زينون للمبجان

[Col. Eng. Khaled]

انا نفسى اركب زينون فى الميجان بردو بس خايف من صعوبة التركيب (لازم الإكصدام يتفك) و خايف من اللعب فى الكهرباء ... ياترى حد جرب يركبه فى التوكيل (المقطم او العبور)؟ وسعره كام؟

انت لما بتغير اللمبة المحروقة بتفك الاكصدام ...؟؟
مفيش لعب فى الكهرباء خالص

علشان الكشاف يتحل من مكانه لازم الإكسدام يتفك غير مسألة تغيير اللمبة

تغيير اللمبة من جُوّه الكارتيرة مش محتاج فك الكشاف و لا الإكسدام .

متعوا عنيكم :-

http://www.hidorigin.com/hid-kits/h7.html

[ls1090]

أنا ناوي بإذن الله على زينون فيليبس بس بقدم رجل وبأخر رجل

بس بفكر لما أركب زينون يكون في الشبورة والواطي
أما العالي فلو لقيت لمبه فيليبس رالي أو تونجسرام يبقى تمام

طبعا التجربه حنقلها لكم بإذن الملك
بس دعواتكم للعبد الفقير

نصيحة لوجه الله
مفيش زينون فيلبس اصلى فى مصر كله صينى وفره فلوسك وهات صينى نظيف
انا اعرف واحد مستورد كبير قالى كله استيكر
وعنده فيلبس مكتوب عليه المانى وبيبعيه 700ج بس صينى

[chato_eg]

دى ال CONTACTS بتاعة فاليو فى مصر
VIAS EGYPT -Valeo InterBranch Automotive Software-
Smart Village, A 12, 2nd F
KM 28, Cairo-Alex Road, Giza
Cairo
Tel : 20 235 38 0500
Fax : 20 235 38 0600

ممكن تسأل على ال Xenon Kit ..بس أنا متوقع تسمع رقم زى 4 آلاف جنيه مثلا

[farahat]

دى ال contacts بتاعة فاليو فى مصر
vias egypt -valeo interbranch automotive software-
smart village, a 12, 2nd f
km 28, cairo-alex road, giza
cairo
tel : 20 235 38 0500
fax : 20 235 38 0600

ممكن تسأل على ال xenon kit ..بس أنا متوقع تسمع رقم زى 4 آلاف جنيه مثلا

لأ مش دول ، الفرع التجاري بتاع البيع بتاعهم في شارع السودان
وعلى فكرة الزينون الأصلي إلي بينزل في الميجان فبريكة هو إلي من إنتاج فاليو

[Abo_Abdullah]

تم تركيب زينون hid الكوري من ارب كوم
وركبت زي ما ذكرت لكم في الفوج والواطي

ودورت في شارع دمشق على الفيلبس رالي لقيتها بـ 90 جنيه بس استغليتها ومجبتهاش ، هو فيه احسن منها واقوى؟
وهل فعلا لو حتركب محتاجه كتاوت ؟

نصيحتكم يا رجاله

[momo10000]

لازم كتاوتت والا اليو بي سي حيطير .... بالذات لو الزينون في الفوجات

والكتاوتت اللي يتعمل لازم يعملوه كهربائي رينو.

لان بتعملوه فيشه مخصوص قبل الداخل وفيشه بعد الخارج من اليو بي سي.

مينفعش الاهمال في حاجه زي كده ... فيشة الانوار حتسيح في اليو بي سي.

[SoFiMaN]

لازم كتاوتت والا اليو بي سي حيطير .... بالذات لو الزينون في الفوجات

والكتاوتت اللي يتعمل لازم يعملوه كهربائي رينو.

لان بتعملوه فيشه مخصوص قبل الداخل وفيشه بعد الخارج من اليو بي سي.

مينفعش الاهمال في حاجه زي كده ... فيشة الانوار حتسيح في اليو بي سي.

ايه يا ايمن القلق ده :d .. قلقتني كده
انا مركب بقالي كام شهر الزينون في الفوجات و عادي الحمدلله !

مشغولش تاني مثلا ولا ايه:d

[Abo_Abdullah]

لازم كتاوتت والا اليو بي سي حيطير .... بالذات لو الزينون في الفوجات

والكتاوتت اللي يتعمل لازم يعملوه كهربائي رينو.

لان بتعملوه فيشه مخصوص قبل الداخل وفيشه بعد الخارج من اليو بي سي.

مينفعش الاهمال في حاجه زي كده ... فيشة الانوار حتسيح في اليو بي سي.

ليه بس وجع البطن ده يا أيمن باشا
أدي آخرة اللي يعمل حاجه من غير ما يستشيرك

ملحوقه ، بإذن الله لما ارجع من السفر حكلمك (بعد إذنك) عشان نحل الموضوع ده

[momo10000]

والله يا رجالة انا اتاكدت من القصه دي 3 مرات ...

لو شغلت الفوجات لمدة ساعتين ونص او تلات ساعات متواصلين ... عالطول فيشة الانوار بتسافر ...

جربت مره ... والتانيه ... والتالته ... وكل مره اما اغير يو بي سي او اغير السوكت في اليو بي سي نفسه وطبعا الفيشه بغيرها وبعد كده ايقنت المشكله ... جبت واحد من الجهابزة بتوع رينو في الكهرباء .. وانطلق في قصة الكتاوت .. جربت بعديها الفوجات 4 ساعات متواصل .. والحمدلله ولا الهوا.

[chato_eg]

لأ مش دول ، الفرع التجاري بتاع البيع بتاعهم في شارع السودان
وعلى فكرة الزينون الأصلي إلي بينزل في الميجان فبريكة هو إلي من إنتاج فاليو

أنا عارف إن الأصلى فاليو..علشان كده دورت عليهم فى مصر....ما عرفتش أوصل لحاجة فى فرع السودان..ممكن لو العقيد خالد كلم فرع القرية الذكية يدلوه على فرع المبيعات....و ضرورى كباية مياه علشان يبلع الرقم اللى هايسمعه

[farahat]

لو إنت خلصت شارع أحمد عرابي ودخلت شمال في شارع السودان كأنك ريح ناحية مطلع المحور، قبل ما توصل المطلع بتاع المحور على طول هتلاقي على ايدك الشمال اليافطة بتاعتهم ، بس عموماً هما مش بيجيبوه في مصر ، لأن دة بيركب OEM ومش بيتباع قطع غيار في مصر . ولا حتى التوكيل بيجيبو ، إلي بيتباع spare بيكون الفانوس على بعضه .

[Abo_Abdullah]

كل الشكر للحبيب الغالي أيمن مومو باشا

تم تركيب الكتاوت وتظبيط الكشاف الزينون الواطي وكله دلوقتي تمام بفضل الله

ربنا يبارك فيك يا استاذ أيمن ويجازيك كل خير