تغيير زيت الموتور

[وائل مختار]

عاوز اغير زيت الموتور وفلتر الزيت بنفسى ياريت حد من الاعضاء يقولى ازاى،،، عربيتى ميجان 2

[iaibrahim]

معلوماتى المحدوده بتقول انه صعب لازم ميكانىكى متخصص لانه فيه حاجه زى الحلقه بتتغير كل مره مع الفلتر اما فى محطه البنزين يمكن تغيير الزيت بالسحب بالمضخه للقديم بدون تغيير الفلتر ولا انصح بالطريقه ديه والاخوه اللى عندهم خبره ادرى منى مع التوفيق

[ecybrarian]

ما انصحش يا باشا بالموضوع دا..هو الموضوع سهل بس الغلطة فيه ممكن تبقى مصيبة بعدين...عموما لو عايز هاتعمل الآتي
- هاتفك المصفحة
- هاتفك طبة الكارتيرة بمفتاح نجمة (مقاس كبير بس مش فاكر كام)
- حط جردل تحت الطبة قبل الفك علشان تجمع الزيت
- اقفل الطبة كويس (بضغط مش بقوة علشان مايبُرمش)
- فك فلتر الزيت (خللي العربية باردة علشان مكان الفلتر ضيق في الحوض)
- حط زيت بصباعك حوالين حلقة الفلتر إللي بتشبط في الموتور
- اقفل الفلتر جيدا وتأكد من احكام الغلق
- افتح غطاء الزيت من اعلى الموتور
- صب الزيت باستخدام قمع نضيف تماما (امسح القمع قبل الصب)
- قبل ما تصب آخر علبة زيت قم بقياس الزيت باستخدام عصاية مقياس الزيت، وابقى زود بقى براحة لحد ما مقياس الزيت يتظبط
- دور العربية ثواني واطفي..قم بقياس الزيت ثانية