Tweet
السلام عليكم يا شباب
أولاً كل سنة و انتم طيبيين و عيد سعيد عليكم بإذن الله
روحت يوم الخميس اللى قبل العيد توكيل رينو فى المقطم علشان اعمل صيانة المية ألف، تغيير زييت و فلتر و بوجيهات، ونسيت أخد زيت معايا علشان كان عندى اعتراض على زبت Total اللى عندهم، وكان عندى مشكلة رسالة check gearbox بتظهر و تختفى لما أقف و أدور تانى، المهم كنت عايز فى الأول أحجز السبت اللى قبل الخميس ده و الراجل فى التليفون قاللى مش هينفع لأن ده نص يوم و مشكلة الجير بوكس دى عايزه يوم كامل، المهم حجزت يوم الخميس اللى قبل العيد الساعة 9 الصبح ووصلت 9:30، وقفت فى الطابور اللى فى وش بوابة الورش ده ولما جه دورى جالى المهندس و حكيت له اللى أنا عايزة و أول مسمع موضوع الرسالة هز راسة و ضم شفتة و تنهد من مرخيلة و كأنه عايز يقولى خلاص عليك العوض فى العربية، بلعت ريقى و قلتله فى أمل، قاللى بص هو احنا حنعمل كشف على ال fault messages ، يعنى حنعرف ايه سبب المشكلة، لكن مش حنلحق نعالجها لأن الموضوع ده بياخد وقت، مع العلم انى لما جيت احجز معرفتش أحجز السبت علشان ده نص يوم!!!!، وقالى بص بم انك مش عجبك زيت Total، اطلع على التوكيل فى القطامية و احكيلهم على كل المشاكل دى و بالمرة هات الزيت اللى انت عايزة فى سكتك، مش عارف لية حسيت انه بيزحلقنى، بس انا كان عندى مشوار قريب من القطامية فقلت مش مشكلة و خدت بعضى و طلعت على هناك، وصلت حوالى 11:30 أو 12، المهندس اللى هناك قابلنى بتكشيرة كبيرة ولما قلتلة الحكاية، قاللى احنا هنا صيانة بس يا استاذ موضوع الجير بوكس ده ملناش فيه !!!، و قبل ما اتكلم، افف و برطم فى سره ومسك التليفون و مشى بعيد و طبعا كان بيكلم بتوع المقطم و رجعلى بابتسامة صفرة و قاللى معلهش يا استاذ ارجع توكيل المقطم وهم هايعمللولك كل حاجة، تفهمت المشكلة و قلت معلهش غلطت موظف بتاع المقطم، فقلت علشان ألحق مشاويرى أسيبلهم العربية تعمل الصيانة دلوقتى و بعدين أعدى عليهم بعد لما أخلص المشوار و أخد العربية و أطلع على توكيل المقطم يكشفوا على الجير بوكس، المهندس رفض !!! و قاللى لا يا فندم انت حاجز هناك رووح اعمل كل حاجة هناك، و بابتسامة صفرة تانية قاللى، كل سنة و انت طيب بقى انت عارف ان دة اخر يوم قبل العيد و بسرعة بقى الحقهم هناك قبل ما يمشوا، طبعاً أنا كان غضب الدنيا كله جوايا فكتمت فى نفسى و رحت على توكيل المقطم، اليوم ده طبعاً كانت الشوارع داخل القاهرة و الحمد لله قافلة، وانا عملت فيها فهلوى و قلت أخرم من جوة المقطم وطبعاً تهت ولبست زحمة شوارع القاهرة كلها :)، وصلت المقطم حوالى الساعة 3:20 وأول ما دخلت دورت على المهندس حسام، بتوع القطامية قالوللى اسأل علية ده راجل كويس هيحل مشاكلك ديه كلها، و بالصدفة قابلت المهندس اللى باعتنى على القطامية، و بمنتهى البساطة قاللى انت اية اللى أخرك كدة يا استاذ احنا خلاص بنقفل، ودى كانت النهاية، أنا طبعاً انفجرت، و مش فاكر ايه اللى حصل بعد كدة، غير لما جة واحد كدة وهدى الموقف و جاللى كلة حاجة حتتعملك، المهم بعد وقت طويل، مع العلم ان أنا كنت تقريبا لواحدى بعد الساعة 4 وحتى الساعة 6، جالى المهندس اللى هدى الدنيا ده، و ادانى الفاتورة و كانت كالتالى:
560 جنية سعر قطع الغيار (مرديش يحط زيت شل اللى معايالأنه عايز 5 لتر و انا جايب 4 بس)
300 جنية مصنعية !!!!!!!!!!
وكلة بعد الضريبة 950 جنية
وكانت فى ملحوظيتين،
الأولى ان تيل الفرامل و الطنابير محتاجيين يتغيروا و التكلفة 2500 جنيه تقريباً !!!!
التانية ان الجير بوكس محتاج سولونويد (solenoid) وده تكلفته مع تغيير زيت و فلتر الجير بوكس حتخش فى 3000 جنيه !!! و تركيبة محتاج 3 أيام !!!!!!
وكانت الصدمة ان العربية بعد لما مشيت من عندهم صوتها كان أعلى من مكنت رايحلهم وده تقريبا علشان الزيت الزفت بتاعهم، بس حسيت ان العربية فكه سنه للأفضل و ده تقريبا علشان تغيير الفلتر
طبعاً أنا حلفت ما أنا داخل التوكيل ولا معتبه مرة تانية، وسؤالى لكل الوحوش هنا، عايز مكان أجيب منه قطع الغيار الأصلية أو المعتمدة لرينو و بسعر كويس وفين أعمل موضوع الجير بوكس ده بعييييييييد عن التوكيل
وأسف للإطالة و كل سنة وانتوا طييبين :)
أولاً كل سنة و انتم طيبيين و عيد سعيد عليكم بإذن الله
روحت يوم الخميس اللى قبل العيد توكيل رينو فى المقطم علشان اعمل صيانة المية ألف، تغيير زييت و فلتر و بوجيهات، ونسيت أخد زيت معايا علشان كان عندى اعتراض على زبت Total اللى عندهم، وكان عندى مشكلة رسالة check gearbox بتظهر و تختفى لما أقف و أدور تانى، المهم كنت عايز فى الأول أحجز السبت اللى قبل الخميس ده و الراجل فى التليفون قاللى مش هينفع لأن ده نص يوم و مشكلة الجير بوكس دى عايزه يوم كامل، المهم حجزت يوم الخميس اللى قبل العيد الساعة 9 الصبح ووصلت 9:30، وقفت فى الطابور اللى فى وش بوابة الورش ده ولما جه دورى جالى المهندس و حكيت له اللى أنا عايزة و أول مسمع موضوع الرسالة هز راسة و ضم شفتة و تنهد من مرخيلة و كأنه عايز يقولى خلاص عليك العوض فى العربية، بلعت ريقى و قلتله فى أمل، قاللى بص هو احنا حنعمل كشف على ال fault messages ، يعنى حنعرف ايه سبب المشكلة، لكن مش حنلحق نعالجها لأن الموضوع ده بياخد وقت، مع العلم انى لما جيت احجز معرفتش أحجز السبت علشان ده نص يوم!!!!، وقالى بص بم انك مش عجبك زيت Total، اطلع على التوكيل فى القطامية و احكيلهم على كل المشاكل دى و بالمرة هات الزيت اللى انت عايزة فى سكتك، مش عارف لية حسيت انه بيزحلقنى، بس انا كان عندى مشوار قريب من القطامية فقلت مش مشكلة و خدت بعضى و طلعت على هناك، وصلت حوالى 11:30 أو 12، المهندس اللى هناك قابلنى بتكشيرة كبيرة ولما قلتلة الحكاية، قاللى احنا هنا صيانة بس يا استاذ موضوع الجير بوكس ده ملناش فيه !!!، و قبل ما اتكلم، افف و برطم فى سره ومسك التليفون و مشى بعيد و طبعا كان بيكلم بتوع المقطم و رجعلى بابتسامة صفرة و قاللى معلهش يا استاذ ارجع توكيل المقطم وهم هايعمللولك كل حاجة، تفهمت المشكلة و قلت معلهش غلطت موظف بتاع المقطم، فقلت علشان ألحق مشاويرى أسيبلهم العربية تعمل الصيانة دلوقتى و بعدين أعدى عليهم بعد لما أخلص المشوار و أخد العربية و أطلع على توكيل المقطم يكشفوا على الجير بوكس، المهندس رفض !!! و قاللى لا يا فندم انت حاجز هناك رووح اعمل كل حاجة هناك، و بابتسامة صفرة تانية قاللى، كل سنة و انت طيب بقى انت عارف ان دة اخر يوم قبل العيد و بسرعة بقى الحقهم هناك قبل ما يمشوا، طبعاً أنا كان غضب الدنيا كله جوايا فكتمت فى نفسى و رحت على توكيل المقطم، اليوم ده طبعاً كانت الشوارع داخل القاهرة و الحمد لله قافلة، وانا عملت فيها فهلوى و قلت أخرم من جوة المقطم وطبعاً تهت ولبست زحمة شوارع القاهرة كلها :)، وصلت المقطم حوالى الساعة 3:20 وأول ما دخلت دورت على المهندس حسام، بتوع القطامية قالوللى اسأل علية ده راجل كويس هيحل مشاكلك ديه كلها، و بالصدفة قابلت المهندس اللى باعتنى على القطامية، و بمنتهى البساطة قاللى انت اية اللى أخرك كدة يا استاذ احنا خلاص بنقفل، ودى كانت النهاية، أنا طبعاً انفجرت، و مش فاكر ايه اللى حصل بعد كدة، غير لما جة واحد كدة وهدى الموقف و جاللى كلة حاجة حتتعملك، المهم بعد وقت طويل، مع العلم ان أنا كنت تقريبا لواحدى بعد الساعة 4 وحتى الساعة 6، جالى المهندس اللى هدى الدنيا ده، و ادانى الفاتورة و كانت كالتالى:
560 جنية سعر قطع الغيار (مرديش يحط زيت شل اللى معايالأنه عايز 5 لتر و انا جايب 4 بس)
300 جنية مصنعية !!!!!!!!!!
وكلة بعد الضريبة 950 جنية
وكانت فى ملحوظيتين،
الأولى ان تيل الفرامل و الطنابير محتاجيين يتغيروا و التكلفة 2500 جنيه تقريباً !!!!
التانية ان الجير بوكس محتاج سولونويد (solenoid) وده تكلفته مع تغيير زيت و فلتر الجير بوكس حتخش فى 3000 جنيه !!! و تركيبة محتاج 3 أيام !!!!!!
وكانت الصدمة ان العربية بعد لما مشيت من عندهم صوتها كان أعلى من مكنت رايحلهم وده تقريبا علشان الزيت الزفت بتاعهم، بس حسيت ان العربية فكه سنه للأفضل و ده تقريبا علشان تغيير الفلتر
طبعاً أنا حلفت ما أنا داخل التوكيل ولا معتبه مرة تانية، وسؤالى لكل الوحوش هنا، عايز مكان أجيب منه قطع الغيار الأصلية أو المعتمدة لرينو و بسعر كويس وفين أعمل موضوع الجير بوكس ده بعييييييييد عن التوكيل
وأسف للإطالة و كل سنة وانتوا طييبين :)
إبتسم .... أنت في "جمهورية مصر العالمية" 
.
Comment