رجاله رونو و الميجان على وجه الخصوص ( انقذونى ومتكسفونيش)!!!!!!!!!!!!!!!!!!!!!!!!!!!!

[ahmedesmat1987]

قصر الكلام صديقى الصدوق ربنا رزقو بميجان 2001 فول ابشن اوتوماتك ....وظهر فيها مشكله من اول يوم واحتار فيها وانا شورت عليه الجاء لوحوش منتدانا الحبيب وربنا يجعل على ايديهم الشفاء.......الحكايه انو يبقى ماشى طبيعى جدا يلاقى العربيه وهو مثبت رجليه تروح مسقته غيار وتروح راجعه تانى برزعه فى الجير ولمبه التشك بتاعه الجير بوكس تنور ومترضاش تطفى الا لما يبطل ويرجع يشغل دا اولا .........ثانيا انا لما سوقتها لاحظت انها مبتنقلش بسهوله يعنى مش بسلاسه لازم تقرص لاحد 4 وتريح رجلك عشان تاخد الغيار اللى بعديه بنتشه بسيطه كانك راكب عربيه مانوال وانت بتنقل من التالت للرابع مثلا مشلتش رجلك من على البنزين واللى بيسوق مانوال هيفهمنى....المهم كشفنا كمبيوتر ظهرنا الايرور دا (oil pressure regulator) بلف فتيس بلغه الصنايعيه.......روحنا لكذا واحد مش فاهم المفروض يعمل ايه وكلو عمال يفتى واللى يقولك هيتكلف 2000 جنيه اصل ممكن العيب يطلع مركب ونغير ايه من جوة وايه من بره واللى يقولك ده كل التكلفه 300 جنيه تمن البلف واللى يقولك الفتيس باظ .........نعمل ايه افيدونا افادكم الله... الواد ملحقش يفرح وجاله اكتئاب وعايز يبعها ومكملتش معاه 3 ايام

[ahmedesmat1987]

متشكرين يا رجاله

[ahmedesmat1987]

دا حتى محدش كلف خاطرة ودخل بص على الموضوع

[ecybrarian]

صبرا يا أخي..الناس هنا اغلبها شم معاها العربية دي (2001)..انا نصيحتي لك روح بالعربية للمهندس خالد الزيني في الرحاب وهو هايجيب لك من الآخر في الموضوع دا

[ugaritian]

يا اخي صلي على النبي, هو الناس قاعدة عالكومبيوتر مستنية سعادتك لما تكتب موضوع علشان يردو عليه, انت يا دوبك كاتب الموضوع من 3 ساعات و الناس عندها مشاغل و لو الواحد بص على موضوعك يمكن ما يكونش عنده وقت يرد عليه.

الاعراض اعراض سولونويد فالف لازم يتغير و يتغير معه زيت الفيتيس, ده كل اللي اقدر افيدك فيه و استنى بقية الاخوة الاكثر خبرة مني في السوق المصري علشان يدلوك على صنايعي باقل التكاليف

و صلي على النبي

[elpasha1]

كان عندى مشكلة زى كدة (قريبة اوى)
والعيب كان فيش الفتيس مملحة والحل انها تتفك وتتنظف بسائل الاكاى وبعدين نشوف
التكلفة ثمن زجاجة اكاى اسبراى
وربنا يسهل ان شاء الله

[sniperwolf]

بص انا مش معايا ميجان بس الى حد ما هحاول افيدك واساعدك oil pressure regulator معنها ان فية حاجة فى البلوف عندك بس الاول نزل زيت الفتيس دة كلة و حط زيت جديد ولو الفتيس لية فلتر غيرة بردة و شوف لو مفيش تغير فى الفتيس يبقى بلوف فعلا و لو الزيت فية حاجة او عايز يتغير بيطلعلك الخطاء دة بردة ولو طرمبة زيت الفتيس فيها مشكلة يطلعلك الخطاء دة بردة..و دة على حد علمى لو حد من الاخوة يعرف حاجة غير الى انا كاتبها دى يصححلك بقى

[Mohd_Adel_Amin]

الاعراض اعراض سولونويد فالف لازم يتغير و يتغير معه زيت الفيتيس, ده كل اللي اقدر افيدك فيه و استنى بقية الاخوة الاكثر خبرة مني في السوق المصري علشان يدلوك على صنايعي باقل التكاليف

و صلي على النبي

اعتقد نفس الكلام , يا ريت تحاول تتواصل مع ايمن مومو اعتقد هو افضل واحد يفتيك في مشاكل الرينو ..

[ahmedesmat1987]

شكرا على الردود بس هل هى فعلا محتاجه تغير البلف اللى بيقولو عليه دا ولا لا

[ahmedesmat1987]

يا اخي صلي على النبي, هو الناس قاعدة عالكومبيوتر مستنية سعادتك لما تكتب موضوع علشان يردو عليه, انت يا دوبك كاتب الموضوع من 3 ساعات و الناس عندها مشاغل و لو الواحد بص على موضوعك يمكن ما يكونش عنده وقت يرد عليه.

الاعراض اعراض سولونويد فالف لازم يتغير و يتغير معه زيت الفيتيس, ده كل اللي اقدر افيدك فيه و استنى بقية الاخوة الاكثر خبرة مني في السوق المصري علشان يدلوك على صنايعي باقل التكاليف

و صلي على النبي

متشكر بخصوص الجزء الاولانى بالنسبه للجزء التانى ايه السولونويد فالف وتقريبا تكلفته كام

[nodey]

راجع المشاركة التالية
علي فكرة الفتس الموجودبالميجان هو الموجود بالبيجو والسيتروين والكليو الاتوماتيك

http://www.nilemotors.net/Nile/232110-307.html

[Rsarabia]

زى ما قلولك 90 % سلونويد فالف بيتغيرو ال 2 و بتغير زيت موتور

فى الميجان الاتنين بحوالى 700 و زيت الكيلو ب 40 تقريبا و هى بتاخد 4 كيلو بردو تقريبا

انا عاملها من فترة عشان كدا مش فاكر اوى بس بعد ما بتتعمل بتحس ان الفتيس فاااااق و بقت احسن