معقول...رينو ميجان كابروليه...

[amr_2009]

الرينو الميجان الكابورليه..حد يعرف اى حاجه عنها...عيوبها...مميزاتها..هل فيها مشاكل زى الميجان ولا هو مجرد كلام...وليه سعرها بيقع قوى كده...مع انى شايفها سيارة جميله

اخوكم من قسم ميتسوبيشى...ياريت اللى عنده معلومه مايبخلش بيها ..وشكرا مقدما لرجاله رينو

[Hegazio]

حضرتك فيه كام عربية كابريوليه بتتباع في مصر اصلا؟
اي عربية كابريو صاحبها جايبها نزاهة و ممكن تكون عربية تانية
هي عموما زي الميجان في كل حاجة الا فتح السقف الكهربائي ( حكاية طبعا )

[shawkylotfy]

دية عربيات فارهة يعنى مش هتبقى عملية معاك هى زى ما دكتور حجازى قالك نزاهة استخدام فرد واحد مش عيلة ومنصحش بيها فى مصر اصلا

[amr_2009]

افهم من كلام حضرتك ان الميجان بصفه عامه مش اعتمادى؟؟ ولا حضرتك تقصد موديل الكابريو بالذات

اصلها معروضه عليا وسعرها مغرى..بس بصراحه الانسر الشارك اعتماديه جدا..وانا عن نفسى بحبها جدا..
ولو غيرت هيكون بس علشان الكابريو ..ف ايه راي حضرتك

[shawkylotfy]

افهم من كلام حضرتك ان الميجان بصفه عامه مش اعتمادى؟؟ ولا حضرتك تقصد موديل الكابريو بالذات

اصلها معروضه عليا وسعرها مغرى..بس بصراحه الانسر الشارك اعتماديه جدا..وانا عن نفسى بحبها جدا..
ولو غيرت هيكون بس علشان الكابريو ..ف ايه راي حضرتك

طبعا بدون تفكير هات الشرك لو حالتها كويسة ... لو احنا عايشين فى بيفرلى هيلز كنت قولتلك خد الكابورلية :)

[Mohab.Nabil]

افهم من كلام حضرتك ان الميجان بصفه عامه مش اعتمادى؟؟ ولا حضرتك تقصد موديل الكابريو بالذات

اصلها معروضه عليا وسعرها مغرى..بس بصراحه الانسر الشارك اعتماديه جدا..وانا عن نفسى بحبها جدا..
ولو غيرت هيكون بس علشان الكابريو ..ف ايه راي حضرتك

يا استاذ عمرو

ديه حاجة و ديه حاجة تانية خالص

ازاى تقارن عربية كابورليه بعربية سيدان عادية مش كوبيه حتى

كل واحدة و ليها عيوبها و مميزاتها بس ديه فئة غير ديه خالص فى كل حاجة

متنساش ان الرينو ميجان كابروليه كان سعرها اصلا حوالى ربع مليون يعنى تقريبا ضعف ثمن الشارك

لو العربية حالتها نظيفة و هتستحمل موضوع انها مش عائلية مترددش ابدا

[amr_2009]

استاذ شوقى...انا اصلا معايا الشارك هاى لاين كمان..انا كان كل قصدى التغيير فقط ليس الا وخصوصا ان الاستخدام شخصى..والحيرة عندى..فى ان اصلا بحب موديل الشارك ده جدا وبحافظ عليها جدا وبحب كل الاوبشنز اللى فيها وقعدتها الاسبورت والنافيجيتور اللى فيها وصوتها وشكلها ..وكللل ما فيها..بصراحه فعلا بعشقها.. ولما اتعرض عليا الميجان قلت اسال علشان فعلا محتاج رايكو فى صورة نصيحه علشان بصراحه خايف اندم او كده


استاذ مهاب....انا عارف ان ده شىء وده شىء..بس انا بسال علشان استخدامى ليها شخصى وهو ده السبب وعلى فكرة سعر الانسر الشارك الهاى لاين دلوقتى 165 الف جنيه...يعنى مبلغ كبير..يعنى اكيد فى خسارة ليا بردو كبيرة لو بعتها...وخصوصا انى بحبها جدا

وعلى فكرة انا بحترم الميجان قوى برغم ان فيه ناس كتير بتشككنى فيها بس انا فعلا بحترمها وخصوصا لو كانت كابريو
هى بس قعدتها مش واطيه او مش سبورتى كده زى الشارك يعنى كتفك يكون بمستوى الباب وانا بعشق القعده دى..
بس اعتقد الكابريو مش كده وهتكون مختلفه...فعلشان كده بسال...هل فيها مشاكل هل هى مش عمليه مش هستمتع بيها..هل هى هى نفس الميجان والاختلاف فقط فى السقف المتحرك ...لو كان حد فى رجاله الميجان يعرف اى معلومه اكيد هكون شاكر جدا لو سمعتها..وشكرا جدا لرجاله رينو

[ugaritian]

الموضوع جميل و يستهدف المشاعر

انا شفت الميجان المكشوفة في التوكيل الرئيسي في دمشق و مواصفاتها مواصفات الميجات العادية ام 1600 سي سي و فيها كل الاوبشن بالاضافة طبعا لامكانية فتح السقف بشكل كلمل, السيارة جميلة جدا و لكنها فعلا ليست لااستخدام العائلية فلو انك عايش مع نفسك و ما عندكش ركاب كتير توكل على الله, ممكن تقول لنا معروضة عليك بكام, اللي انا شفتها في المعرض زيرو و عاملة حوالي 180 الف جنيه علما اناسعار السارات الجديدة لدينا مقاربة لاسعارها عندكم

[Mohab.Nabil]

استاذ مهاب....انا عارف ان ده شىء وده شىء..بس انا بسال علشان استخدامى ليها شخصى وهو ده السبب وعلى فكرة سعر الانسر الشارك الهاى لاين دلوقتى 165 الف جنيه...يعنى مبلغ كبير..يعنى اكيد فى خسارة ليا بردو كبيرة لو بعتها...وخصوصا انى بحبها جدا

استاذ عمرو

انا مكنتش اقصد حاجة و الله .. انا بس بحب الكابريو ديه اوى فانفعلت شوية اسف لو كان كلامى حاد او كده

الشارك عربية محترمة اوى برضه و انا بحبها برضه بس فعلا الكابريو حاجة مختلفة خالص .. كفاية اوى انك بضغطة زرار بقيت راكب عربية مكشوفة ديه حاجة كده لوحدها و احساس مختلف خالص و ممكن حضرتك تجربها برضه

بالنسبة للميجان فهى عربية محترمة جدا لا يعيبها اى شىء اطلاقا الا انها محتاجة حد يحافظ عليها و يكون مواظب على صياناتها فى التوكيل

و بالتوفيق ان شاء الله

[momo10000]

2008
41 الف كيلو
سليفر
جلد احمر
جنط 18 تحفه
عربيه من الاخر .... اخر دلع
130 الف نهائي

[Mohab.Nabil]

2008
41 الف كيلو
سليفر
جلد احمر
جنط 18 تحفه
عربيه من الاخر .... اخر دلع
130 الف نهائي

ماشاء الله .. بصراحة صفقة حلوة اوى

[amr_2009]

مبدئيا اسف على التاخير فى الرد..علشان بس كنت مسافر

استاذ ugaritian العربيه تمنها 130 الف جنيه مصرى..و عامله تقريبا 30 الف كيلو متر موديل 2008 اللون اسود

استاذ مهاب اختلاف الراى لا يفسد للود قضيه ..وصدقا مفيش حاجه تزعل فى اسلوب كلامك..بالعكس من الواضح ان حضرتك انسان محترم جدا واتشرفت بمعرفتك على المنتدى...ويكفينى اهتمامك بالرد..وشكرا جزيلا لدعائك ليا بالتوفيق..وربنا يكتب لنا جميعا اللى يكون فيه خير ان شاء الرحمن

استاذ momo10000 ؟ هل تقصد دى عربيتك وبتبعها..ولا ده اعلان عن عربيه فى موقع اخر

[Mohab.Nabil]

استاذ مهاب اختلاف الراى لا يفسد للود قضيه ..وصدقا مفيش حاجه تزعل فى اسلوب كلامك..بالعكس من الواضح ان حضرتك انسان محترم جدا واتشرفت بمعرفتك على المنتدى...ويكفينى اهتمامك بالرد..وشكرا جزيلا لدعائك ليا بالتوفيق..وربنا يكتب لنا جميعا اللى يكون فيه خير ان شاء الرحمن

الله يخليك ، انا اللى اتشرفت اكثر بالكلام مع حضرتك و ان شاء الله بالتوفيق مع الشارك او مع الميجان

[ugaritian]

سعر ممتاز, لو عيلتك صغيرة توكل على الله

[momo10000]

هيا عربية واحد صاحبي وعارفها كويس.