رعشه "برجلة خيفيفة" عند الدوارة في الصباح

[Hady]

السلام عليكم:
لي استفسار بخصوص الاتي
أثناء الدوارة اليوم في الصباح " حوالي 8:00ص" و درجة الحرارة كانت تقريبا 10 ..أول ما دوست على ال start العربية دارت عادي بس بعدين حسيت برعشة كده "برجلة على خفيف..تحس ان سرعة دوران الموتور غير منتظمة" استمرت لمدة حوالي 20 ثانية مع العلم بأن ال أر بي ام كان عادي و في معدله الطبيعي... بعد 20 ثانية تقريبا كل شئ عاد لطبيعته بدون أي مشاكل .. بعدين بطلت العربية و دورتها تاني دارت عادي جدا الحمد لله.......... المشكلة ان الموضوع ده تاني مرة يحصل الاسبوع ده بنفس الكيفية و كانت أول مرة تحصل أول أمبارح .... كلمت التوكيل قالي احتمال يكون كويل... فيا ريت لو حد صادفه حاجة زي كده أو عنده خبرة بالموضوع ده ( السادة الوحوش الأفاضل)على سبيل سيادة الكولونيل خالد د.أ عبدالمقصود, مستر أيمن مومو, فرحات باشا و بقيه الناس المحترمة يدلى بالنصيحة و لكم جزيل الشكر(العربية موديل 2008 ماشيه 26000كم )

[ecybrarian]

هل عداد RPM كان بيلعب..يعني نزل لتحت كأنه هايقطع وبعدين علي لفوق؟؟ انا سمعت رأي قبل كدا بيقول: في البرد الزيت بيتحرك من الكرتيرة ببطئ في الدوار الأولانية في الشتا خصوصا لو عربيتك بتركن والعجل الامامي اعلى من الخلفي

عموما لو الموضوع دا ماحصلش معاك قبل كدا في الشتاء القارص دا يبقى عموما راجع على:
- الكولر cooler
- الكويلات والبوجيهات
- فلاتر البنزين والهواء
- واخيرا طلمبة البنزين

[ugaritian]

عندي شعور ان الخبراء حجيبو سيرة ترس الديفيزر... انتظرهم

[ecybrarian]

ترس الديفزور بيعمل صوت حكة الصبح..

[Hady]

هل عداد rpm كان بيلعب..يعني نزل لتحت كأنه هايقطع وبعدين علي لفوق؟؟ انا سمعت رأي قبل كدا بيقول: في البرد الزيت بيتحرك من الكرتيرة ببطئ في الدوار الأولانية في الشتا خصوصا لو عربيتك بتركن والعجل الامامي اعلى من الخلفي

عموما لو الموضوع دا ماحصلش معاك قبل كدا في الشتاء القارص دا يبقى عموما راجع على:
- الكولر cooler
- الكويلات والبوجيهات
- فلاتر البنزين والهواء
- واخيرا طلمبة البنزين

يا باشا أولا 1000شكر على ردك و اهتمامك؛؛ ثانيا انا الموضوع ده ماحصلشي قبل كده خالص إلا أول امبارح الصبح و النهارده الصبح برده؛ كمان ال rpm الحمد لله طبيعي جدا و بيكون عند 0.8 تقريبا على ال n والمرتين اللي حصل فيهم الموضوع ده كنت راكن ومستوي العجل الامامي و الخلفي تقريبا واحد؛؛؛؛؛؛ هل ده ممكن يكون ان فيه كويل أو بوجيه أو ابلاتين مش بايظ بس محتاج يتنضف.مثلا بسبب تراكم أتربه أو صدأ ؟؟

[mohjarhy]

كان عندى مشكله مشبهه ليسا عاملها اول امبارح.بعد مغيرت الكولر والفلاتر ونضفت حساس السبيد راحت الحمد لله .جرب تنضف حساس السبيد الاول ممكن تتحل متغياروش علاطول

[shawkylotfy]

شوف بقى فى كذا سبب يخلى الموتور يترج على خفيف فى البرد القارص اول الدوران
1. ممكن انت تكون حاطط زيت لزوجتة 20w40 الى هو بيقولوا علية 5000 ودة ممكن يعمل كدة لانة مش بيوصل لاجزاء الموتور الى فوق بالساهل وهو بارد لان لزوجتة عالية ومينفعش فى الميجان اصلا.. لو دة الامر حط زيت لزوجتة 5w40 او 0w40 وهتلاقى الكلام زبت معاك...

2. مفتكرش انو كويل...
3. ممكن ترس الديفزر (مش لازم يعمل الصوت الشهير بتاعة للاخوة الى بتقول انو لازم يعمل صوت) بس هو بسبب رجة خفيفة فى الماتور لغاية ما ضغت الزيت جواة ينتظم )
4. متشغلش باللك بس شوف انت حاطط زيت اية لو ال 5000 غيرة لانة مش هينفع فى البرد مع ميجانتك

[Hady]

شوف بقى فى كذا سبب يخلى الموتور يترج على خفيف فى البرد القارص اول الدوران
1. ممكن انت تكون حاطط زيت لزوجتة 20w40 الى هو بيقولوا علية 5000 ودة ممكن يعمل كدة لانة مش بيوصل لاجزاء الموتور الى فوق بالساهل وهو بارد لان لزوجتة عالية ومينفعش فى الميجان اصلا.. لو دة الامر حط زيت لزوجتة 5w40 او 0w40 وهتلاقى الكلام زبت معاك...

2. مفتكرش انو كويل...
3. ممكن ترس الديفزر (مش لازم يعمل الصوت الشهير بتاعة للاخوة الى بتقول انو لازم يعمل صوت) بس هو بسبب رجة خفيفة فى الماتور لغاية ما ضغت الزيت جواة ينتظم )
4. متشغلش باللك بس شوف انت حاطط زيت اية لو ال 5000 غيرة لانة مش هينفع فى البرد مع ميجانتك

ياباشا شكرا لاهتمامك بس انا أصلا لسه عامل صيانة ال 25 في التوكيل و كنت مغيرالزيت والفلترفي صيانة ال 20 في التوكيل برده وانا محافظ علي عمل الصيانات الدوريه في معادها و في التوكيل

[Hady]

ياباشا شكرا لاهتمامك بس انا أصلا لسه عامل صيانة ال 25 في التوكيل و كنت مغيرالزيت والفلترفي صيانة ال 20 في التوكيل برده وانا محافظ علي عمل الصيانات الدوريه في معادها و في التوكيل

على فكرة موضوع مهم جدا
يا ريت كل وحش من الوحوش ينقلنا خبرته في الموضوع ده
أنا أعرف هنا ميكانيكي اسمه خالد ( ورشه أحمد و خالد) أنا بصراحة ماتعاملتش معاه بس ناس صحابي قالولي عليه و شكرو فيه
كمان هناك شركة المهندس بتاعت المهندس طلعت و كان رفع لسته قبل كده ب أسعار بعض قطع الغيار و كان عامل عليها أوفر لأعضاء المنتدى مخصوص

[MoHamdy]

متابع

[Shiref_mohamed]

المشكلة ديه ظهرت معايا مرتين في الميجان بتاعتي وبرضه كانت الصبح بدرى والجو تلج
وعشان انا عربيتى قربت على معاد الصيانه قلت انه احتمال كبير يكون البوجيهات فيهم واحد بيقطع الصبح

[ecybrarian]

على فكرة موضوع مهم جدا
يا ريت كل وحش من الوحوش ينقلنا خبرته في الموضوع ده
أنا أعرف هنا ميكانيكي اسمه خالد ( ورشه أحمد و خالد) أنا بصراحة ماتعاملتش معاه بس ناس صحابي قالولي عليه و شكرو فيه
كمان هناك شركة المهندس بتاعت المهندس طلعت و كان رفع لسته قبل كده ب أسعار بعض قطع الغيار و كان عامل عليها أوفر لأعضاء المنتدى مخصوص

يا راجل..احمد وخالد إللي في صقر..دول دكاترة رينو..ما شاء الله عليهم وبعدين مش بتوع اشتغالات..دول لو بيعرفوا يشتغلوا على renault clip يبقوا كدا خلصوا على كل حاجة في العربية فعلا..معاهم كهربائي اسمه رامي منضم إليهم حديثا حافظ ضفاير الميجان..كان الفتيس بتاعي مش متشاف بالكمبيوتر وهو حل المشكلة في 5 دقائق..كان في pin مش لاقط في علبة الفيوزات في الكبود..بس خلاص

[Hady]

وحوش صباح الفل
أنا روحت لخالد اللي في صقر قريش
هو يبدو فعلا أنه شخصية محترمة و يعرف ربنا
شاف العربية,, قالي دور ..دورت.. بص على ال rpm...سمع صوت الموتور... شد الفيشة بتاعت حساس السرعة...بص فيها و ركبها تاني.... سألني على حالة ال rpm لما موضوع الرجرجة ده حصل قلتله كان تمام "العادي يعني" أول ما بدور العربية بيبقى على 1000و بعدين بينزل ل مابين ال 700 و ال 800
قالى مافيهاش حاجة و اطمن

[ecybrarian]

طيب كويس..كنت خليته يبص لك بالمرة على الكولر

[Hady]

وحوش ؛ للأسف موضوع الرعشه اتكرر النهارده ؛ الجديد ان الرعشه حصلت بعد ما دورت ب 4 دقايق يعني الموتور كان سخن (مؤشر الحراره كان عند تاني شرطه؛؛ مش عارف بقى أطلع على التوكيل ولا ايه