حد يعرف معارض محترمة بتشتغل في الرينو المستعمل

[engineer05]

مفيش اي حاجه ده واجب الواحد ويارب ان شاء يرزوقك بعربيه كويسه ان شاء الله

هو صاحبي اشترى ميجان كوبيه 2008 ةكانت ماشيه 30000 الف وحالته كانت حلوه جدا لاني سقتاه و كمان قالوا في الوكيل لو ليك ملاحظات العربيه ممكن نعالجهلك وكانت تقريبا 140 الف
بس انا فاكر انه قالي كان في ميجان و فلوانس مستعمل هو احسن حاجه حضرتك كلم احمد طعيمه و اعرف هل عندهم ميجان ولا ايه
تحياتي

سعر معقول في الكوبيه ... ربنا يسهل وألاقي عندهم حاجة كويسة ... ولو مانيوال يبقى حلو قوي لأني عكس أغلب المصريين بفضل المانيوال :)

[ragaee]

شكرا ع المتابعه هدف الواحد في المنتدى انه يساعد اي حد زي ما في اوقات الواحد بيتزنق
انا صاحبي ما رحش استبدل و له حاجه هو اشترى رينو ميجان و ربنا الحمدلله كرمه و في كمان في المستعمل نظام قسط ممكن يتصل بيهم و تسال مش هتخسر حاجه وربنا يقدم الي فيه خير يارب و يرزقك بسياره رينو ان شاء الله تكون وشه حلوه عليك
تحياتي

توضيح:
مش انت اللى بتستبدل، البائع هو اللى بيستبدل

[ragaee]

سعر معقول في الكوبيه ... ربنا يسهل وألاقي عندهم حاجة كويسة ... ولو مانيوال يبقى حلو قوي لأني عكس أغلب المصريين بفضل المانيوال :)

ربنا يكرمك يا باشا و تلاقى عندهم اصلا :) و اكيد ان شاء الله هتبقى كويسة، و فعلا لو انت بتحب المانيوال خليك فية لأنة هيبقى أرخص و مشاكلة أقل

[engineer05]

ربنا يكرمك يا باشا و تلاقى عندهم اصلا :) و اكيد ان شاء الله هتبقى كويسة، و فعلا لو انت بتحب المانيوال خليك فية لأنة هيبقى أرخص و مشاكلة أقل

ربنا يكرمك يا أستاذ رجائي ويكرم الجميع ... أنا مش مستعجل :)

أنا على العموم كلمت الأستاذ محمد من شوية وهو قاللي معندهمش دلوقتي ميجان بس جايله يوم الحد القادم ميجان 2008 مانيوال بس عاملة 90ألف كم وبيقول ممكن يديهاللي على 76 ألف...
الرقم حاسسه كتير والعربية ماشية كتير قوي على تلات سنين أربعة بالكتير ... الهاي لاين الأوتوماتيك 2008 بيتباع على 75-80 ألف وأقل أحيانا لما المالك بيزهق وميلاقيش حد يشتري ... ربنا يكون في عون الناس اللي تضررت من الاشاعات

المهم سألته على الضمان و التقسيط .. قاللي من بعد الثورة الكلام دة كله وقف ... كانوا بيعملوه بس خلاص مفيش دلوقتي تاني.

~ محمد

[ragaee]

لا 76 ألف كتيييير جداً على 2008 مانيوال حتى لو الفئة التانية، بس 90 ألف كيلو ده مش كتير على 2008، المهم ان تكون فعلا حالتها كويسة ومش متبهدلة، ولو كدة العربية دى تمنها هيكون فى حدود 70 ألف ده لو فئة تانية أما لو فئة أولى أكيد التمن هيبقى أقل، ومن الأخر اصرف نظر عن العربية دى لأنك لو فاصلت مع التوكيل بيكلموا فى ألف جنية بالكتير، و استنى عليهم شوية، ان شاء الله يكون خيرها فى غيرها

[engineer05]

لا 76 ألف كتيييير جداً على 2008 مانيوال حتى لو الفئة التانية، بس 90 ألف كيلو ده مش كتير على 2008، المهم ان تكون فعلا حالتها كويسة ومش متبهدلة، ولو كدة العربية دى تمنها هيكون فى حدود 70 ألف ده لو فئة تانية أما لو فئة أولى أكيد التمن هيبقى أقل، ومن الأخر اصرف نظر عن العربية دى لأنك لو فاصلت مع التوكيل بيكلموا فى ألف جنية بالكتير، و استنى عليهم شوية، ان شاء الله يكون خيرها فى غيرها

دة هو كان قالي 78 في الأول وبعد كدة نزلهم ل76 على أساس أن كدة تبقى لقطة :) .... هههه

أنا قدامي كذا عربية كان المفروض حنزل أشوفهم بس شكلي كدة حستنى شوية عشان كله أوتوماتيك وأنا الصراحة مش بحب الأوتوماتيك ... المانيوال بيخليك تحس أنك بتتكلم مع العربية صحيح في مصر السواقة مقرفة والمانيوال متعب بس المانيوال بيخليك تحب عربيتك حتى لو كانت مطلعة عينك :)

الموديلات الجديدة نازلة أهو و السوق حيتملي مستعمل عشان اللي عايزين يبدلوا ... أنا حستنى شوية والأسعار حتنزل إن شاء الله و أجيب حاجة كويسة بسعر معقول..

جزاك الله خير يا أستاذ رجائي على الإهتمام والمساعدة

~ محمد