رينو ميجان 3 ونظام التيبترونيك على الطاير ؟؟

[Mohamed_Nafie]

السلام عليكم

أنا الحمد الله جبت رينو ميجان 3 .. هي اوتماتيك وكحال معظم العربيات اللي في مصر فيها نظام التيبترونيك "+" و "-" ..

بس أنا كنت عايز أسأل سؤال.. هل ينفع وانا على ال "D" وأنا ماشي مش واقف اغير من "D" ل نظام التيبترنيك"Tip-Tronic" ولا ده ممكن يدمر لي الجيربوكس ؟

الكتالوج مفهوش أي معلومة تفيدني في الحوار ده ... وشكرا ... :)

[SoFiMaN]

اولاً, الف الف مبروك و ربنا يديك خيرها و يكفيك شرها :)
ثانياً, اه طبعا ممكن مفيهاش اي مشكلة انا بعملها دايما ساعات بدل الكيك داون لما ابقى عايز انزل على غيار اقل

[ugaritian]

الف مبروك
ينفع جدا, خد راحتك عالاخر

[Mohamed_Nafie]

شكرا جدا على الردود .. أنا كده اطمنت d:

[Ahmedhussein007]

عادى جدا طبعا مفيش اى مشاكل

[wawoo]

السلام عليكم

أنا الحمد الله جبت رينو ميجان 3 .. هي اوتماتيك وكحال معظم العربيات اللي في مصر فيها نظام التيبترونيك "+" و "-" ..

بس أنا كنت عايز أسأل سؤال.. هل ينفع وانا على ال "d" وأنا ماشي مش واقف اغير من "d" ل نظام التيبترنيك"tip-tronic" ولا ده ممكن يدمر لي الجيربوكس ؟

الكتالوج مفهوش أي معلومة تفيدني في الحوار ده ... وشكرا ... :)

مبروك يا محمد على الميجان الجديدة

هوالحقيقية مينفعش توصل اساسا لنظام الستاب ترونك غير لما تعدى على d الاول

يعنى حتنزل ليها و تنقل على الستب ترونك او ترجع تانى زى ما انت عاوز

و ممكن كمان تنقل من ال d الى n او العكس بدون ما تدوس فرامل او زر الفتيس ...حتريحك و تريح الجير بوكس فى الاشارات و اوقات الانتظار الطويلة نسبيا ....بس لازم طبعا تكون العربية على ارض مستوية و الا حتتزحلق منك من غير فرامل طبعا

[fahd_628]

عادى جدا

بس متنزلش غيار الا و انت دايس بنزين

يعنى متجبش من 4 ل 3 مثلا او ل 2 منغير ما تكون دايس بنزين والا حتلاقى الفتيس نتش جامد لأنة مي بيعمل Rev match زى الفتيسات الرياضية !

[mohaismail]

الف مبروك وربنا يباركلك فيها
اخبار العزل بتاعها ايه ؟هل صوت الموتور مسموع بدرجة كبيرة وانت قافل الزجاج ؟
هل صوت الكاوتش على الطريق وصوت الهوا مسموعين بدرجة كبيرة ؟
اخبار استهلاك البنزين بتاعها ايه ؟

[Ahmed.Fahmy]

الف مبروك عليك
عاوزين تقرير مفصل

[Mohamed_Nafie]

من الواضح إني فوت كذا مشاركة من الاعضاء هنا...

الله يبارك فيكم كلكم :)

شكرا جدا للأخ wawoo على التفسير والأخ فهد عالمعلومة المهمة دي..

بالنسبة للأخ mohaismail
العزل بصراحة كويس جدا .. صوت الماتور يكاد يكون مسموع .. بس لو فتحت الزجاج الصوت عالي شوية .. العربية لسة مكملتش 300 كم في ماقدرش أحكم دلوقتي خالص..
صوت الهوا والكوتش مش مسموعين خالص الحمد الله ...

بالنسبة لاستهلاك البنزين فأنا بصراحة لسة على أول تفويلة و الاستهلاك على الكمبيوتر 10.4 لتر / 100 كم .....بس برده لسة شوية عشان نحكم .. بعد 1000 كم كده ولا حاجة ..

وبالنسبة للأخ أحمد فهمي ... فلسة كتيير عشان أكتب تقرير .. عند 2000 أو 3000 كم كده إن شاء الله


في بقى حاجة محيراني في التيبترونيك ده ... فـقلت بلاش اعملها موضوع جديد..

بالنسبة لحوار التيبترونيك عالطاير ده... وأنا بستلم العربية.. اللي كان بيسلمهلي .. قال لي تغير من "D" ل "+" وال "-" من نقطة ثبات .. يعني وانا واقف مش وانا أنا ماشي .. أنا بصراحة لسة مجربتش ..

تاني حاجة .. كنت بجرب نعومة الفتيس في النقلات وأنا وواقف ... لحظت حاجة :

الفتيس مفروض إنه أربع نقلات .. لما كنت بجرب لقيت الكمبيوتر بيجيب لغيت 3 بس ... مش مفروض في نقلة رابعة .. ولا ده عشان أنا وقف ولا ايه ؟؟

وشكرا على ردودكم :)

[Mzeid]

أولا ألف مبروك على العربية و ربنا يعطيك خيرهاو يكفيك شرها

ثانيا بالنسبة لموضوع السرعة الرابعة فهي احتمال تكون مقفولة علشان الاوفردرايف

[Mohamed_Nafie]

الله يبارك فيك :)
هو العربية فيها OverDrive أصلا ؟؟ ممكن يكوون احتمال الله أعلم

[Ahmed Selim]

ألف مبروك عليك وربنا يديك خيرها و يكفيك شرها.

موضوع النقلة ال 3 دى عادى....علشان واقف بس.

أعتقد فى الميجان لو أنا فاكر صح كانت بتقف على التقلة التانية لو أنت راكن......بس لما تتحرك بتجيب الرابع عادى.

[hany63]

ياباشا انا سواقتي و انا ماشي مزيج ما بين ال d و الستيبترونيك و ثق تماما ان لو غلط الفتيس ما كانش يسمح انك تحطه على الستيبترونيك و انت ماشي
وانا عن نفسي لما الطريق يمشي باجيب ستيبترونيك و العربيه ماشيه عشان اثبت الغيار على التالت مثلا بدل ما العربيه تفضل تجيب الرابع كل ما ترفع رجلك و تضطر تعمل كيك داون باستمرار و اول ما الطريق يقف اجيب ال d تاني لحد ما السكه تفتح و هكذا وبكده التسارع بيقى ممتاز والاحساس بالعزم جميل

[ELBiLDoZeR]

تمام بس انا كنت عايز زيادة توضيح لو سمحتم ايه هو الكيك داون