استقسار عن سعر ميجان 2 مستعملة موديل 2006 وفيها شغل

[ezatooo]

السلام عليكم ورحمة الله وبركاتة

الرجاء تسعير ميجان مستعملة موديل 2006 العربية مركونة سنة في مكنها امام عيني ولما سألت عليها قالي العربية فبريكة برة وجوة وفيها فتحة سقف و فتيس أوتوماتيك ومثبت سرعة العربية كاملة بس فيها وش سلندر بس ومطلوب فيها 60 ألف ويصلحها هو وأخودها منة ماشية .
1- السؤال لية مصلحاش صاحبها
2- ثمن العربية كدة كويس ولا غالي علي الشغل فيها وأنا معرفش فيها اية كمان علشان يركنها سنة .
3- هي ممكن يكون فيها اية تاني وتكلفة الاصلاح تقريبي كام
4- انا ممكن اخدها اصلحها بس اخصم كام من ثمن العربية.
ارجو الإفادة من سيادتكم

[shawkylotfy]

بلاش اوعى تاخدها... عموما بلاش ميجان اوتو ثم بلاش ميجان اوتو ثم بلاش ميجان اوتو.. لو حابب الميجان هتها مانيوال ...

[SoFiMaN]

بلاش اوعى تاخدها... عموما بلاش ميجان اوتو ثم بلاش ميجان اوتو ثم بلاش ميجان اوتو.. لو حابب الميجان هتها مانيوال ...

ده على اساس ايه؟! معظمنا هنا معانا ميجان اوتو على فكرة و مفيش اي حاجة الحمدلله !! حتى لو حصلك مشكلة معاها مش معناها ابدا ان كل الميجان اتوماتيك كده!

[shawkylotfy]

ده على اساس ايه؟! معظمنا هنا معانا ميجان اوتو على فكرة و مفيش اي حاجة الحمدلله !!

قليل جدااا كل الميجانات الاستيراد المتقطعة 95% منهم مانيوال ... على العموم معظم ملاك الميجان الاتو الى بيمشوا كتير بالعربية بيوجهوا مشاكل فى الفتيس الاوتو وانت عارف وانا عارف من check gearbox ل هبدة ل نتشة ل gearbox overheated والخ ومفيش داعى نحلى الحاجة بالعافية علشان بس احنا ركبنها .. لصاحب الموضوع لو هتجيب العربية وتستخدمها استخدام بسيط هات ميجان اوتو لو اشغال شاقة هات ميجان مانيوال (مع انى مش محبذ الميجان لان مصارف تشغلها عالية حبتين ) وفى الاخر انت قرر ومتنساش الاستخارة ولو جية معاك بميجان خدها اكشف عليها فى واحد ميكانيكى فى ميامى فى 45 مدخل كريدى اجريكول ورشة سامح الهوارى م.احمد موسى هيكشفلكط عليها ويقولك فيها اية.. ةبالتوفيق

[kar!m]

على فكرة سعرها كويس بالنسبة لعربية بانوراما فابريكة بالكامل .. و موضوع وش السلندر ده مش قصة .. حاجه عادية متعيبش العربية.

بس اكشف عليها فى التوكيل عشان اللى بيخلى وش السلندر يبوظ هى الحرارة .. فا شوف ايه اللى خلا الحرارة تزيد .. ممكن تكون مشكلة كبيرة .. بخلاف ان ممكن يكون فيها مشكل تانية.

برضة موضوع الركنة سنة ده مش كويس على العربية.

وربنا يوفقك لما فيه الخير.

[hossam_elwani]

السلام عليكم ورحمة الله وبركاتة

الرجاء تسعير ميجان مستعملة موديل 2006 العربية مركونة سنة في مكنها امام عيني ولما سألت عليها قالي العربية فبريكة برة وجوة وفيها فتحة سقف و فتيس أوتوماتيك ومثبت سرعة العربية كاملة بس فيها وش سلندر بس ومطلوب فيها 60 ألف ويصلحها هو وأخودها منة ماشية .
1- السؤال لية مصلحاش صاحبها
2- ثمن العربية كدة كويس ولا غالي علي الشغل فيها وأنا معرفش فيها اية كمان علشان يركنها سنة .
3- هي ممكن يكون فيها اية تاني وتكلفة الاصلاح تقريبي كام
4- انا ممكن اخدها اصلحها بس اخصم كام من ثمن العربية.
ارجو الإفادة من سيادتكم

اباك تاخدها الميجان ما تتركبش الا اذا كانت حالتها ممتازه غير كده حتلف حولين نفسك والعربيه المعروضه عليك دى كبيرها 50000 ده اذا ما قلتش عن كده كمان .....

[SoFiMaN]

قليل جدااا كل الميجانات الاستيراد المتقطعة 95% منهم مانيوال ... على العموم معظم ملاك الميجان الاتو الى بيمشوا كتير بالعربية بيوجهوا مشاكل فى الفتيس الاوتو وانت عارف وانا عارف من check gearbox ل هبدة ل نتشة ل gearbox overheated والخ ومفيش داعى نحلى الحاجة بالعافية علشان بس احنا ركبنها .. لصاحب الموضوع لو هتجيب العربية وتستخدمها استخدام بسيط هات ميجان اوتو لو اشغال شاقة هات ميجان مانيوال (مع انى مش محبذ الميجان لان مصارف تشغلها عالية حبتين ) وفى الاخر انت قرر ومتنساش الاستخارة ولو جية معاك بميجان خدها اكشف عليها فى واحد ميكانيكى فى ميامى فى 45 مدخل كريدى اجريكول ورشة سامح الهوارى م.احمد موسى هيكشفلكط عليها ويقولك فيها اية.. ةبالتوفيق

على فكرة كلها حاجات عادية جداً, امال لو حضرتك ركبت الجيتا او باسات هتقول ايه على فتيسها ؟!
المقصود ان كل عربية فيها عيب ما, المهم ميبقاش عيب ضخم و انا في رأيي ان ده مش عيب ضخم :)

و عموماً لصاحب الموضوع, رأيي انك متاخدهاش لأن الميجان و معظم العربيات الحديثة لو مش نظيفة او حاصل فيها اي لعب يبقى ملهاش لازمة,, حلها انك تشوف في التوكيل و تكشف عليها.

[iaibrahim]

يا جماعه انتم حتعقدوا الرجل ليه ده شهاده ولازم تكون عن حق والصح اننا ننصحه انه يكشف عليها فى التوكيل كويس اوى وبعدين يحكم وكمان حكايه السنه مش شرط يمكن ظروف صاحبها مسافر او حاجه والرينو عربيه ممتازه بس مظلومه فى مصر وكفايه الطرق الجميله عندنا اللى تبوظ اجدع عربيه مع التوفيق

[Ahmed Selim]

قليل جدااا كل الميجانات الاستيراد المتقطعة 95% منهم مانيوال ... على العموم معظم ملاك الميجان الاتو الى بيمشوا كتير بالعربية بيوجهوا مشاكل فى الفتيس الاوتو وانت عارف وانا عارف من check gearbox ل هبدة ل نتشة ل gearbox overheated والخ ومفيش داعى نحلى الحاجة بالعافية علشان بس احنا ركبنها .. لصاحب الموضوع لو هتجيب العربية وتستخدمها استخدام بسيط هات ميجان اوتو لو اشغال شاقة هات ميجان مانيوال (مع انى مش محبذ الميجان لان مصارف تشغلها عالية حبتين ) وفى الاخر انت قرر ومتنساش الاستخارة ولو جية معاك بميجان خدها اكشف عليها فى واحد ميكانيكى فى ميامى فى 45 مدخل كريدى اجريكول ورشة سامح الهوارى م.احمد موسى هيكشفلكط عليها ويقولك فيها اية.. ةبالتوفيق

check gearbox رسالة بتظهر لعدة أسباب مش شرط تكون ليها علاقة بالفتيس نفسه منها سبب على سبيل المثال و ليس الحصر اللى هو الكويلات........

gearbox overheat رسالة تحذيرية بتظهر فى أحوال معينة ( على قد تجربتى ) و هى أنك تكون مغير الزيت الأصلى بتاع الفتيس و ماشى بالعربية مسافة طويلة على سرعة عالية....180 مثلاً.........دى معلوماتى

إلا طبعاً لو فيه مشكلة تانية فى تبريد زيت الفتيس و دى أنا مسمعتش عنها مع أى حد هنا.

فولكس فاجن و الفتيس بتاعها ال dsg فيه مشاكل
سكودا فتيسها فيه بيبوظ لو مغيرتش زيت الفتيس على 60 ألف بنوع زيت معين مش اى زيت فتيس......و على ما أذكر كان الزيت ده بيعمل حوالى 1000 جم.
تويوتا و فتيسها المشهور بمشاكله اللى منزلش غير فى مصر......و مع ذلك فيه ناس مش بتشتكى منه.

الهدف من الكلام ده أن فيه عربيات مصممة للعمل بطريقة معينة..........هتخالف الطريقة دى يبقى أستحمل.

أنا عربيتى فى مصر كانت ماشية حوالى 110 ألف كم بدون مشاكل فى الفتيس بسم الله ما شاء الله.

معظم الوحوش هنا محصلش معاهم مشاكل الفتيس خالص...........و دايماً بلاحظ أن مشاكل الفتيس مع الناس اللى هنا بتكون فى عربيات مستعملة.......بعنى متعرفش أيه اللى كان بيحصل فى العربيات دى من أصحابها الأصليين.

[dreslam]

خلاصه الكلام اكشف عنها في التوكيل وضحي بشويه وقت و ٥٠٠جنيه عشان تكسب راحه بالك لو فيها الخير ربنا يكتبهالك انما اكشف في التوكيل وشوف ال cvبتاعها بالصيانات وخلافه ولا تكشف الا في التوكيل عشان حنه مركونه سنه دي غير كده كله مقدور عليه ان شاء الله

[ezatooo]

جزاكم الله خيراً علي نصايحكم و أنا ان اشاء الله أعمل بيها الميجان عربية انا بحترمها جداً وبحبها كمان لكن العربية مابدورش يعني لو هاكشف عليها لازم أقطرها للتوكيل انا هاصلي صلاة الأستخارة وربنا يسهل وعلي فكرة انا ممكن أصلاحها بأيدي مش هاوديها لميكانيكي لان مفيش ثقة بيني وبينهم ابدا ابدا انا سألت على الجوان لقيته ب250 جنية ممكن يزيد أو يقل انا مدورتش كتيروسألت علي الفوانيس الأمامية والخلفية التيواني والمريات والعفشة الاستيراد بيتباع منها بالقطع مش كاملة والاسعار غالية شوية بس معمرة انا متشكر جدا لكل اللي ردوا علي الموضوع ومتشكر لتعبكم معايا

[abdo_2812]

نصيحة ابعد عن العربية دي وربنا إن شاء الله يكرمك بأحسن منها، الميجان لو متهانة هاتهينك ... اوعى تشتريها مش سليمة

نصيحة لله لو دويت كويس هاتلاقي إن شاء الله عربية زي الفل، الميجان عربية رااائعة بكل المقاييس ... فبلاش تتصرف تصرف يخليك تكرهها ...

[scraper2012]

الكمال لله وحده ـــــ مــــــافيـــــــش عربية مستعملة سليمة 100%


أكيد حتلاقي مشكلتين أو تلاتة عايزين تصليح

بس مشـــــــــكــــــلـــــة عن مشـــــــكـــــــلــــــة تفرق

وصلي الإستخارة