استفسار بخصوص رينو كليو ( ارجو المساعدة )

[lolo13]

السلام عليكم
معايا عربية رينو كليو 2002 لسة جايبها من شهر تقريبا
العربية ماشية تمام والحمد لله حالتها كويسة
بس لسة مغيرتش فيها حاجة عشان معرفش ميكانيكى رينو كويس
فـ لو سمحت ياعنى حد يقولى العربية ايه المفروض اللى اغيره فيها او عنوان ميكانيكى رينو كويس
هو مبدائيا العربية عاوزة تربيط عفشة واصلاح علبة الدريسكيون
ولما بدور العربية بيطلع صوت صفارة متقطع كدة دقيقة ويختفى ومش عارف عيب ايه
فياريت اى حد يفيدنى لانى ابيض ياورد فى الموال دة :)

[ramy_gamal]

اهلا وسهلا بحضرتك هو لازم تغير سير التقسمه من غير كلام اما بالنسبه ل الحاجات التانيه قولنا العربيه ماشيه اد ايه والمالك اللى قبلك كان مغير ايه وهل معاه فواتير تثبت ولا لأ صوت الصفارة دة ممكن يكون جاى من سير الدينامو ... ممكن يكون ناشف شويه

[lolo13]

العربية ماشية 190 الف كيلو
وسير التقسيمة دة اغيره منين معلش ياعنى

[ramy_gamal]

طيب حضرتك عارف اخر صيانه اتعملت للعربيه ايه

[lolo13]

لا والله معنديش فكرة :(
انا عاوز اعرف بس مكان ميكانيكى رينو كويس كدة ومكان اربط فيه العفشة
ولو فيه حاجة لازم تتغير بتكون ايه مثلا ومن فين

[ramy_gamal]

حضرتك تغير طقم سيور كامل وبوجيهات وفلاتر ( فلتر زيت وهواء وبنزين ) هتحس ان العربيه فاقت اوى
ممكن تعمل الصيانه عند حد بيكون فاهم فى الرينو مش اى حد عشان ميفتيش لو حضرتك فى اسكندريه انا ممكن اوصفلك واحد ممتاز ولو فى القاهرة ممكن باقى الاخوة يفيدوك

[albasha]

عنوانك فين وندلك علي أقرب واحد ليك
وحاول تدخل الينك ده وتقرا المواضيع ديه هتستفاد كتير

http://www.nilemotors.net/Nile/24076-ii.html

[albasha]

وأدخل الموضوع ده كمان

http://www.nilemotors.net/Nile/255583-a.html

[dydo_love2006]

بص يا باشا اهم حاجة تتغير اول ما تشترى العربية الزيوت والفلاتر والكاوتش سير التقسيمة والتكيف والدينمو وتربيط عفشه وزوايا انا بعمله فى بريدج ستون فى اسكندرية معرفش فين فى القاهرة