أستشارة في الميجان

[memoo305]

معروض علية ميجان 2010إستعمال شركة فيها مشكلة في الفتيس (عاوز يتغير)
عاوز اعرف ايه رأيكم فيها؟
يعني أبص فيها على ايه؟
ممكن أجيب الفتيس ده استيراد؟ يكلف كام؟ واعملة عند مين؟
ياترى العربية على الوضع ده تعملها كام.
أسف للأسئلة الكتير بس أن معجب فعلا بالميجان عموما ومحتاج رأيكم بــــــــشدة.

[ecybrarian]

طيب وهي ايه مشكلة الفتيس اصلا؟؟؟ وخللي بالك إللي يعمل كده في فتيس العربية يعمل اكتر في موتورها وعفشتها..وهكذا..العربية دي محتاجة يتبص عليها كويس جدا..عموما الفتايس موجودة استيراد كتير..الفتيس بيجي بالكمبيوتر بتاعه، وضفيرته، وسويتش نقلاته multifunction switch، وحساساته (-:وبابا غنوجه:-)...والفتيس مش بيشتغل غير لما تخش على الكمبيوتر تظبط بيانته (الزيت مثلا)..عموما في معلمين بيعلموا الحركة دي..بكام بقى؟؟ ما اعرفش ممكن تسأل بتوع الاستيراد في صقر قريش او الحرفيين..عموما انت لازم توقع سعر العربية دي علشان محتاجة مصاريف بالبواكي

[وائل مختار]

رأى المتواضع بلاش منها العربيه دى لو ناوى تركب ميجان وتريحك خليك فى حاجه مضمونه افضل

[dreslam]

طب ما تبص عليها في التوكيل كده يديك تقرير عن حالتها بالكامل وتشوف كمان مشاكلها تتكلف قد ايه وساعتها تمن العربيه حيبقى اوضح

[Ahmed Selim]

طب ما تبص عليها في التوكيل كده يديك تقرير عن حالتها بالكامل وتشوف كمان مشاكلها تتكلف قد ايه وساعتها تمن العربيه حيبقى اوضح

منصحش بيها عموماً........و حتى زيارة التوكيل معتقدش أنها هتكون مفيدة

الفتيس ضمانه 100 ألف كيلو مفتوح غير محدد بزمن.......يعنى العربية دى لو ماشية فوق ال 100 ألف فى سنة تبقى بصراحة كانت شغالة زى التاكسى و بلاش منها أحسن.

و لو تحت ال 100 ألف و التوكيل مغيرش الفتيس فى الضمان يبقى العربية خرجت من الضمان لسبب أو لأخر.....و غالباً هيطلع السبب أنهم مكنوش بيعملوا صيانة فى التوكيل.......

[abdo_2812]

منصحش بيها عموماً........و حتى زيارة التوكيل معتقدش أنها هتكون مفيدة

الفتيس ضمانه 100 ألف كيلو مفتوح غير محدد بزمن.......يعنى العربية دى لو ماشية فوق ال 100 ألف فى سنة تبقى بصراحة كانت شغالة زى التاكسى و بلاش منها أحسن.

و لو تحت ال 100 ألف و التوكيل مغيرش الفتيس فى الضمان يبقى العربية خرجت من الضمان لسبب أو لأخر.....و غالباً هيطلع السبب أنهم مكنوش بيعملوا صيانة فى التوكيل.......

+11111111111111111111111111111

[shawkylotfy]

عربية 2010 وفيها مشاكل حاجة غريبة