مع الوكيل و بسمع ان معاملتهم محترمة جدا و خصوصا العربية تستاهل .
ونصيحة لو ميزانية حضرتك تسمح توكل علي اللة و اشتري الكاملة لانها مناسبة جدا و هتفرق مع حضرتك جامد .
و اي استفسار انا ف انتظار سيادتك و اعتذر لحضرتك ع التأخير .

[ugaritian]

^^^

ما شاء الله. افكر فيها بشكل جدي، سألت التوكيل في دمشق قال نسخة 2000 cc قادمة و ستكون اوتوماتيك، اخذو نمرة موبايلي و سيتصلوا عند وصولها.

[stonecoldmido5]

^^^

ما شاء الله. افكر فيها بشكل جدي، سألت التوكيل في دمشق قال نسخة 2000 cc قادمة و ستكون اوتوماتيك، اخذو نمرة موبايلي و سيتصلوا عند وصولها.

ودي حضرتك عاملة كام ؟

[ugaritian]

السعر غير معروف، ارجو الانتباه الحوار كله حصل في توكيل رينو دمشق( سوريا).

[abdallasoliman]

السيارة الداستر لى بعض الملاحظات التى لم تعجبنى فيها
التابلوة نفس تابلوة اللوجان غير قيم .. اوكر الابواب ضعيفة لاتتمشى مع سيارة جيب .. قدرة العزم 95حصان تقريبا
عدم تصفيح السيارة الفئات المذكورة عيب خطير .. ويمكن ال2000 cc يتداركوا العيوب التى ذكرتها .. وهذا رائى ولك الاختيار
وسوف اسأل فى التوكيل عن عيوبها

[Ahmed A Rahman]

قدرة الداستر 105 حصان مش 95 حصان

ده حصان الاوربي يعني Net مش كوري Gross

[beeronasr]

عربية روعة و ناوى اشتريها ان شاء الله لان كل اللى جربها سواء مصرى او اجنبى شكر فيها جدا

[midokit]

يا إخواني الأعزاء
أنا عايز حد يكون ركب الداستر وركب الكارنز ويقولي الفرق في السواقة بين دي ودي وهل الصاج الخفيف للداستر يخليها مش أمان كفايه؟
أنا دخلت على الeuroncap ولقيت إن تقييم الداستر 3 وتقييم الكارنز 4 وده معناه إن الكارنز أمان أكتر بس أنا مفهمتش هما ليه قيموا كده مع إن في الفيديو الإثنين إتبعككو زي بعض.

[stonecoldmido5]

يا إخواني الأعزاء
أنا عايز حد يكون ركب الداستر وركب الكارنز ويقولي الفرق في السواقة بين دي ودي وهل الصاج الخفيف للداستر يخليها مش أمان كفايه؟
أنا دخلت على الeuroncap ولقيت إن تقييم الداستر 3 وتقييم الكارنز 4 وده معناه إن الكارنز أمان أكتر بس أنا مفهمتش هما ليه قيموا كده مع إن في الفيديو الإثنين إتبعككو زي بعض.

مساء الخير علي حضرتك عندي الداستر و سوقت الكارينز مع صاحبي لقيت عدة فروق اساسية بين الاتنين :
- صاج الداستر فعلا اخف شوية من الكارينز بس ده مش مأثر جامد في اي حاجة .
- الكارينز تتفوق علي الداستر في الكماليات و الاوتوماتيك و شكل التابلوه .
- الداستر سحبها اعلي بكتير جدا جدا جدا من الكارينز .
- الداستر اقل استهلاك بنزين في فئتها ( من واقع تجربة عملية مش من الكتالوج ) .
- عفشة الداستر اكتر نعومة و ثبات و متانة من الكارينز .
-الداستر دفع رباعي ( 6 غيار ) و دي ميزة اساسية .
- الكارينز صالونها اوسع من الداستر .
- الداستر تقدر تطلع بيها في سفاري وانت مطمن - الي حد ما - و الدليل الفيديوهات للعربية علي اليوتيوب و طبعا الكارينز استحالة .
- الفنش و الخامات تقريبا الاتنين مستوي واحد .
- الكارينز قطع غيارها معقولة السعر و منتشرة في كل حتة اما الداستر مفيش اي معلومات عن قطع غيارها الا من خلال التوكيل .
- لو حضرتك نويت تشتري الكارينز يبقي الخليجي بغض النظر ان مفيش ضمان لان تقفيلها اعلي .
واي سؤال انا تحت امر حضرتك.

[ecybrarian]

انا باشوف على النت نوعين من التابلو..نوع typical من اللوجان (زراير الزجاج بالذات) ونوع تاني زارير الزجاج في دراع الابواب..ايهم ينزل مصر




دا النوع إللي الزراير مش في التابلو (انا شايف إن دا اشيك)



ودا النوع التاني من التابلو

[amado318]

العربيه دى شكلها عجبنى جدا من اول ما شوفتها

[stonecoldmido5]

انا باشوف على النت نوعين من التابلو..نوع typical من اللوجان (زراير الزجاج بالذات) ونوع تاني زارير الزجاج في دراع الابواب..ايهم ينزل مصر




دا النوع إللي الزراير مش في التابلو (انا شايف إن دا اشيك)



ودا النوع التاني من التابلو

تابلوه اللوجان هي اللي بتنزل مصر

[beeronasr]

يا سلام عليك يا أستاذ: </B>stonecoldmido5 الف شكر على الافادات اللى فى كل حتة و سعيد انى اشوفك هنا.
طبعا كل الناس خايفة من تجربة حاجة جديدة و خاصة من رينو مش عارف لية؟
تعرف لو دى يابانى مثلا كانت اتخطفت من السوق زى التيريوس كدة - انا شايف انها اقل من الداستر و اغلى - غريبة.
انت اديت مثال لانك اشتريت حاجة انت مقتنع بيها و معلوماتك عن العربية هتشجع ناس كتير و انا واحد منهم لشرائها.
بعد كدة انتشار العربية هيوجد قطع الغيار و يوفرها ان شاء اللة.

[stonecoldmido5]

يا سلام عليك يا أستاذ: </b>stonecoldmido5 الف شكر على الافادات اللى فى كل حتة و سعيد انى اشوفك هنا.
طبعا كل الناس خايفة من تجربة حاجة جديدة و خاصة من رينو مش عارف لية؟
تعرف لو دى يابانى مثلا كانت اتخطفت من السوق زى التيريوس كدة - انا شايف انها اقل من الداستر و اغلى - غريبة.
انت اديت مثال لانك اشتريت حاجة انت مقتنع بيها و معلوماتك عن العربية هتشجع ناس كتير و انا واحد منهم لشرائها.
بعد كدة انتشار العربية هيوجد قطع الغيار و يوفرها ان شاء الله.

شكرا لحضرتك بس و الله انا عارف ان قرار شراء اي عربية بيبقي قرار صعب و بيحتاج لمعلومات كتير فانا بحاول افيد ع قد ما اقدر لاني اتحطيت ف الموقف ده وانا بشتري الداستر و مخبيش علي حضرتك طبعا كنت قلقان , بس الحمد لله القلق راح اول ما سوقتها وشكرا لاهتمام حضرتك