ما هوأستهلاك البنزين في الرينو كليو 2003

[nemo2000x]

ما هوأستهلاك البنزين في الرينو كليو 2003
لان عربيتي بتعمل 150 كيلو في 20 لتر !!!!!!!
سواقتي كلها جوة البلد و السرعة لا تزيد عن 80
مع إنها 1200 سي سي و العربية لسة شاريها و كان عددها عامل 60000 ألف كيلو
يا تري أية العيب ألي يكون فيها مع العلم إني لسة عامل ليها سرفيس كامل و مغير فلتر هواء و بنزين و زيت و مغير زيت الموتور و مغير تيل و جوان تكيهات .

[albasha]

الإستهلاك ده كتير جداً طبعاً بالمواصفات اللي انت بتقول عليها مش أقل من 250 كيلو في ال 20 لتر جرب تحط منظف رشاشات وشوف النتيجه
أنا شايف عنوانك في إسكندريه لو تسأل علي ميكانيكي رينو كويس وانا شوفت هنا في المنتدي ناس كتير من إسكندريه ممكن يفيدوك لأن كده إنت محتاج تراجع حاجات كتير بداً من الرشاشات وصولاً بالصبابات
ياريت تقولنا عربيتك عامله كام كيلو

[ramy_gamal]

طبعا الاستهلاك كدة كتير اوى اوى بس ممكن تقلنا حسبته ازاى ؟ احسن طريقه تفول العربيه وتمشى مثلا 200 كيلو وارجع فول من نفس البنزينه واحسبها بس فى حاجه كمان البلد اليومين دول زحمه اوى اوى والاشارات بطول واى مشوار بدل ماكان بياخد ربع ساعه بياخد دلوقتى ساعه كل دة بيزود الاستهلاك جدا جدا
فى حاجه كمان بتذود استهلاك البنزين وهو حساس الاكسجين لو متاكد من طريقه الحساب ممكن اوصفلك واحد بتعامل معاه من زمان
فى حاجه كمان الفرامل قافشه والعربيه تقيله وكمان حضرتك غيرت البوجيهات ولا لأ كل دة اتاكد منه

[nemo2000x]

أود أن أشكركم جميعا

أنا لسة شاري العربية جديد و زي ما تقولوا كدة ألي كان راكبها قبل مني مكنش بيعمل صيانة خالص .
أول ما أخدتها منة رحت رايح عند سامح الهواري في العصافرة و غير الاتي:
1- تيل فرامل تركي ( ساعات بيصفر)
2-زيت موتور (total)
3-فلتر هواء
4-فلتر زيت
5-فلتر بنزين
6-جوان التاكيهات(و الفني غسل بابة الهواء بالبنزين لان كان عليها وساخة)
7-حساس بور
8-سيور(تقسيمة و تكييف و دينامو)

أنا كنت واخد العربية من صاحبها و تانك البنزين فاضي . رحت رايح البنزينة و فولت 40 لتر لغاية التانك ما أتملي علي أخرة و صفرت العداد. أول ما وصل المؤشر للنصف شوفت قراة العداد و لقيتة 150 كيلو متر.

بالنسبة للعربية عاملة دلوقتي 62.5 ألف كيلو و أنا كنت مغير البوجيهات قبل ما أروح لسامح الهواري ماركة ألماني كدة مش فاكر أسمها أية بس ألي كان راكب فيها قبل ما أغير كان NGK .

مش عارف موضوع الفرامل القافشة دة بيتعرف أزاي.

أية موضوع منظف الرشاشات دة ؟ أرجو الافادة

أية موضوعحساس الكسجين دة و هل هوة غير حساس الشكمان؟ أرجو الافادة

أ - r_gamal1 أنا ملاحظ أن حضرتك من الاسكندرية ف يا ريت حضرتك تفيدني و تساعدني لان العربية كدة مش مريحاني لان واحد جاري قالي أن العربية ممكن تعمل 600 و 650 كيلو كمان في التفويلة.

و شاكر جدا أهتمامك بالرد

[ramy_gamal]

حساس الشكمان هو الاكسجين وبيكون راكب فى اول الشكمان ووظيفته خلط الهواء بالبنزين فلو بيدى قراء غلط ل كمبيوتر العربيه هيكون استهلاك البنزين زيادة
بالنسبه ل الاستهلاك انا معايا ال 20 لتر بيعملو تقريبا 210 او 220 جوة البلد طبعا قابلة للنقص بسسب الزحمه الجامدة اليوميين دول
بالنسبه ل الفرامل قافشه هل بتحس ان العربيه تقيله معاك لو مش قادر تحدد .....بعد مشوار كويس حط ايدك على الجنطين اللى قدام لو سخن اوى تكون قافشه
لو محتاج اى حاجه انا تحت امرك فى اى وقت وهبعتلك رقمى على الخاص كلمنى فى اى وقت

[nemo2000x]

حساس الشكمان هو الاكسجين وبيكون راكب فى اول الشكمان ووظيفته خلط الهواء بالبنزين فلو بيدى قراء غلط ل كمبيوتر العربيه هيكون استهلاك البنزين زيادة
بالنسبه ل الاستهلاك انا معايا ال 20 لتر بيعملو تقريبا 210 او 220 جوة البلد طبعا قابلة للنقص بسسب الزحمه الجامدة اليوميين دول
بالنسبه ل الفرامل قافشه هل بتحس ان العربيه تقيله معاك لو مش قادر تحدد .....بعد مشوار كويس حط ايدك على الجنطين اللى قدام لو سخن اوى تكون قافشه
لو محتاج اى حاجه انا تحت امرك فى اى وقت وهبعتلك رقمى على الخاص كلمنى فى اى وقت

ربنا يبارك فيك و أن شاء الله حكلم حضرتك علي أخر الاسبوع

[ashrafabdrabo]

لو فيه اى رعشة عندك و العربية دايرة اعرف ان فية بوجية مش شغال وده بيرجع ان ممكن البوجيه قاطع او الكويل فيه فرده مش شغالة لو شميت ريحت العادم كمان حيبان ان البنزين طالع ريحتة وحشه (نى )
فكرت تنظيف الرشاشات كويسة لان المفروض تعمل كده من غير ما يكون فى حاجة فى العربية و دى بتتنظف ان تجيب injector cleaner و تحتة كله على تانك كامل
تالت حاجة طبعا اسطوانة الدبرياج لو عندك ضعيفة حتحتاج انك تحرق بنزين اكتر علشان تحس ب سحب العربية
دى الحاجات الاساسية اللى اعتقد انها ممكن تحرق معاك بنزين اكتر راجع و قولى عملت إيه

[nemo2000x]

لو فيه اى رعشة عندك و العربية دايرة اعرف ان فية بوجية مش شغال وده بيرجع ان ممكن البوجيه قاطع او الكويل فيه فرده مش شغالة لو شميت ريحت العادم كمان حيبان ان البنزين طالع ريحتة وحشه (نى )
فكرت تنظيف الرشاشات كويسة لان المفروض تعمل كده من غير ما يكون فى حاجة فى العربية و دى بتتنظف ان تجيب injector cleaner و تحتة كله على تانك كامل
تالت حاجة طبعا اسطوانة الدبرياج لو عندك ضعيفة حتحتاج انك تحرق بنزين اكتر علشان تحس ب سحب العربية
دى الحاجات الاساسية اللى اعتقد انها ممكن تحرق معاك بنزين اكتر راجع و قولى عملت إيه

و الله أنا أستفدت من كلام حضرتك جدا و أن شاء الله حاعمل بة
خصوصا إني لسة جايب العربية جديد
بس injector cleaner بيتجاب منين
و شاكر جدا لحضرتك

[albasha]

و الله أنا أستفدت من كلام حضرتك جدا و أن شاء الله حاعمل بة
خصوصا إني لسة جايب العربية جديد
بس injector cleaner بيتجاب منين
و شاكر جدا لحضرتك

injector cleaner في نوع بيتباع في أي بنزينة موبيل إسمه positive power أخر مره إشتريته كان ب 22 جنيه تقريباً وهو كويس لكن عموماً في أنواع كتير

[ashrafabdrabo]

تحت امرك يا باشا و طمنى عملت إيه

[nemo2000x]

injector cleaner في نوع بيتباع في أي بنزينة موبيل إسمه positive power أخر مره إشتريته كان ب 22 جنيه تقريباً وهو كويس لكن عموماً في أنواع كتير

إن شاء الله حاجربة و أبلغ حضرتك بالنتيجة

[albasha]

إن شاء الله حاجربة و أبلغ حضرتك بالنتيجة

إن شاء الله يجيب معاك نتيجه
علي العموم هو المنظف بيستخدم كصيانه وقائيه للرشاشات بمعني إنه بيزيل الرواسب من علي الرشاش
في ناس بتقول إنه بيضاف كل 5000 كيلو
عن نفسي بضيفه قبل تغيير فلتر البنزين ( بفول التانك وأضيف المنظف يشيل الرواسب وتتبقي رواسب في الفلتر القديم أستني لحد تفويل تانيه علشان أتأكد إنه مفيش منه بقايا في التانك وبعدين أغير الفلتر )

[nemo2000x]

أنا أمبارح(الاربعاء) رحت للميكانيكي و كشف علي البوجيهات ألي لسة راكبة جديد و كان التالي:

2 بوجيه فتحتهم ضيقة و واحد فتحتة واسعة و واحد فتحتة مظبوطة .
راح الرجل مظبهم كلهم علي الفيلير 80 .
و بعد كدة روحت النهاردة فولت و حطيت fully injector cleaner و إن شاء الله يكون في تحسن.
دعواتكم

[x100]

ربنا يصلح لك الحال

[nemo2000x]

ربنا يصلح لك الحال

أميــــــــــــــــن