تركيب سماعات بيضاوي 6*9 للفلوينس

[Hegazio]

تم بحمد الله أمس تركيب سماعات بيضاوي 6*9 للفلوينس

تم إزالة البوردة الخلفية بالكامل .. تركيب بوردة تفصيل بحرفنة شديدة
انا كنت عامل فرش جلد تفصيل للعربية فكسيت البوردة من نفس الجلد بعد حشوه بالسفنج .. شيك جدا

السماعات هي الأفضل من حيث مناسبتها للقلوينس - بيونير 500 وات ( نومينال 80 ) 3 واي
طبعا فيه سماعات ليها نومينال أعلي و ده مش حيناسب خرج كاسيت عالي من غير امبليفير
بالاضافة لأن عدد سماعات ( واي ) اكثر برضه ممكن يأثر علي خرج البيز من الكاسيت المتواضع

الصوت رااااااااااااائع
كان نفسي في جي إم بس كده حناخد وصلة من الضفيرة و نخرج من الضمان .. خلينا أوديو بس لحد ما نشوفلها حل

تحياتي

[bukla]

مبروك يا باشا
و ياريت لو شويه صور للرف الخلفى بالبورده التفصيل و بالمره الصالون علشان نشوف الفرش الجلد
ربنا يباركلك فيها ويديك من خيرها و يكفيك شرها ان شاء الله

[amigo_magdos]

معلش يا باشا كام سؤال كده.
هوا العربية بتعتك سماعتين و لا 6 سماعات ؟ وصلت السمعات ازاي ؟ ياعني السلوك كانت ممدودة و انت بس ركبتهم ولا عاديت سلك من تحت الكنب و الكلام ده ؟
عملت شغل البورد و الفرش عند مين. و اكون في غاية الشكر لو كام صورة كده.

[Hegazio]

الصور صعبة ياجماعة معلش
السلك خدنا من الوصلة اللي بتوصل للسماعات اللي ماشية من جنب الكرسي من تحت و كملناها بنفس السكة لحد ورا..معروفة لو ركبتها فأي عربية مابتفرقش