Tweet
الحمد لله اشتريت عربيه ميجان 2 لون اسود 2009 مستعمله عدادها عالي شويه 100 الف كيلو طلعت بيها على التوكيل اطمنت ان كل حاجه الحمد لله كويسه وكانت صاحبتها بتعمل صيانات التوكيل في ميعادها
عملت صيانه ال 100 الف وغيرولي تيل امامي
العربيه اللي غيرتها كانت جين 2 2007 كانت عامله 76 الف كيلو وكانت حالتها ممتازه الحمد لله
الملاحظات في الفرق بين العربيتين
1- العفشه ... مع ان عفشه جين 2 كويسه ورياضيه لكن فارق رهيب بينها وبين الميجان لصالح الميجان طبعا
2- الموتور حسيت ان الميجان عربيه بمعنى الكلمه خاصه مع مؤشرات استهلاك البنزين المنخفضه للغايه "بحط 95 زي ما كنت بعمل مع جين 2"
3- الكماليات ..فرق طبعا لصالح الميجان رغم ان ما فيهاش باركينج سينسور
4- الخامات...مش حتكلم..ولا اقول الميجان وبكل ثقه
باقي الحاجات برضه الميجان
انا بس عندي نقاط عايز اضيفها
انا كنت حشتري هيونداي النترا اول فئه اوتو...وكنت ناوي اقسط المبلغ الباقي بعد ما ادفع على عربيتي مبلغ برضه لكن الظروف ساقتني اني اخلص في الميجان في نفس اليوم اللي كنت رايح استلم الالنترا لكن وبكل ثقه احمد الله على الخطوة بتاعتي لانها اقدار قبل كل شيء ولاني حاسس ان كنت حبقى مزنوق حبتين..انا طبعا قريت في القسم لمده خمس ايام متتاليه المشاكل وحلولها واستفدت كتير رغم ان نسبه التخوف عليت كتير..لكن بصراحه بعد ما ركبت وسقت وعرفت قيمه العربيه
حسيت ان تكلفه تشغيلها عاليه لكن انت بتاخد عربيه محترمه متقدمه تقنيا عن عربيات كتير موديل حديث وبيدفع فيها كتير كمان..وحسيت ان الملاك الكارهين لعربيتهم انما يكرهونها لمشاكل كبيره حصلت يمكن تكون نسيان الصيانات في المواعيد او اصلاح خارج التوكيل او استخدام قاسي "لان العربيه دي rude اوي فتخليك تتعامل معاها بعنف يعني تطلع الادرينالين اللي جواك
ويمكن وده الاقرب ان اللي جابها زيرو دفع 140 الف مثلا ولما ييجي يبيع حيخسر النص ..والاصعب انو حيضطر يدفع كتييييير جدا عشان يركب عربيه جديده تتفوق على الميجان بصراحه ودي النقطه اللي تخلي الواحد زعلان فعلا
انا خلصت كلامي وطولت عليكوا واتمنى من الله ان يعطينا خير هذه السيارات ويكفينا شرها جميعا
عملت صيانه ال 100 الف وغيرولي تيل امامي
العربيه اللي غيرتها كانت جين 2 2007 كانت عامله 76 الف كيلو وكانت حالتها ممتازه الحمد لله
الملاحظات في الفرق بين العربيتين
1- العفشه ... مع ان عفشه جين 2 كويسه ورياضيه لكن فارق رهيب بينها وبين الميجان لصالح الميجان طبعا
2- الموتور حسيت ان الميجان عربيه بمعنى الكلمه خاصه مع مؤشرات استهلاك البنزين المنخفضه للغايه "بحط 95 زي ما كنت بعمل مع جين 2"
3- الكماليات ..فرق طبعا لصالح الميجان رغم ان ما فيهاش باركينج سينسور
4- الخامات...مش حتكلم..ولا اقول الميجان وبكل ثقه
باقي الحاجات برضه الميجان
انا بس عندي نقاط عايز اضيفها
انا كنت حشتري هيونداي النترا اول فئه اوتو...وكنت ناوي اقسط المبلغ الباقي بعد ما ادفع على عربيتي مبلغ برضه لكن الظروف ساقتني اني اخلص في الميجان في نفس اليوم اللي كنت رايح استلم الالنترا لكن وبكل ثقه احمد الله على الخطوة بتاعتي لانها اقدار قبل كل شيء ولاني حاسس ان كنت حبقى مزنوق حبتين..انا طبعا قريت في القسم لمده خمس ايام متتاليه المشاكل وحلولها واستفدت كتير رغم ان نسبه التخوف عليت كتير..لكن بصراحه بعد ما ركبت وسقت وعرفت قيمه العربيه
حسيت ان تكلفه تشغيلها عاليه لكن انت بتاخد عربيه محترمه متقدمه تقنيا عن عربيات كتير موديل حديث وبيدفع فيها كتير كمان..وحسيت ان الملاك الكارهين لعربيتهم انما يكرهونها لمشاكل كبيره حصلت يمكن تكون نسيان الصيانات في المواعيد او اصلاح خارج التوكيل او استخدام قاسي "لان العربيه دي rude اوي فتخليك تتعامل معاها بعنف يعني تطلع الادرينالين اللي جواك
ويمكن وده الاقرب ان اللي جابها زيرو دفع 140 الف مثلا ولما ييجي يبيع حيخسر النص ..والاصعب انو حيضطر يدفع كتييييير جدا عشان يركب عربيه جديده تتفوق على الميجان بصراحه ودي النقطه اللي تخلي الواحد زعلان فعلا
انا خلصت كلامي وطولت عليكوا واتمنى من الله ان يعطينا خير هذه السيارات ويكفينا شرها جميعا
Comment