حاجه غريبه حصلت فجأة !!!!؟؟؟؟

[odod]

فيه يارجاله حاجه غريبه حصلت معايا امبارح دورت العربيه لقيت شاشه التكيف مش منوره ولا التكيف اساسا بيشتغل ولا مروحة التكيف يعنى المنطقه ده كلها مش شغاله وكمان شاشة الكاسيت مش بتنور غير لما الشغل نور العربيه الصغير يعنى بالنهار مش بتجيب حاجه خالص لا الساعه ولا درجة الحراره الا لما اشغل الكاسيت وكمان كان المفروض ان الكاسيت بيفصل لما ابطل العربيه وا شيل الكارت و افتح الباب دلوقتى لازم اقفله بايدى واسف انى طولت عليكم بس مفيش غيركم اللى هيفدنى

[nice_bird]

شيك علي الفيوزات ممكن يكون فيوز او روح لكهربائي ينظفلك الفيش بتاعت الكهربا لانها ممكن تكون فصلت من التراب عادي يعني

[odod]

حضرتك تقصد الفيوزات اللى تحت الدريكسيون دى

[amr_elbazz]

فيه يارجاله حاجه غريبه حصلت معايا امبارح دورت العربيه لقيت شاشه التكيف مش منوره ولا التكيف اساسا بيشتغل ولا مروحة التكيف يعنى المنطقه ده كلها مش شغاله وكمان شاشة الكاسيت مش بتنور غير لما الشغل نور العربيه الصغير يعنى بالنهار مش بتجيب حاجه خالص لا الساعه ولا درجة الحراره الا لما اشغل الكاسيت وكمان كان المفروض ان الكاسيت بيفصل لما ابطل العربيه وا شيل الكارت و افتح الباب دلوقتى لازم اقفله بايدى واسف انى طولت عليكم بس مفيش غيركم اللى هيفدنى

تحياتى لك اولا يا باشا
دة فيوز فى مجموعة الفيوزات الى تحت الدركسيون شمال هو السبب غالبا وكمان هتلاقى الولاعة مش شغالة علشان الكاست والتكيف والولاعة على فيوز واحد .. شكلك كدة استخدمت شاحن مش تمام فى الولاعة ..غير الفيوز و الموضوع هيتحل ان شاء الله

[odod]

فعلا يارجاله طلع فيوز وغيرته وكل حاجه اتظبطت تمام 100 100 الف الف الف شكر يارجاله

[amr_elbazz]

فعلا يارجاله طلع فيوز وغيرته وكل حاجه اتظبطت تمام 100 100 الف الف الف شكر يارجاله

العفوا يا باشا لا شكر على واجب و بالتوفيق دايما

[midohits]

حصلت معايه قبل كده وهيا فيوزات هات فيوزات نضيفه مش الصيني دي وغيرها بيها

[billgate]

عندي مشكله شبيهة ان شاشة الكاسيت منورة على طول ومفتاح Lockحتى بعد ما اقفل العربية والفيوزات سليمة أعمل ايه ؟