أستفسار سريع

[figoo2001010]

ميجان2 2007 عاملة 70الف كيلو فبريقة برة وجوة كاملة من غير فتحة سقف والصيانة فى التوكيل لحد 50 واما 60 و ال70 برة التوكيل وعايز فيها 73 أية رايكوا والكشف فرانش موتورز والا لازم اروح التوكيل
رجاء الرد السريع عشان هخلص فيها بكرة

[shawkylotfy]

لو مفيهاش مشاكل ونضيفة يبقى اخرها 66 او 67 افتكر الى هو طالبة كتير بس دا عرض وطلب وكل واحد مقدر حاجتة على العموم اكشف فى التوكيل لو العربية تستاهل

[figoo2001010]

طيب انا فرانش موتورز أسهالى واسرعلى أية رايكوا فية والا مش مضمون

[Ahmed Selim]

فرنش موتورز كويس مش وحش............مسمعتش حد اشتكى منه قبل كده......بس لو قدرت كشف شامل فى التوكيل يبقى أحسن و أضمن.

بالنسبة للسعر أنا شايفه كويس

[Abo_Lina]

صيانة ٦٠ ألف دي مش سهلة و كان يفضل هي بالذات تتم في التوكيل
تأكد إنه مغير السيور أهم حاجة و إلا هاتقوم إنت بالصيانة دي و ممكن تغير طلمبة المية كمان ، يعني الموضوع ده ممكن يعدي ال ٣ ألاف
رأيي إكشف في التوكيل
السعر بعد الكشف لأن ده سعر حالة شاذة

[ecybrarian]

الفرق بين فرنش موتورز والتوكيل حاجة واحدة فقط هي تاريخ العربية..يعني رقم العربية vin مع رقم الشاسية والموتور وحتى الفتيس كلهم مع بعض مش هاتلاقيها غير في التوكيل..يعني لو العربية مغيرة موتور مثلا فرنش موتورز مش هايعرفوا (غالبا) لكن التوكيل هايعرف على طول..غير كدا فرنش موتورز دول ممتازين..بس بتوع فرع الرحاب احسن بكتير

[figoo2001010]

الــــف شكر يا جماعة انا روحت وشوفت العربية جميلة فعلا والراجل شكلو محترم بيحترم العربية المهم كان فى ناس هناك شكلهم كانوا بيريلو على العربية وتقريبا خلصوا فيها من غير كشف او تقريبا رفعوها فى بنزينة ,,, وعامة ربنا يباركلهم فيها بس انا مكنتش حابب اشترى سمك فى مية عشان لوطلع فيها خزوق مش هقدر علية دلوقتى
كلامك عاجبنى ومقنع يا أستاذ Tyler_Durden
جزاكم الله خيراً يا رجالة قصدى يا وحوش :)

[diabloegypt1]

صيانة ٦٠ ألف دي مش سهلة و كان يفضل هي بالذات تتم في التوكيل
تأكد إنه مغير السيور أهم حاجة و إلا هاتقوم إنت بالصيانة دي و ممكن تغير طلمبة المية كمان ، يعني الموضوع ده ممكن يعدي ال ٣ ألاف
رأيي إكشف في التوكيل
السعر بعد الكشف لأن ده سعر حالة شاذة

+1111111111111111111111