أرجو المساعدة في موضوع غسل ال موتور بزيت فلاش؟

[Ahmed_Gaafer]

السلام عليكم ورحمة الله وبركاته

انا معايا كليو 2004 1.2 سي سي

ودايما كنت بحطلها زيت توتال 9000 التخليقي

واحد ابن حلال قريبي خدها يغيرلها زيت قام حاططلها توتال 5000 المعدني


العربية مشيت 100000كم عالتخليقي

ومشيت بيها بالمعدني ده 4000 كم

وعايز ارجع احطلها توتال 9000 تاني ال تخليقي

لقيت في المنتدى قبل كده بالصدفة ان عشان ارجع احط تخليقي بعد معدني لازم اغسل الموتور بحاجة اسمها زيت فلاش flush

أرجو المساعدة عشان بجد انا تايه ومش عارف اعمل ايه ولازم اغير زيت في خلال يومين

هل الموتور فعلا بيتغسل؟

ولا ارجع احط ال توتال 9000 علطول من غير غسلة؟


وشكرا

[ecybrarian]

تصدق انت فتحت موضوع مهم جدا..انا عمري ما فكرت في الموضوع دا؟؟ بس بالمنطق كدا، لو انت بتفتح طبة الزيت تحت الموتور وبتسيب الزيت يصفي كله يبقى ما فيش مشكلة تحط الزيت التاني على طول. عموما في ناس بتفهم في الميكانيكا احسن مني نشوف هايقولوا ايه؟
متابع معاك

[ahmedtr9989]

إلي أعرفه فيه نوعين من الحجات إلي بتنظف الموتو:
1- Engine Flush
2- Engine Clean
النوع اﻷولاني بيكون أقوى من النوع الثاني و بيستخدم عادة في السيارات القديمة إلي بقالها فترة طويله .... أما الثاني فهو أخف من الأول و يستخدم أيضا في تنظيف أجزاء المحرك..
المعلومات دي من موقع LIQUI MOLY.... وكن سألتهم على أنسب نوع ممكن أستخدمه في عربيتي و قا لولي عليه ...بعد إستخدام Engine clean
بس معرفش هل الحجات دي صحيحة وهل المنتجات دي فعلاً جيدة ....و هل هناك ضرر على الموتور منها ........ مستنييين آراء الأعضاء

[ls1090]

استخدم الزيت التخليقى على طول الزيت المعدنى مش لحق يعمل حاجة وغير الفلتر وصفى الزيت كويس
وللعلم engine flush خطر لانه مش بينزل كله وبيفضل اجزاء منه فى المحرك وبيسبب التاكل