السلام على أهل الرينو ...... عايز أغير من سيراتو لرينو فلوينس

[hobiko]

صباح الفل يا رجالة

بدون مقدمات ....... عايز أغير السيراتو مش لعيب فيها و الله العربية دى أثبت معايا كفاءة و مواقف محترمة جدا

بس الفلوينس شكلها هابلنى شوية :))))))))))

ايه رأيكوا التغيير يستحق ..... حاحس بفرق فى ايه و مش حاحس بفرق فى ايه

النقلة دى من الكورى للفرنساوى ...... حيكون ليها أعراض جانبية :)))))

و ألف شكر مقدما

[devil_storm]

باشا مش حتحس بفرق كبير لانك راكب سيراتو sx كمان الفلوينس بطيئة فى الطلعة عن السيراتو
انا شايف انك تستنى شوية لحد متجيب ثمن جيتا او اوكتافيا علشان تحس بفرق

[hobiko]

أخيرا حد رد عليا ...... شكرا يا باشا :)))))

ده أول صوت لصالح السيراتو .......... يا ترى فى أصوات تانية لصالح الفلوينس

[Col. Eng. Khaled]

رأيي إن حضرتك تتصل تحجز Test Drive و شوف هل الفرق يستحق

16202 خدمة عملاء رينو

Renault Egypt | Facebook

[fineart607]

لا اعتقد الفرق الكبير غير لحاجه اعلى مثل البى ام او مرسيدس علشان تحس بالفرق

[Abo_Abdullah]

انا من محبين السيراتو على فكرة

وكان حلم بالنسبة لي إني اشتريها بس اشتريت ميجان مستعمله عشان القرشينات وكده

ناس كتير ركبت سيراتو وركبت الميجان قالت في فرق حتى في التقفيل والجوده
الكلام ده على الميجان موديل 2007 فما بالك بالفليونس الجديدة خصوصاً إن واحد في التوكيل بيقول لي ثباتها ممتاز

ولكن ، إن كانت السيراتو مقضيه الغرض فنصيحة بلاش تغير الآن واصبر لترتقي بالفئة لتكون ألماني مثلما ذكر أخي في المشاركة السابقة

والرأي الأول والأخير ليك يا باشا

[hobiko]

لا اعتقد الفرق الكبير غير لحاجه اعلى مثل البى ام او مرسيدس علشان تحس بالفرق

تانى صوت للسيراتو ..... شكرا يا باشا

انا من محبين السيراتو على فكرة

وكان حلم بالنسبة لي إني اشتريها بس اشتريت ميجان مستعمله عشان القرشينات وكده

ناس كتير ركبت سيراتو وركبت الميجان قالت في فرق حتى في التقفيل والجوده
الكلام ده على الميجان موديل 2007 فما بالك بالفليونس الجديدة خصوصاً إن واحد في التوكيل بيقول لي ثباتها ممتاز

ولكن ، إن كانت السيراتو مقضيه الغرض فنصيحة بلاش تغير الآن واصبر لترتقي بالفئة لتكون ألماني مثلما ذكر أخي في المشاركة السابقة

والرأي الأول والأخير ليك يا باشا

ربنا يخليك يا باشا .......... انت قولت اللى بيصادف هوى فى نفسى :)))

رأيي إن حضرتك تتصل تحجز Test Drive و شوف هل الفرق يستحق

16202 خدمة عملاء رينو

Renault Egypt | Facebook

شكرا يا سيادة العقيد بيتهايئلى ان فعلا الأفضل أنى أحاول أعمل test drive

بس موضوع التست دريف ده لسه متاح ؟؟؟

[Hema_law]

انا كان مع صاحبي سيرتوا اخدتها منها كنت بجرب العربيه بصراحه وللامانه من وجهة نظري فرق كبير جدا بين السيرتوا و رينو يعني اعتقد الي جرب و سايق 2 هيحس بلي انا بقوله
اولا : الثبات في الفلوانس اعلى من السيرتوا بمراحل
ثانيا: الصاج بتاع الفلوانس غير السرتوا يعني محمل بزياده وده بصراحه اهم حاجه في العربيه يعني جرب مثلا تقفل باب السيرتوا و باب الفلوانس وهتحس بالفرق
رابعا: وسع العربيه للفلوانس كبيره جدا من جو
خامسا: وانت سايق الفلوانس تحس بتقل في العربيه و خصوصا في الملفات
معلش يعني تحس انك سايق عربيه تقيله و ما تنساش ان في فرق بين الكوري و الفرنسوي معلش من وجهة نظري للي سايق الفلوانس ما ينفعش يتقارن و على فكره ده من خلال سواقتي للسيراتو يعني مش تحيز
وده راي
تحياتي
شكرا
و

[Land_Cruiser]

و لو أنى باشجع الفلوانس جامد و فى نظرى هى احسن من السيراتو بشويه بس مع الراى اللى بيقولك استنى شويه لحد ما تجيب حاجه المأنى علشان تحس بنقله بجد بدل ما تبيع و تخسر و تشترى فلوانس زيرو القصه مش مستاهله خاصه لو عربيتك مريحاك و مفيهاش مشاكل. .

[amr mokhtar]

انا نقلت نفس النقلة اللى بتفكر فيها
من سيراتو إلى فلوانس

انا كان معايا أول فئة فى السيراتو اوتوماتيك فطبعآ النقلة لفلوانس تانى فئة كانت كبيرة من حيث الكماليات و الخامات الداخلية
بخصوص الاداء

المحرك: السيراتو أسرع و رد فعل الموتور أفضل لكن صوته أعلى قليلآ
الفلوانس مش سريعة اوى لكنها مش بطيئة و لو أخدت عليها هتعرف تجرى بيها

التعليق: الفلوانس أفضل بمراحل من حيث الراحة و الهدوء

الثبات: مش هقدر أحكم اوى فى النقطة دى لإن السيراتو اللى كانت معايا جنط 15 و عجل 195
بس انا حسيت بفرق فى الثبات على سرعات أعلى من 140 ... بحس الفلوانس ماسكة فى الأرض و مش بتلعب فى المطبات على عكس السيراتو اللى المطبات ممكن تضايقها شوية
مش عارف إيه الوضع مع الجنط 17 انت تقدر تحكم بشكل أفضل

لو انا ناسى حاجة يبقى أسألنى عليها

[ashouhdy]

هات فنتازيا كسر زيرو

[Ahmed Selim]

شوف يا باشا هو من جهة فيه فرق فى السواقة فأنت هتلاحظ فرق و مش قليل......بس برضه مش كبير قوى.

ركوب اليابانى و الكورى حاجة و ركوب الأوروبى حاجة تانية شوية ( مع إحترامى لليابانى و الكورى..... و على فكرة أنا كان معايا عربية يابانى و لسه بايعها و بدور على حاجة تانية و من العربيات اللى فى بفكر فيها عربيتين يابانى برضه )

و ركوب الأوروبى ( فرنسى إيطالى إلخ ) حاجة و ركوب الألمانى حاجة تانية برضه.

هى القصة أنك لو عاوز تغير لمجرد التغيير و العربية مش تاعباك فى حاجة يبقى أحسبها..........لو مش هتدفع كتير توكل على الله........و لو هتدفع كتير بلاش أحسن.....أجلها لحد ما يكون معاك تمن حاجة ألمانى و ساعتها مش هتندم على الفرق اللى هتدفعه.

[Ahmed Anwer]

بص يا باشا كفرق في الأداء طبعا كل عربية ليها طعم

بس مفيش فرق الأداء الرهيب اللي يذكر ما بين الإثنين حتي في الثبات

الإثنين ثباتهم عادي مش وحش و مش مبهر


بس فعلا فيه فرق في الفخامة و الوسع و التقفيل و الشياكة و الأوبشنز و الصاج

تحس في الفلوينس إنك راكب عربية أغلي من قيمتها بكثييييير

[ahmed_noor2720]

السلام عليكم هو ده الفرق

الفوانس يا جماعه متخفوش منها في قطع الغيار حقول لكم علي حاجه السياره كل قطعه فيها كوري ماعدا الموتور والفتيس والتكييف ياباني من شركه نيسان وده الابداع اللي توصلت اليه رينو
اخيرا علشان تعدل من وضعها في السوق في تملك مصنع سامسونج للسيارت بكوريا بنسبه 100 % وانت عارفين قطع غيار الكوري كويسه جدااا في مصر وفي جميع انحاء العالم لكن التصميم بالكامل لشركه رينو الفرنسيه والسياره بتنزل في كوريا علي انها سامسونج m5 ومحدش يخاف من قطع الغيار عندنا هنا في السعوديه الشركه حطه اسعار قطع الغيار علي ورق وبتوزعه علي الناس وكمان الورق فيه مقارنه باسعار قطع الغيار الياباني والاوروبي اللي في نفس الفئه محدش يخاف ان شاء الله السياره ناجحه وحتنجح لأن الكوريين مع الفرنسيين واليابنيين طلعو كوكتيل جميل جدااااا

[ahmed_noor2720]

نسيت اقولكم علي حاجه

رينو تمتلك 46% من شركه نيسان اليابانيه