بشتري رينو مستعمل ... أكشف عليه فين ؟؟؟

[engineer05]

السلام عليكم

أكشف على العربية فيييين يا رجالة؟ أنا في مصر الجديدة
التوكيل بياخد 450 جنيه و لازم أستني يوم أو اتنين ... مفيش بديل كويس و يكشف النهاردة؟؟؟

[engineer05]

يلا يا رجالة حد يفيدني عشان نازل علطول

[Ahmed Selim]

التوكيل أو أحد مراكز الخدمة المعتمدة ( الميكانيكيون العرب أو فرنش موتورز )

[MoHamdy]

التوكيل أو أحد مراكز الخدمة المعتمدة ( الميكانيكيون العرب أو فرنش موتورز )

+11111111111
الميكانيكيون العرب ش جوزيف تيتو بعد السندباد
فرنش موتورز الرحاب أو ش أحمد عصمت

[engineer05]

جزاكم الله خيراً ...البيعة فكست خلاص :)

الحمد لله

[ragaee]

أحب أضيف رد مع ان البيعة فكست :)
بلاش التعامل مع المكانيكيون العرب و خصوصاً لو كانت العربية المستعملة دى جاية من طرفهم وده لأنهم نصابين و لو عايز تعرف عنهم أكتر ارجع للمواضيع اللى بتتكلم عن التجارب المأساوية فى التعامل معهم الموجودة على المنتدى
نصيحتى لأى حد بيشترى مستعمل انه يرجع للتوكيل و على الأقل يكشف بال vin عن مواعيد الصيانة و أخر كيلومتر مسجل و دة ممكن يتعمل من غير تكلفة نهائى، أما لو عايز تتطمن أكتر اكشف بعد كدة عن كفائة الموتور و السينسورز و الشاسية عند اى حد

[engineer05]

أحب أضيف رد مع ان البيعة فكست :)
بلاش التعامل مع المكانيكيون العرب و خصوصاً لو كانت العربية المستعملة دى جاية من طرفهم وده لأنهم نصابين و لو عايز تعرف عنهم أكتر ارجع للمواضيع اللى بتتكلم عن التجارب المأساوية فى التعامل معهم الموجودة على المنتدى
نصيحتى لأى حد بيشترى مستعمل انه يرجع للتوكيل و على الأقل يكشف بال vin عن مواعيد الصيانة و أخر كيلومتر مسجل و دة ممكن يتعمل من غير تكلفة نهائى، أما لو عايز تتطمن أكتر اكشف بعد كدة عن كفائة الموتور و السينسورز و الشاسية عند اى حد

جزاك الله خير يا أستاذ رجائي .. بس أنا مش عارف إيه هو الـ vin ؟؟
هما في التوكيل لما جيت أحجز معاهم سألوني عن رقم الشاسيه .. بس مكنتش أخدته لأني مكنتش أعرف أن الحجز في التوكيل برقم الشاسيه.

[ragaee]

ال VIN ده الرقم الموجود تحت الزجاج الأمامى فى مستطيل صغير ناحية الشمال من الخارج
وهو ببساطة رقم الشاسية بس فى بدايته كام حرف
والكشف عن تاريخ السيارة بالرقم ده مش محتاج حجز و من غير تكلفة و نصيحتى ليك لازم تكشف عن مواعيد الصيانة اللى عملتها العربية والكيلومتر عند كله صيانة الأول قبل ما تدفع حجز للكشف عن الحالة
لأن العربية ممكن تكون مش عملة صيانات و المصيبة الأكبر ممكن يكون ملعوب فى عدادها (زى حالتى :( )والكشف عن ال History بيكشف الكلام ده

[ragaee]

ال VIN ده الرقم الموجود تحت الزجاج الأمامى فى مستطيل صغير ناحية الشمال من الخارج
وهو ببساطة رقم الشاسية بس فى بدايته كام حرف
والكشف عن تاريخ السيارة بالرقم ده مش محتاج حجز و من غير تكلفة و نصيحتى ليك لازم تكشف عن مواعيد الصيانة اللى عملتها العربية والكيلومتر عند كله صيانة الأول قبل ما تدفع حجز للكشف عن الحالة
لأن العربية ممكن تكون مش عملة صيانات و المصيبة الأكبر ممكن يكون ملعوب فى عدادها (زى حالتى :( )والكشف عن ال History بيكشف الكلام ده

[abdallasoliman]

مش مشكلة لما تدفع 450ج فى الكشف على العربية فى التوكيل وممكن تفاصل معاهم بس احسن ماتدفع الاف الجنيهات بعد كدة لان قلة الضمير منتشرة بصورة بشعة عند الناس .. ولو عايز تشترى رينو عموما اهم شئ تكون بتتعامل مع التوكيل فى الصيانات رغم بعض السلبيات بس لو فية حاجة بسيطة بيغير ومفيش تفاهم وبالتالى افضل للى حيشترى عربية بتتعامل مع التوكيل .. علشان انا دفعت دم قلبلى فى عربية مكانتش بتتعامل مع التوكيل ولو اشتريت عربية بتتعامل مع التوكيل بسعر اعلى فانت الكسبان

[centon]

ال vin ده الرقم الموجود تحت الزجاج الأمامى فى مستطيل صغير ناحية الشمال من الخارج
وهو ببساطة رقم الشاسية بس فى بدايته كام حرف
والكشف عن تاريخ السيارة بالرقم ده مش محتاج حجز و من غير تكلفة و نصيحتى ليك لازم تكشف عن مواعيد الصيانة اللى عملتها العربية والكيلومتر عند كله صيانة الأول قبل ما تدفع حجز للكشف عن الحالة
لأن العربية ممكن تكون مش عملة صيانات و المصيبة الأكبر ممكن يكون ملعوب فى عدادها (زى حالتى :( )والكشف عن ال history بيكشف الكلام ده

يا نهار هوا ممكن حد يلعب فى العدادات الجديدة؟ وهل يمكن كشفها بالوكيل
حسبى الله ونعم الوكيل فى اللى يغش

[engineer05]

يا نهار هوا ممكن حد يلعب فى العدادات الجديدة؟ وهل يمكن كشفها بالوكيل
حسبى الله ونعم الوكيل فى اللى يغش

طبعا المصريين يقدروا يلعبوا في العدادات جديدة أو قديمة ...عيب عليك ..7000 سنة فهلوة ولعب بالبيضة والحجر :)

العدادات بتبقى في الغالب ميكانيكية على حد علمي حتى في الجديد ... واللي بيعملوه غالبا أنهم بيفصلو الوصلة الميكانيكية بتاعت العداد عشان ميعدش الكيلومترات اللي العربية ماشياها. واللي بيعمل كدة دة واحد مش همه العربية خالص لأنه كدة استحالة يعرف مواعيد صيانتها فلو عرفت أن العربية عدادها اتلعب فيه إوعى تشتريها أبداً

[ragaee]

طبعا المصريين يقدروا يلعبوا في العدادات جديدة أو قديمة ...عيب عليك ..7000 سنة فهلوة ولعب بالبيضة والحجر :)

العدادات بتبقى في الغالب ميكانيكية على حد علمي حتى في الجديد ... واللي بيعملوه غالبا أنهم بيفصلو الوصلة الميكانيكية بتاعت العداد عشان ميعدش الكيلومترات اللي العربية ماشياها. واللي بيعمل كدة دة واحد مش همه العربية خالص لأنه كدة استحالة يعرف مواعيد صيانتها فلو عرفت أن العربية عدادها اتلعب فيه إوعى تشتريها أبداً

لا يا باشا، الميجان عددها إلكترونى ومينفعش يتفصل، واللى بيحصل إن فى ناس عندها القدرة فى تعديل قراءة الكيلومتر والكلام ده طبعا بيتعمل قبل بيع السيارة مباشرة و ممكن يتعرف بمنتها السهولة بالكشف عن الصيانات و مواعيدها يعنى مثلا: عربية عمله 60.000 مع ان اخر صيانة ليها كانت 90.000 !!!، مثال تانى: عربية عملة 60.000 مع ان أخر صيانة ليها كانت 50.000 من سنتين!!!
والميزة فى رينو ان نظام الصيانة مسجل و متصل مع جميع المراكز المعتمدة على مستوى الجمهورية، و بمنتهى البساطة ممكن تعرف بيانات أى عربية و بدون متدفع مليم من أى مركز
وطبعا ده مش معناه انك متكشفش عالعربية، بس قبل ماتدفع للكشف، اعرف الأول بيانات و مواعيد الصيانة ممكن متطرش تكشف :)

[abdallasoliman]

الكلام لوكانت العربية بتتعامل مع مركز خدمة او التوكيل ولوكانت مبتتعاملش معدول وبتتعامل برة التوكيل حيتعرف اذاى لوفية لعب فى العدادات ... علشان كدة بقول وبكرر نصيحتى انة يجب ان تكون العربية بتتعامل مع التوكيل للامان

[engineer05]

لا يا باشا، الميجان عددها إلكترونى ومينفعش يتفصل، واللى بيحصل إن فى ناس عندها القدرة فى تعديل قراءة الكيلومتر والكلام ده طبعا بيتعمل قبل بيع السيارة مباشرة و ممكن يتعرف بمنتها السهولة بالكشف عن الصيانات و مواعيدها

جزاك الله خير يا استاذ رجائي على المعلومة القيمة دي ... مكنتش عارف أن العداد بتاع الميجان لا يمكن فصله...
بس دة كدة معناه أن في ورش بتاعت رينو بتساعد على غش المشترين ... حسبنا الله ونعم الوكيل

الكلام لوكانت العربية بتتعامل مع مركز خدمة او التوكيل ولوكانت مبتتعاملش معدول وبتتعامل برة التوكيل حيتعرف اذاى لوفية لعب فى العدادات ... علشان كدة بقول وبكرر نصيحتى انة يجب ان تكون العربية بتتعامل مع التوكيل للامان

أنا رأيي أن العربية لو مش بتتعامل مع التوكيل على الأقل في فترة الضمان يبقى مفيش منها رجا والواحد ميشتريهاش من أصله