Tweet
السلام عليكم
بفكر اجيب ميجان ٢٠٠٥
ايه رايكو فيها و ايه العيوب و استهلاك البنزين عامل ايه
و قطع الغيار اسعارها معقول ولا لا
بفكر اجيب ميجان ٢٠٠٥
ايه رايكو فيها و ايه العيوب و استهلاك البنزين عامل ايه
و قطع الغيار اسعارها معقول ولا لا
-
-
لو عاوز تعرف عن قطع غيار مجان إدخل على رينو و شوف الدنيا فيها إيه؟ بنسبالي العربية وسيلة إنتقال أساساً، لكن الميجان عربية جميلة... و أنا بحب شكلها بجد بس إلي أعرفو عنها انها مش كل فني يعرف يذبطهة صح. و كمان مليانة sensors و دي تمنها غالي و كل مدة الحساسات دي تضرب و إدفع يا مدير كبير. أنا رأيي لو حضرتك تقدر تصرف عليها صح إتكل على الله. الدليل على كلامي إن الميجان تمنها بينزل بشدة فالمستعمل. لو عاوز حاجة اعتماديتها أكبر ممكن لانسر موديل حديث تكون إختيار أحسن. ربنا يعمل لحضرتك الصالح - أحمد سامي
-
لكن انا طبيعه شغلي كل يوم علي الصحراوي فا بحتاج عربيه يكون فيها شويه امكانيات و تكون مريحه في قاعدتها
انا كان معايا كليو قبل كده عربيه جميله و اقتصاديه جدا بس مش مريحه في السفر
البومه عربيه جميله
بس صعب تلاقي منها مستعمل حالته كويسه
ربنا يقدم اللي فيه الخير ان شاء اللهComment
-
الميجان عربية تحفة .. بس الحالة ثم الحالة ثم الحالة .. و اوعى متكشفش فى التوكيل.
بس تكييفها أداؤه متوسط.
[CENTER][B]القران الكريم بجودة صوت عاليه جدا[/B]
http://www.nilemotors.net/Nile/230790-a.html[/CENTER]Comment
-
عجبتني الشاريد اشتريتها مفيش حد الا اما كرهني فيها والحمدلله لم أتأثر بكلام الناس اللي مش فاهمه او ليس لها سابق تجربه مع الديهاتسو عموما أو خصوصا الشاريد والعربيه اللهم لك الحمدوالشكر عمرها مازعلتني ابدا ولفت نظري جدا الكلام عن الرينو وده شدني للماركه دي وخصوصا الميجان
كنت كل مااسأل حد عن سياره اعتماديه يقولي كذا اقول ليه يقولي قطع غيارها رخيصه وتلاقيها في اي حته طيب انا هااعمل إيه بالرخيص مادام انا معايا عربيه مش بتحتاج قطع غيار كتير ولو احتاجت بتكون اعتماديه ومُعمره ؟
هل فعلا الميجان مظلومه ولا انا عشت تجربه مختلفه حسستني انها مظلومه بسبب ثقافة المستهلك او المستخدم ؟[SIZE=3]الثَّوْرَه يَصْنَعَهَا الْشُّرَفَاء وَيَرِثُهَا الْجُبَنَاء[/SIZE]Comment
-
صباح الخير صحبي
الميجان من العربيات اللي تعتبر تحفة فنية - العربية مصنفة كلاس a في وسائل الامان و السلامة و بيسموها في فرنسا و المانيا القلعة الخرسانية - العربية دي مظلومة بسبب التخاريف اللي احنا عملناها حواليها - و هي عربية ذات احترام و برستيج يقارب الbmw و المرسيدس e200
قطع الغيار متوفرة و باسعار تكاد تكون اقل من الكوري او الياباني
بالنسبة للحساسات نادر جدا ما تعاني من مشاكل فيها - معظم مشاكل العربية تتركز في الجيربوكس الخاص بالموديل 2005 و تم تلافيها في انتاج الربع الاخير من 2006 باستخدام الجيربوكس dpo + و اللي اتزودت بية كلا من البيجو ستروين و فولكس
النصيحة الغالية تلافي موديلات 2005 و ما تحت لانها في الحالة دي بتبقي ابخات
و علي فكرة بقي في ناس كتير بتشتغل فيها و انا شخصيا اعرف دكاترة ميجان في المعادي و الحرفيينComment
-
متفكرش .... الميجان فيها عيبين 1. فيتسها الاوتوماتيك مش بيستحمل.. 2. تكيفها مع الحر الشديد زى قلتة ...Comment
-
تفكيرك في محله :)
بس ابدأ من موديل 2006 ملحق 2007 (الشكل الجديد) فيها بعض قطع الغيار بس ذات اعتمادية أعلى، وأهم شيء الحاااااااااااااااالة ثم الحالة ثم الحالة وربنا يوفقك
لكن ماتصدقش أي حد يقولك نص كلمة أكتر من كده في عربية مش متهانة :)Comment
-
انا معايا كورسا ذي حضرتكالمشاركة الأصلية كتبت بواسطة kareemz مشاهدة المشاركة
بالنسبه للتكييف هو اقل من الكورسا ولا زيهاComment
-
الف شكر للناس اللي علقت علي الموضوع
يعني افهم من كده اني اجيب من ٢٠٠٦ و انا طالع
بس التكييف لو زي الكليو يبقي مشكله
انا معايا كورسا و تكيفها تلاجه بمعني الكلمه و مش حقدر اركب حاجه اقل منه انا من النوع اللي بيشغل التكييف ليل و نهارComment
-
علي فكرة
تكيف الرينو ميجان قوي جدا و من اسباب شعور الناس بان التكييف ضعيف كاوتش الباب
لو قديم او مضغوط او فية قطع بيسرب الحرارة من العربية فبتحس انة مش كفؤ
معلومة ان نظام التبريد الخاص بالرينو و نوع فريد من دورات التكييف و ذو اعتماية و كفاءة
بالنسبة لموضوع الملحق 2007
ملحق 2007 هو الشكل القديم بس الاختلاف في الماتور و الفتيس نظرا للتعديلات اللي اتعملت لتلافي عيوب موديلات 2005 و ممكن تعرفة من الكود اللي علي زجاج العربية الامام - بالنسبة للشكل الجديد دا انتاج 2007 النص التاني من السنة - لو لاقيت الشكل الجديد 2006 يبقي دا متعدل
علي فكرة انت ممكن تعدل شكل العربية و كمان تابلوة العربية (تغيير للاضائة البيضاء) في المعادي او الحرفيينComment
-
طيب ممكن صور للشكل القديم و الشكل الجديد
علشان انا كده اتلغبطتComment
-
للاسف انا جديد و معرفش طريقة رفع الصورالمشاركة الأصلية كتبت بواسطة hishammb مشاهدة المشاركة
هو ع العموم الاختلاف في الاكصدام الامامي و الفوانيس و ساعة التابلوة و اضاءة التابلوة لونها ابيض و القديم لونها برتقالي
Comment
-
أنا انصحك تبعد عنها
مجربها ومطلعا روحيComment
-
ودي اللي معي لحد الان
ظ„ظ„ط¨ظٹط¹ ط±ظٹظ†ظˆ ظ…ظٹط¬ط§ظ† 2008 " طھطط¯ظٹط« " | طط±ط§ط¬ ط§ظ„ط³ظٹط§ط±ط§طھComment
Comment