التوكيل أفضل و لا أيه (عربيتي رينو 9 مو85 )

[truetomy]

يا ريت يا جهابزة الرينو اللي يعرف معلومة عن إمكانية تصليح أو صيانة السيارات القديمة اللي زي عربيتي فالتوكيل يقوللي و يا ريت كمان تقولوا رأيكوا التوكيل الغالي أفضل و لا الصنايعية اللي مش رخيصين قوي .
هي أراء متعددة و بنختلف من واحد للتاني بس يا ريت كل واحد يبدي رأيه .
أخوكم حاتم حسني (رينو 9 مو85)

[medohai510]

يا أخ حاتم في رأي ملوش لزمة تروح التوكيل، العربية ليست معقدة مكيكانيكياً ولا حاجة لكن لو تروح لحد متخصص في الرينو يكون أحسن طبعاً ويوجد في المنتدي عناوين وتليفونات لصنايعية كتير، وربنا يوفقك.

[Ramy_Tantawi]

ده بيرجع على حسب التصليح المطلوب للعربيه بمعنى هل هي صيانه وتغيير سيور وحاجات روتينيه ولا مشاكل معينه ومطلوب اصلاحها ؟ عموما التوكيل غلوه مش للدرجه خصوصاً مع ارتفاع سعر الصنايعيه وارتفاع نسبة الفتي مع السعر للأسف وبالتالي قليلين دلوقتي اللي فاهمين بجد وبيراعوا ربنا في شغلهم ........على فكره في رأيي التوكيل بيكون غالي بصوره محسوسه اوي في حالة تغيير قطع الغيار لئن في اعطال التوكيل مابيصلحش القطعه ويكتفي بتغييرها عكس المكيانيكي لو فاهم وقدر يصلح العيب في القطعه دي اكيد هايكون توفير كبير .

عموماً انا اقترح على حضرتك اذا ماتعرفش ميكانيكي ثقه اعرض العربيه على التوكيل وخلال 24 ساعه ان شاء الله هاتعرف ايه الأعطال اللي في عربية حضرتك المطلوب تغيره اذا لزم الأمر وتكلفة المطلوب وحرية الاختيار بعدها لحضرتك اما الاصلاح او استلام العربيه دون الاصلاح .........

نقطه بس حابب اضيفها احقاقاً للحق التوكيل بيدي ضمان سنه على قطعة الغيار والاصلاح اللي عمله في العربيه وده في نظري حتى لو أغلى شويه من بره فا فرق السعر ده بندفعه لراحة بالنا والاطمئنان.