تليين الرينو ..

[aLashin]

سلام عليكم يا شباب ..

كنت عايز اسئل عن تليين العربيه الزيرو ..

يعني المفروض التليين ده لاول الف و لا اكتر من كده ..

و ايه هيا حدود السرعه في التليين .. و هل ممكن اغير عادي السرعات و انا ماشي ؟؟

ممكن استخدم التكييف عادي ؟ ؟

هل ممكن اسافر خارج القاهره بالعربيه ؟ هوا المسافه مش بعيده .. حوالي 80 او 90 كم ..

بالنسبه للزيت .. هل اول غيار هيبقي مع الصيانه ؟



معلش يا جماعه انا لسه جديد و لسه علي قدي ..

[Ramy_Tantawi]

أولاً الف مبروك على العربيه وربنا يباركلك فيها ويكفيك شرها ان شاء الله...بالنسبه للتليين الفكره كلها ان اول الف كيلو تمشي بالعربيه بالراحه وماتقرصش على الموتور بأي شكل وده مع العلم ان معظم العربيات الجديده مواتيرها متلينه لكن ايه الضرر ان حضرتك تمشي بالراحه اول 1000 كيلو مافيش اي ضرر ان شاء الله بالعكس فوايد كتير للموتور والعربيه كاكل الفكره ببساطه وده اللي انا عملته ان تحافظ على Rpm مايعلاش عن 3 او 3.5 بالكتير نفس الموضوع مع التكيف برضه هو كده كده هيعلي ال Rpm درجه تقريباً يبقى هاتنقل بدري سنه المهم ال Rpm مايعلاش عن 3 ابداً اول 1000 كيلو ان شاء الله .........النقطه التانيه هي السفر بالعربيه ودي مافيش فيها اي مشاكل ان شاء الله مع برضه الحفاظ على 3 على ال Rpm ..........تغيير الزيت في الميجان والكليو اعتقد بيكون بعد اول 5000 كيلو مش 1000 كيلو زي معظم العربيات اللوجان الحقيقه مش عارف لكن حضرتك ممكن تسألهم في التوكيل وأكيد هيكون مكتوب في مجموعة كتالوجات العربيه اللي مع حضرتك ان شاء الله وعموما رقم خدمة عملاء رينو 16202 حضرتك استفسر منهم على اي شيء بخصوص العربيه وهم هيفيدوا حضرتك اكتر مني ان شاء الله هم ناس في قمة الاحترام والتعاون ......اتمنى اني اكون قدرت اقدم شيء من الافاده لحضرتك وشكراً.

[aLashin]

الف شكر يا جميل علي المعلومات ..

و ربنا يكرمك ..

[pointer]

الف مبرووووووووووووووووووك ربنا يدي لك خيرها ويمنع عنك شرها ويحفظك من كل سوء
والتلين زي ما قال لك رامي بس شوف اليوزرجايد احسن الف مره ويا سلام ازذا كان التلين شاهيني متزودش عن 70 وعلي فكره التلين ده فيه ربع عمر الموتور فخلي بالك واقراء الكتالوج هتستفيد اوي من المعلومات اللي فيه

[محمد عز]

انا كان مكتوب عندى فى مانيوال المازدا (ممكن يفيدك)
صفحة عن التليين
وكان مكتوب ان لمسافة 1000 كليو
1- ما اميش على سرعه ثابته لمدة طويلة سواء كانت سرعه عالية او واطية (وبالتالى ده معناه انك متقدرش تسافر بيها لانك هتمشي على سرعه ثابته لمدة طويله)
2- لا ارهق المحرك
3- اتجنب الفرملة الفجائية الشديدة بدون داعي
4- لا احاول الوصول الى السرعه النهائية للسيارة او السير باقصى سرعه

يارب الاجراءات ده ممكن تفيدك فى الرينو
انا اللى اعرفه للرينو ان مافيش صيانة بعد الاف الاولى ، الصيانة عند 10 الاف كليو

[aLashin]

الف شكر يا شباب علي المعلومات القيمه ..