محتار في نوع الزيت

[albasha]

اليومين دول بقينا كلنا نسمع عن انواع زيت كتير ومواصفات خرافيه تحسسك إنك هتركب عربيه تانيه خالص غير عربيتك والمشكله إني فعلاً المواضيع الإعلانيه ديه لعبت في دماغي وعايز أغير زيت ومش عارف أرجع تاني لتوتال ولا أخليني في كاسترول ولو أن أداءه في رأي مفرقشي كتير عن توتال وده رأي شخصي ويمكن كمان توتال نسبة البخر بتاعته ضعيفه لكن كاسترول البخر بتاعه عالي وإن كانت المقارنه هنا مش صحيحه لأني بقارن بين نصف تخليقي ومعدني فالمقارنه هنا ظالمه لكن بصراحه محستش بفرق خالص وهو هو الزيت تأثير غير ملحوظ بالمره
بصراحه من كتر الإعلانات إحترت أرجع تاني وأغير توتال ولا أجرب فالفولين ولا أجرب ليكوي مايلي

ياريت يا جماعه تفيدوني لإني أحترت فعلاً بس ميزة فالفولين الناس هتيجه تغيره عند البيت وميزة توتال إني بشتريه من البنزينه وأروح أغيره عند الميكانيكي بتاعي وأشيك بالمره علي العربيه لكن عيب ليكوي مايلي إني هروحله مشوار بعيد وأنا مش فاضيله بصراحه

[ahmedtr9989]

و أنا كماااان و اللهي محتااار حيرتك ... بين فالفولين ولا lique mole
و إن كنت برشح الأخير ,,,,, بس لسه معرفش .....

[albasha]

و أنا كماااان و اللهي محتااار حيرتك ... بين فالفولين ولا lique mole
و إن كنت برشح الأخير ,,,,, بس لسه معرفش .....

والله الواحد من كتر الإعلانات بقي تايه مش ايه الصح وايه الغلط وبعدين يديك صوره إن عربيتك هتبقي وهميه لو غيرت للزيت ده معني جربت موضوع كاسترول لقيته عادي مفييهوش جديد ؟؟؟؟؟؟؟؟؟؟؟؟؟؟؟

[SoFiMaN]

والله انا كنت ناوي امبارح اكتب موضوع هنا فعلا اسأل هو تغيير الزيت ممكن فعلا يحسس الواحد بفرق في السحب (على السرعات العالية بعد 100كم بقت اسرع قطعاً في الوصول لل170-180) و برضه صوت موتور هدى اكيد خصوصا اني كنت بسمعه جامد في الجراج دلوقتي بسمعه اه بس مش عالي اوي زي الاول فرق بسيط يعني.
مش عارف ايه عمل كده بس ده حسيته بعد اخر صيانة (70000) و انا اللي كنت جايبلهم الزيت هم بس جبت منهم الفلتر.

[abdallasoliman]

بالبحث والاستفسار من احد الاصدقاء عن الزيوت وهومهندس ولة خبرة وبتعامل فيها افادنى ان افضل الزيوت موبيل يلية شل لان نسبة الاضافات فيهم اكتر من توتال وغيرهم ويفضل تغيير الزيت كل 5000كم فى الشتاء و4000 كم فى الصيف وليس صيحيح الى بيتقال فى التوكيل كل 10الاف علشان يبيعوا لان الزيت الاول والتانى لايتغير لونة بعد المدة المذكورة توتال يتغير لونة وبيكون غامق لعوامل الاكسدة والرطوبة..

[ahmedtr9989]

بالبحث والاستفسار من احد الاصدقاء عن الزيوت وهومهندس ولة خبرة وبتعامل فيها افادنى ان افضل الزيوت موبيل يلية شل لان نسبة الاضافات فيهم اكتر من توتال وغيرهم ويفضل تغيير الزيت كل 5000كم فى الشتاء و4000 كم فى الصيف وليس صيحيح الى بيتقال فى التوكيل كل 10الاف علشان يبيعوا لان الزيت الاول والتانى لايتغير لونة بعد المدة المذكورة توتال يتغير لونة وبيكون غامق لعوامل الاكسدة والرطوبة..

أن في إعتقادي الشخصي و مع إحترامي لرأيك ..... معروف إن التوكيل بيحب يدفع الزبوون فلوس كتيير ... يعني التوكيل لو شاكك في أي حاجة إنها بايظة ولو ل 20% هيقولك غيرها ....
فلو المفروض الزيت يتغير على 5000كم زي مابتقول في مصلحة التوكيل يقولك كل 2000كم مثلاً....
و الحاجة الثانية إن العربية نفسها و السوفت ويير بتاعها متظبط عل 10000كم فمينفعش أنا أغيره 5000 او 4000كم...
و بعدين هل صديقك إطلع على كل أنواع الزيوت إلي موجودة ...... أنا شايف كل المصرييين بيحبوا في المقام الأول موبيل .... زي سياسة العربية المتسوبيشي في السوق المصري... و بعدين يكفي إن موبيل متقفل في مصر .... بينما الأنواع إلي بنكلم عليها متقفلة برة

[Youssef.Awad]

نصيحة ليك تغير لزيت تخليقى بالكامل سواء فالفولين الهولندى او ليكوى مولى الالمانى
انما موبيل 1 زفت الزفت ومن سىء لأسوأ كل مرة اعمل صيانة اجيبه اغلى من كل مرة واسوأ من كل مرة ويادوب 2000 كم ويبقى اسود هبابة وصوت العربية عالى برضه
انا خلاص قررت اغير وفاضلى 6000 كم على الصيانة باذن الله

[titos_81]

انا جربت الكاسترول و لا غبار عليه بس جربت بعده الليكوى مولى و حطيت عليه اضافه السيراتك بتاعهم و العربيه بقت انعم و السحب بقى افضل و ده راى الشخصى عن تجربه

[albasha]

انا جربت الكاسترول و لا غبار عليه بس جربت بعده الليكوى مولى و حطيت عليه اضافه السيراتك بتاعهم و العربيه بقت انعم و السحب بقى افضل و ده راى الشخصى عن تجربه

المشكله إن الليكوى مولى ده محتاج مشوار لأخر الدنيا يمين علي رأي أحد الساده الأفاضل بالمنتدي وانا للأسف بصراحه مش ناقص مشاوير لأخر الدنيا لإن بالفعل مشاويري كلها في أخر الدنيا ومحتاج حاجه تكون في طريقي أو تكون قريبه مني يعني بصراحه لو الليكوى مولى ده قريب كنت جربته بالمره زي باقي التجارب

[kiko100100]

انا بحط كاسترول ايدج 5w40 و ده تخليقى بالكامل و شايف انه احسن من التوتال و مريحنى جدا.لكن الكاسترول اللى نصف تخليقي ومعدني ده اسمه ماجنتيك و ده مش للميجان.الميجان بتاخد زيت تخليقى بالكامل

[darklights]

السلام عليكم
وكل عام و أنتم بخير.
و الله أنا عندى رأى تانى خالص جربوا زيت فيسكو و هو موجود فى محطات الجيش و متوافر و موجود النوع اللى أنتم عاوزينه سواء كان تخليقى أو معدنى و هو زيت ممتاز و عن تجربة . و أنا و أصدقائى مجربينه فى 4 أنواع سيارات مختلفة ( بريستيج - لانسر شارك - جين 2 - نيسان صنى 2011 ) و الله ممتاز .
وشكرا

[albasha]

السلام عليكم
وكل عام و أنتم بخير.
و الله أنا عندى رأى تانى خالص جربوا زيت فيسكو و هو موجود فى محطات الجيش و متوافر و موجود النوع اللى أنتم عاوزينه سواء كان تخليقى أو معدنى و هو زيت ممتاز و عن تجربة . و أنا و أصدقائى مجربينه فى 4 أنواع سيارات مختلفة ( بريستيج - لانسر شارك - جين 2 - نيسان صنى 2011 ) و الله ممتاز .
وشكرا

مع كامل إحترامي لحضرتك فيسكو زيت عامل مشاكل مع ناس كتير وفي موضوع هنا في المنتدي عن مساوئ زيت فيسكو إقراه حضرتك وبعدين قولنا إزاي نثق فيه
تاني حاجه إحنا بنتكلم عن أنواع زيوت أعلي من زيت فيسكو فميش مقارنه بينه وبينهم ودور كده علي مقارنات بينه وبين الزيوت الموجوده من حيث عوامل البخر وعوامل الحرق وعوامل تانيه كتير الزيوت بتقارن بيها أصلاً ممكن متلاقيش فيسكو ده في ولا مقارنه
أسف مقدماً لو كلامي أساء لمشاركة حضرتك وبشكرك علي عرضك لتجربتك ومرورك بالموضوع

[osha_ahmed]

مع كامل إحترامي لحضرتك فيسكو زيت عامل مشاكل مع ناس كتير وفي موضوع هنا في المنتدي عن مساوئ زيت فيسكو إقراه حضرتك وبعدين قولنا إزاي نثق فيه
تاني حاجه إحنا بنتكلم عن أنواع زيوت أعلي من زيت فيسكو فميش مقارنه بينه وبينهم ودور كده علي مقارنات بينه وبين الزيوت الموجوده من حيث عوامل البخر وعوامل الحرق وعوامل تانيه كتير الزيوت بتقارن بيها أصلاً ممكن متلاقيش فيسكو ده في ولا مقارنه
أسف مقدماً لو كلامي أساء لمشاركة حضرتك وبشكرك علي عرضك لتجربتك ومرورك بالموضوع

طيب ممكن حضرتك تقولنا ايه المشاكل اللى عاملة فيسكو وانه نوع منه 3000 ولا ال 5000
ونوع العربية

[bakkarahmed]

فيسكو ده كان افتكاسه طالعه في المنتدي السنه اللي فاتت .... انا استعملت الجيركن اللي بيقعد 5000 الاف ونزلته بعد 2000 كيلو لان العربيه بقي صوتها جرار..
انا خايف ان فالفولين او ليكوي مول يطلعوا افتكاسه برده بس اكيد مش هاتبقي زي فيسكو

[SoFiMaN]

فيسكو ده كان افتكاسه طالعه في المنتدي السنه اللي فاتت .... انا استعملت الجيركن اللي بيقعد 5000 الاف ونزلته بعد 2000 كيلو لان العربيه بقي صوتها جرار..
انا خايف ان فالفولين او ليكوي مول يطلعوا افتكاسه برده بس اكيد مش هاتبقي زي فيسكو

انا دلوقتي داخل على ال1000كيلو بعد تغيير الى فالفولين 5w30 mst .. اكتر حاجة ملحوظة و ان كانت مش بشكل كبير هي صوت الموتور بقى اوطى.. و حاجة تانية بس بصراحة مش عارف هل دي بسبب تغيير الزيت ولا ايه (لاني غيرته مع صيانة ال10000كيلو في التوكيل اللي هي اصلا تغيير زيت و فلتر و تربيط عفشة) و هي ان الوصول لل150-180 بقى اسرع من قبل كده يعني بشكل عام التسارع بعد ال100 اتحسن.