تغيير عفشه لميجان 2 (ارجو النصيحه)

[woOdy]

السلام عليكم
انا كنت بعمل صيانه ال 90 في العبور .. طلعلي report عن حاجات كتير كده عاوز تتغير بمبالغ غريبه طبعا
المهم قلتلهم مش عاو اغير حاجة :D وي مشيت وي رحت عند عفشجي شغال في الميجان وووو بعد الفحوصات والمشي في الشوارع المكسره عشان يشوف إلى هيتغير و قالي الأتي
1) 2 مقص تركي 230 ج ( قالى المقص عندك سليم بس الجلب ضايعه وي مش هاتلقيها استيراد فهات الطقم كله افضل وي خلاص)
2) طقم بارات داخلى و خارجي 300 ج
3) 2 تيش ميزان 100 ج
4) 2 بطاحه مساعد فاضيه 220 ج
5) المساعدين كلها عاوزة تتغير 750 للأمامي وي زيهم للخلفي kyb (دلواتي مش موجود غير مساعدين التوكيل وي غاليا جدا وي ال كوني 4000 ج غاليا طبعا و مش مريحه .... السؤال هل فين انواع تانيه ممكن كويسه علشان سمعت ان ال kyb مش هتستحمل زي الأصلي . وي هل فكرة اجيب مساعد استيراد فكرة كويسه ولا لأ . انا شخصيا مش برجح الفكرة دي )
6) تيل امامي (قالى التيل بيبوظ في الطنابير عندك * فيه خشونه جامده في الفرامل خصوصا لو فرملت جامد و اصوات * المهم انا مركب ريمسا ((هاغيره وي اجيب تيل نوعه ايه ؟ غير الرمسا عشان انا قفلت منه)
7) هيصلح علبه الدركسيون
انا عاوز اعرف رأي الناس في الكلام الكبير إلى عندي ده وي إيه الأنواع الأفضل والأسعار معقوله ولا لأ !
اسف على اني رغيت كتير

[Col. Eng. Khaled]

وقت حضرتك إن كان يسمح تقابلني بعد صلاة الجمعة في الحرفيين ، نشوف عفشجي تاني نقاوة إيدي

نسمع رأيه هو كمان و يدلنا على الأصح حتى في المشتروات .

[ecybrarian]

ينفع اجي انا كمان اتعلم يا قائد؟؟؟ وبالمرة نكشف على العفشة

[Col. Eng. Khaled]

تنوّرني و الله يا دكتور غير إن حضرتك "مُعَلّم" كبير

[ugaritian]

وقت حضرتك إن كان يسمح تقابلني بعد صلاة الجمعة في الحرفيين ، نشوف عفشجي تاني نقاوة إيدي

نسمع رأيه هو كمان و يدلنا على الأصح حتى في المشتروات .

نفسي يا باشا بس العين بصيرة و الايد قصيرة, الفكرة اني لم اجد عفشجي هنا و اسماء القطع عندنا مختلفة عن اسماء القطع عندكم لذلك مش قادر اتعلم من مواضيع المنتدى عن مشاكل العفشة.

[shawkylotfy]

كان نفسى اكون معاكو العشفة بتاعت ميجانتى فى شغل برضة بس للاسف انا من اسكندرية

[Col. Eng. Khaled]

نفسي يا باشا بس العين بصيرة و الايد قصيرة, الفكرة اني لم اجد عفشجي هنا و اسماء القطع عندنا مختلفة عن اسماء القطع عندكم لذلك مش قادر اتعلم من مواضيع المنتدى عن مشاكل العفشة.

إن شاء الله الزيارة الجاية و ما تنساش صينية نابلسية معاك

كان نفسى اكون معاكو العشفة بتاعت ميجانتى فى شغل برضة بس للاسف انا من اسكندرية

رديت على حضرتك عالخاص .

[shaddadfalcon1]

زميل ليا معاه ميجان ولما سالته عليها قالي عربيه ممتازه بس مش بتاعة مصر لانها عايزه طرق نظيفه وهي عفشتها مش بتستحمل زي بقية العربيات وعلبة الدريكسيون نفس الموضوع

[ugaritian]

النابلسية صعبه ياباشا علشان فيها جبنه و لازم تتاكل فريش بعد ما تتعمل على طول و هي لسا سخنة, ممكن اعملها لك بايدي (عملتها مرة في الاكاديمية باسكندرية في يوم اولياء الامور صينية كبير.

[Col. Eng. Khaled]

زميل ليا معاه ميجان ولما سالته عليها قالي عربيه ممتازه بس مش بتاعة مصر لانها عايزه طرق نظيفه وهي عفشتها مش بتستحمل زي بقية العربيات وعلبة الدريكسيون نفس الموضوع

أنسب واحد يرد في الجزئية دي زميلنا الباشمهندس / فرحات .

النابلسية صعبه ياباشا علشان فيها جبنه و لازم تتاكل فريش بعد ما تتعمل على طول و هي لسا سخنة, ممكن اعملها لك بايدي (عملتها مرة في الاكاديمية باسكندرية في يوم اولياء الامور صينية كبير.

تسلم يا غالي .... بضحك مع حضرتك و الله ..... أُمّال لو قلت لك بوظة من سوق الحميدية ؟؟؟؟؟؟؟؟؟



بوظة يعني آيس كريم يا سادة عشان محدش يفهمني غلط

[woOdy]

وقت حضرتك إن كان يسمح تقابلني بعد صلاة الجمعة في الحرفيين ، نشوف عفشجي تاني نقاوة إيدي

نسمع رأيه هو كمان و يدلنا على الأصح حتى في المشتروات .

انا اسف والله اني رديت متأخر اولا .
تاني حاجة للأسف مش هاقدر الإسبوع ده للأسف وي ان شاء الله عن قريب اجي لحضرتك وي نشوف الموضوع ده

[woOdy]

زميل ليا معاه ميجان ولما سالته عليها قالي عربيه ممتازه بس مش بتاعة مصر لانها عايزه طرق نظيفه وهي عفشتها مش بتستحمل زي بقية العربيات وعلبة الدريكسيون نفس الموضوع

بغض النظر عن اني صاحب الموضوع وي عاوز اغير حاجات في العربيه بس الميجان بتستحمل وي عفشتها كويسه فعلا . انا بمشي في شوارع غريبه الشكل والهيئه ولا كإني ماشي في المريخ :s
بس برده د/فرحات انا مستني الرد بتاعه برده في الجزئيه دي