مياه التبريد

[وائل مختار]

من كام شهر كده لاحظت ان مياه التبريد فيها شحم او زيت قولت يمكن زيت وقع فيها او حاجه روحت بنزينه وغيرت الميه كلها بمياه خضراء ونظفت الردايتر كويس بمضخه فى البنزينه لكن الايام دى نفس الموضوع رجع تانى يا ترى ده عيب ايه ,,,,, ياريت رأى الوحوش

[ecybrarian]

كولر يا باشا..المياه والزيت مايدخلوش على بعض غير لو الكولر بايظ او (لا قدر الله) وش سلندر..الكولر جديد بره التوكيل بيعمل بتاع 600 جنيه واستيراد بتاع 300 (اسعار تقريبية طبعا)

[وائل مختار]

طب عندك فكره فى التوكيل بكام ؟؟

[ecybrarian]

لا والله ماعنديش فكرة..انا لسه مغير الكولر ما فيش شهر وفعلا لقيت إللي انت لقيته في عربيتك..طبعا بتغير مياه خضرا مع تغيير الكولر

[وائل مختار]

طب سؤال تانى وهتقل على حضرتك ايه الكولر ده شكله ايه ومكانه فين

[ecybrarian]

يا باشا هو بيبقى لازق بمسامير في يمين الموتور وداخل فيه خراطيم تبريد وسلك كهربا كمان وفيه كمان غطا البلف إللي بيطلعوا منه الهوا إللي في دورة التبريد..يمين الموتور يعني تحت الاكسراتير وشمال البطارية وفوق الفتيس..هو على فكرة مش عريض قوي فممكن تحس إنه حتة من الموتور

[وائل مختار]

متشكر اوى لاهتمامك

[mohjarhy]

انا فعلا حاصل عندى وغيرت الكولر اول امبارح بره التوكيل وعمل 1000 جنية بالتركيب ده سعر غالى؟

[وائل مختار]

النهارده روحت توكيل المقطم عشان المشكله دى والحمد لله طلع الكولر بايظ فعلا وهو سبب المشكله وتم تغييره وطبعا تغيير المياه كمان والتكلفه الاجماليه 850 جنيه