أفضل نوع زيت ممكن أحطه لميجي؟؟

[abdo_2812]

السلام عليكم ورحمة الله وبركاته

حبايبنا الوحوش، ازيكم وايه الأخبار؟

ياريت تفيدوني ايه أفضل نوع زيت ممكن أحطه لميجي وهل فيه مكان معين أغير فيه الزيت ولا عادي في أي مكان ممكن؟

أنا بصراحة مش عارف ايه أفضل نوع زيت ودي أول مرة هاغير زيت للعربية خصوصا وإني كنت متخيل إني هغير الزيت على موعد الصيانة الطبيعي ولكن لقيت الزيت عاوز يتغير وواضح إن اللي كانت معاه العربية كبر دماغي من معاد غيار الزيت لما لقي نفسه هايبيع العربية !!

[scraper2012]

انا بحط توتال و الحمد لله زي الفل و الموتور ناعم

[mahmoudfs]

انصحك
توتال او ايلف

[وائل مختار]

انا بستخدم توتال والحمد لله معاى زى الفل

[SoFiMaN]

كنت بحط دايما موبيل1 و بعدين غيرت اخر مرة لفالفولاين mst 10w30
فرق ملحوظ الى حد ما في صوت الموتور بصراحة.

[وائل مختار]

من الافضل ان الموتور يكون متعود على نوع زيت واحد وفى التوكيل بيحطوا زيت توتال عشان كده انا مستمر عليه والحمد لله الموتور صوته ناعم جدا معاى

[SoFiMaN]

من الافضل ان الموتور يكون متعود على نوع زيت واحد وفى التوكيل بيحطوا زيت توتال عشان كده انا مستمر عليه والحمد لله الموتور صوته ناعم جدا معاى

هو مش التوكيل كان بيستخدم موبيل1 قبل ما يغير لتوتال؟

[ahmedtr9989]

حد جرب منتجات شركة liqui moly

[abdo_2812]

جزاكم الله كل خير على الرد والإفادة
كده أنا بإذن الله لحد دلوقتي هحط توتال إلا لو حد قدم جديد بخصوص ليكوي مولي
حد جربها؟؟
وهل تستحق الهالة الكبيرة والكلام الجامد اللي بيتقال عليها ده ؟؟؟
في انتظار الرد
وكمان عاوز مكان كويس أغير فيه زيت لأن موعد الصيانة لسه مجاش ومش فاضي أضيع مشوار للتوكيل على الزيت وبس ...
وامبارح وديتها لواحد يغيرلي الزيت خاف ييجي جمبها، وقالي لأ ياباشمهندس العربيات دي حساسة وبلمس وأنا أخاف أحط إيدي فيها تبوظ ... دي كلها كمبيوتر وماتعرفش ايه اللي ممكن يحصلها :d