شنابر ديل فتيس الميجان . الاعراض . المشكلة . الحل

[shawkylotfy]

السلام عليكم
كان عندى مشكلة فى فتيس الميجان DP0 وتحلت وقولت اشارك علشان الكل يستفيد.

المشكلة : لو انت ماشى بسرعة ووقفت فى اشارة المفروض العربية بتنقل من الرابع او الثالث للاول ... العيب ان العربية بتغيب جداا فى الاول .. وتروح متعشقة للاول بهبدة جااامدة..

الحل : تغيير شنابر ديل الفتيس مع زيت الفتيس 5 لتر كلة فى التوكيل.

ملحوظة : انا الى قالى اعمل كدة مهندس فى اسكندرية اسمة احمد موسى هو فاهم اوى وشنابر ديل الفتيس التوكيل مش بيرضى يبعها هيقوللك (الحاجات دية مش بططلع برة لازم تركب عندنا)
والمضحك ان المهندس فى التوكيل قالى حضرتك فتيسك محتاج عمرة كاملة تروس وكلتشات الخ. وقالى لو هتغير شنابر يبقى على مسؤليتك انت بل الفتيس ممكن يبقى اسوء ... كلمت م.احمد قالى انت عندك شنابر ومتخفش وغير.

مضيت ورقة فى التوكيل ان التغير على مسؤليتى وان لو العيب مرحش او بقى اسوء هما مش مسؤلين.. وبالفعل مضيت.

تم تغير الشنابر وزيت الفتيس 5 لتر.

اخدت معاهم 4 ساعات ومهندس التوكيل جالى قالى تمام

دفعت كل التكلفة 860 جنية

استلمت العربية من العامرية وبفضل اللة لفيت بيها اسكندرية لغاية المنتزة يعنى من غربها لشرقها وعز الزحمة.

المشكلة اختفت تماما..............

ملحوظة : انا عندى العربية مكنتش بتدى رسايل check gearbox or gearbox overheated ودة لان المشكلة كانت فى الميكانيكة مش الالكترونيكس بتاعت الفتيس ..

وبالتوفيق للجميع

[kar!m]

ربنا يبارك لك فيها .. و شكرا جزيلا على نقل التجربة.

و السعر كويس جدا بالنسبة لصيانة فى التوكيل لعربية أوروبى.

[Ahmed Amin]

أنا عندي نفس المشكلة بتاعت حضرتك أما بكون ماشي علي الكورنيش وأهدي مرة واحدة أو عشان مطب وأجي أمشي تاني أحسن أنها كانت أخدت n وتغيب شوية والأر بي أم يعلي بعدين تنتش أول.. أو لو مدوستش وأستينت عليها تنتش وجيبه لوحدها
موجودة عندي في ال 307 الفتيس al4
أنا سمعت من كذا موضوع أن فتيس الميجان وال307 زي بعض. بس اللي كنت أعرفه أنهم al4 مش عارف ال dp0 اللي عندك دا مختلف ولا دا كود حاجة تانية

ممكن تقولي علي أنهي توكيل اللي رحت له بالظبط ؟ حضرتك موضحتش أنتا معاك ميجان موديل كام ؟

وهل من يوم معملتها لدلوقتي النتشه أختفت تماماً ولا أخف من الأول.. كمان في في نتشه عندي تقيلة من الأول للتاني أما بخرج بيها الصبح, لكن مع المشي بتروح..

وشكراً علي مشاركتك بتجربتك لينا.
ربنا يباركلك في عربينك ويديك من خيرها ويكفيك شرها.

[Ahmed Amin]

أنا راجعت في المشاركات في قسم البيجو
ولقيت المشاركة دي

http://www.nilemotors.net/Nile/3873833406-post59.html

واضح أن فتيس ال 307 هوا هوا بتاع الرينو بس أسمه عندكم dp0 بدل AL4
حبيت أضيفه المعلومة دي للأفادة لأصحاب الرينو. أن ممكن مواضيع فتيس البيجو تفيدكم.

[shawkylotfy]

أنا عندي نفس المشكلة بتاعت حضرتك أما بكون ماشي علي الكورنيش وأهدي مرة واحدة أو عشان مطب وأجي أمشي تاني أحسن أنها كانت أخدت n وتغيب شوية والأر بي أم يعلي بعدين تنتش أول.. أو لو مدوستش وأستينت عليها تنتش وجيبه لوحدها
موجودة عندي في ال 307 الفتيس al4
أنا سمعت من كذا موضوع أن فتيس الميجان وال307 زي بعض. بس اللي كنت أعرفه أنهم al4 مش عارف ال dp0 اللي عندك دا مختلف ولا دا كود حاجة تانية

ممكن تقولي علي أنهي توكيل اللي رحت له بالظبط ؟ حضرتك موضحتش أنتا معاك ميجان موديل كام ؟

وهل من يوم معملتها لدلوقتي النتشه أختفت تماماً ولا أخف من الأول.. كمان في في نتشه عندي تقيلة من الأول للتاني أما بخرج بيها الصبح, لكن مع المشي بتروح..

وشكراً علي مشاركتك بتجربتك لينا.
ربنا يباركلك في عربينك ويديك من خيرها ويكفيك شرها.

حضرتك تقريبا هو هو الفتيس وانا عملتة فى توكيل رينو فرع العامرية ... حضرتك جربت تغير زيت او تشوف يمكن فى تسريب زيت عندك والزيت ناقص ؟

[Ahmed Amin]

لا لسه والله معملتش فيها حاجة بس بفكر أبداء بالزيت الأول بعدين أشوف هيا مشكلة الشنابر او ولا فالفات.

[Ahmed Amin]

غيرت الزيت ولسه نفس المشكلة موجودة.

أيه اخبار الفتيس والهبدة دي معاك ؟ رجعت تاني بعد الشنابر ولا لأ.؟
كان في عضو غيرهم عند واحد برة والمشكلة زادت معاه.

http://www.nilemotors.net/Nile/257870-307.html

وفي التوكيل قالولي المشكلة دي سببها تهريب الضغوط من الأوسيلات الداخلية,
وأنها السبب ولازم تتغير من غير ما يكشف علي العربية.!!!!
فمش عارف دلوقتي بعد تغير الزيت أبدأ بأيه الشنابر ولا أوسيلات الداخلية.
مع العلم إن محدش أتكلم في تغير الزيت مبدئيا لتشخيص العيب, أو سألوني أنت غيرته ولا لأ..

وكمان انا لما غيرت الزيت شوفت الضغوط لاقيتها مظبوطة قبل ما أطلع بالعربية من المكان اللي غيرت فيه, فكدا المفروض مفيش تهريب ف الضغوط.

ومع إن المفروض إن فتيس البيجو AL4 هوا بتاع الرينو DP0 بس واضح كدا أن في أختلافات داخلية..
لأني لما كلمت فرع رينو العامرية وشرحت لهم المشكلة وسألتهم إذا ممكن أعمل الفتيس عندهم مقبلوش, وكمان لما سألت علي سعر الزيت الفتيس قالي رقم قليل أوي مقارنة بسعر اللتر في البيجو تقريبا حوالي 30 جنيه مقارنة 130-140 جنيه ل اللتر الواحد. قلت له أنت متأكد إن دا زيت الأوتوماتيك قالي أه.

طب أزاي الفتيس واحد وأزاي في فرق سعر في الزيت كدا.؟ حاسبوك علي كام سعر لتر الزيت ؟

وممكن أعرف مين مهندس أحمد اللي حضرتك تقصده ؟ أحمد غلوش ولا حد تاني..
سؤال تاني هل الشنابر هيا الكلاتشات ولا فيه فرق,,
أسف علي الإطالة,

[Ahmed Amin]

أخر حاجة كنت وصلت لها من الكلام مع ناس لكتير عن سبب المشكلة دي أن هيا مشكلة حرارة,

لأنها مش بتحصل والعربية باردة, يعني مثلاً وانتي ماشي عال كورنيش أو مشي جوا البلد وبتقف وتمشي فالعربية بتهبد. لأنها بتكون سخنت.

أما لو ماشي عال سريع وماسك خط طوالي ووقفت عشان مطب زي مطبات الزراعي أو الصحراوي, مش بتعملها ساعتها.. لأن العربية بتكون أبرد ساعتها ودخلها هوا كتير برد الرادياتير وبرد الفتيس كمان من تحت العربية.

فبكدا فيه سببين تانين ممكن يكونو سبب للمشكلة,
واحد: هيا دورة التبريد الأساسية العربية لأنها مشتركة في تبريد زيت الفتيس مع الموتور.
أتنين: هوا ال Heat Exchanger ودا اللي مفروض بيبرد زيت الفتيس, وهوا تبيكال في فتيس الرينو DP0 والبيجو AL4 وسيتروين..

دا فتيس البيجو AL4.







ودا فتيس الميجان DP0

https://www.automaticchoice.com/Catalogue/dp0.pdf

بارت نمبر 900 - تاني صفحة صورته - ورابع صفحة تفاصيلة في ال SPECIAL ITEMS


هل الموضوع دا عدي عليك قبل كدا ؟

[proff]

أخر حاجة كنت وصلت لها من الكلام مع ناس لكتير عن سبب المشكلة دي أن هيا مشكلة حرارة,

لأنها مش بتحصل والعربية باردة, يعني مثلاً وانتي ماشي عال كورنيش أو مشي جوا البلد وبتقف وتمشي فالعربية بتهبد. لأنها بتكون سخنت.

أما لو ماشي عال سريع وماسك خط طوالي ووقفت عشان مطب زي مطبات الزراعي أو الصحراوي, مش بتعملها ساعتها.. لأن العربية بتكون أبرد ساعتها ودخلها هوا كتير برد الرادياتير وبرد الفتيس كمان من تحت العربية.

فبكدا فيه سببين تانين ممكن يكونو سبب للمشكلة,
واحد: هيا دورة التبريد الأساسية العربية لأنها مشتركة في تبريد زيت الفتيس مع الموتور.
أتنين: هوا ال heat exchanger ودا اللي مفروض بيبرد زيت الفتيس, وهوا تبيكال في فتيس الرينو dp0 والبيجو al4 وسيتروين..

دا فتيس البيجو al4.







ودا فتيس الميجان dp0

https://www.automaticchoice.com/catalogue/dp0.pdf

بارت نمبر 900 - تاني صفحة صورته - ورابع صفحة تفاصيلة في ال special items


هل الموضوع دا عدي عليك قبل كدا ؟

حضرتك لما غيرت الزيت كان اللي نازل نظيف ولا لونه متغير لو كان لونه متغير لازم تغير الفلتر لان ده الحاجه الوحيده اللي بتخلي الفتيس مظبوط من غير لعب في اي حاجه وبالاخص تبريد الفتيس لان لو الفلتر مش كويس هتبقي كميه ضخ الزيت ضعيفه وبتظهر اكتر لما العربيه بتسخن

[MohammedAladel]

شكرا للإفادة .... بس فتيس رينو غير فتيس بيجو

[proff]

شكرا للإفادة .... بس فتيس رينو غير فتيس بيجو

لا واحد يا باشا dp0 al4

[Ahmed Amin]

حضرتك لما غيرت الزيت كان اللي نازل نظيف ولا لونه متغير لو كان لونه متغير لازم تغير الفلتر لان ده الحاجه الوحيده اللي بتخلي الفتيس مظبوط من غير لعب في اي حاجه وبالاخص تبريد الفتيس لان لو الفلتر مش كويس هتبقي كميه ضخ الزيت ضعيفه وبتظهر اكتر لما العربيه بتسخن

للأسف الزيت مشوفتش لونة لأن التغير كان بليل, وكان مركز خدمة عمري ما هروحة تاني..
بس مكنتش نضيف وأي زيت هينزل علي 60 ألف كيلو أكيد مش هيكون نضيف,

تاني حاجة الفلتر في قلب الفتيس من جوة, ومش بيتغير بسهولة,
ولو عايز تغيرة مش بتحل من الفتيس من تحت زي الفالف بدي, لازم تنزل الفتيس كله عشان تغيرة.

[Ahmed Amin]

شكرا للإفادة .... بس فتيس رينو غير فتيس بيجو

الأتنين واحد يا محمد بس فيه فرق في الكود الفتيس في بيجو وسيتروين AL4 وفي رينو DP0

وأنا شكيت أن يكون في فروقات صغيرة جواهم بعد لما عرفت موضوع سعر الزيت دا اللي مستني حد يأكدهولي إذا كان صح ولا غلط,

بس هما نفس الفالف بادي ونفس السويتشات ونفس طلمبة الزيت,
بس البارت نمبر للقطع هيختلف عشان رينو برة مجموعة PSA

وأنا عارف أنك بتحب تعمل كل حاجة بأيدك, دي شوية ملفات PDF تشوف منها الحاجاة المشتركة.

http://www.ganzeboom.net/images1/ganzeboom/parts/Renault/DP0,%20AL4.pdf

http://www.altousa.com/images/new_products/DPO_AL4_Bushing_Kit.pdf

http://www.jpat.co.uk/dpoflyer.pdf

https://www.automaticchoice.com/Catalogue/DPO.COOL06.pdf

http://www.omegamachine.com/pdf/DPO-AL4.pdf

صفحة 4 في الملف دا

http://aftermarket.borgwarner.com/2012_Import_Catalog.pdf

أما بيجو وسيترويون فهما فتيس واحد مفهاش كلام,
وقطع غيارهم بتتعمل في نفس المصنع PSA
وقطع الغيار كلها كدا كدا بيجي عليها علامة بيجو وستروين علي العلب والأكياس ببارت نمبر واحد.

[proff]

للأسف الزيت مشوفتش لونة لأن التغير كان بليل, وكان مركز خدمة عمري ما هروحة تاني..
بس مكنتش نضيف وأي زيت هينزل علي 60 ألف كيلو أكيد مش هيكون نضيف,

تاني حاجة الفلتر في قلب الفتيس من جوة, ومش بيتغير بسهولة,
ولو عايز تغيرة مش بتحل من الفتيس من تحت زي الفالف بدي, لازم تنزل الفتيس كله عشان تغيرة.

انا عارف ان الفلتر جوا الفتيس بس لو حضرتك ماشي حوالي 100000 روح غير الفلتر وشوف الدنيا معاك هتبقي انشاء الله فله معلش هومكلف شويه بس بدل ما تخسر الفتيس و تطر تشتري واحد استيراد وبالمره لو عندك اويل سي الكرنك اعمله والقصه بالزيت كبيرها 1400 بالمصنعيه وممكن تكون 900 لو ما احتاجتش اي حاجه تانيه غير الفلتر والزيت

[MohammedAladel]

واحد امتلك العربية قال لى الكلام دا ...بالمناسبة ... مياه موبيل تنفع لجميع أنواع السيارات زى ما قلتلك