استطلاع لمالكى الميجان هل اعطال موديلات 2007 ومافوق اقل بكتير من اعطال 2005 و2006

[hossam_elwani]

استطلاع لمالكى الميجان هل اعطال موديلات 2007 ومافوق اقل بكتير من اعطال 2005 و2006 نسبيا ولا لا ؟؟

لان ملاحظ ان اعطال موديلات 2005 و 2006 هيا الى ادت انطباع سىء عن الميجان واكتر شكاوى الملاك هنا فى المنتدى من مالكى موديل 2006 و 2005 من الفتيس الى الحساسات بشكل عام وخلافه من رفايع كتير (مع العلم ان عارف حكاية السوفت للفتيس للموديلات القديمه الى تم تعديله ) بس الشكاوى متعدده فى كل النواحى ومش ملاحظ شكوى تذكر من اصحاب موديلات 2007 والاكثر من 2008 و2009 لاشىء تقريبا هل كلامى صحيح شارك فى الاستطلاع وقول رأيك؟؟

[hossam_elwani]

ومحتاج رأى العقيد خالد على وجهة الخصوص لانه خبرته كبيره ورايه امين وده من الى قريته عنه هنا فى المنتدى الكريم وله منى كل الاحترام والتقدير

[Mohab.Nabil]

انا من ملاك موديل 2006

و العربية الحمد لله مش وحشة فى موضوع الاعتمادية و معملتش مشاكل كثير الا مشاكل طبيعية يعنى و ان كان فيه مشاكل زيادة بنسبة بسيطة و ده قصاد انها عربية كانت سابقة عصرها كثير و فعلا عربية مميزة جدا و مش هيحس بالكلام ده الا اللى امتلكها فترة على الاقل

للعلم عربيتى مانيوال

[hossam_elwani]

واحد بس الى رد غريبه !!!!!!!!!

[تامر.محمد]

متابع و ملاحظ نفس الملحوظة

[Col. Eng. Khaled]

أستاذ حسام رجاء قبول إعتذاري عن تأخير الرد لإني لسه شايف الموضوع حالا

بالنسبة لعربيتي الحمد لله معايا من الزيرو و الحمد لله مفيش مشاكل حصلت حتى الآن (76000 كم) .

فقط في النص التاني من شهر رمضان إللي فات إتكرر معايا موقف 3 مرات

بعد تسخين العربية و بداية التحرك يحصل هبدة خفيفة في النقلة من الأول للتاني ، مرتين من التلاتة ظهرت

رسالة check gearbox .

كنت أركن و أبطل العربية و أدوّر تاني و أتحرك مفيش حاجة .... بين كل مشكلة من التلاتة تقريبا 5 أيام

آخر يوم رمضان روحت المقطم و كنت حاجز صيانة 70000 كم ، إتكلمت عن مشكلة الفتيس و بعد التأكد إن

كل صيانات العربية في مواعيدها تم تغيير السولونويد فالف و إستكمال زيت الفتيس في "ضمان الفتيس" (ضمان العربية منتهي من

فبراير 2011) .

آسف للإطالة و بكرر رجائي بقبول إعتذاري عن التأخير .

[shawkylotfy]

مش شرط ان بعد 20067 مشاكل اقل مش شرط

[hossam_elwani]

أستاذ حسام رجاء قبول إعتذاري عن تأخير الرد لإني لسه شايف الموضوع حالا

بالنسبة لعربيتي الحمد لله معايا من الزيرو و الحمد لله مفيش مشاكل حصلت حتى الآن (76000 كم) .

فقط في النص التاني من شهر رمضان إللي فات إتكرر معايا موقف 3 مرات

بعد تسخين العربية و بداية التحرك يحصل هبدة خفيفة في النقلة من الأول للتاني ، مرتين من التلاتة ظهرت

رسالة check gearbox .

كنت أركن و أبطل العربية و أدوّر تاني و أتحرك مفيش حاجة .... بين كل مشكلة من التلاتة تقريبا 5 أيام

آخر يوم رمضان روحت المقطم و كنت حاجز صيانة 70000 كم ، إتكلمت عن مشكلة الفتيس و بعد التأكد إن

كل صيانات العربية في مواعيدها تم تغيير السولونويد فالف و إستكمال زيت الفتيس في "ضمان الفتيس" (ضمان العربية منتهي من

فبراير 2011) .

آسف للإطالة و بكرر رجائي بقبول إعتذاري عن التأخير .

شكرا لردك واهتمامك.........

[midohits]

بص هيا فكره 2005 و 2006 انها اولا طلعت من الضمان فصاحبها مش بيهتم بيها
تاني حاجة ان العربيه طول مافترتها بتطول وكده اعطالها بتتكتر واحنا بطبعنا شعب مهمل شوية في الحاجة مش زي مابتكون معانه في الأول زي ماتكون بعد سنا او اتنين
دي وجهة نظري والله اعلم
بس انا بشوف عربيات بأمانه 2005 و 2006 انضف بكتير من عربيات 2008 و 2009

[عمرو عمارة]

متابع......عشان بفكر جدياً أبيع الكليو وأجيب ميجان 2007 -2009 على حسب السعر والحالة

[Shiref_mohamed]

بص هيا فكره 2005 و 2006 انها اولا طلعت من الضمان فصاحبها مش بيهتم بيها
تاني حاجة ان العربيه طول مافترتها بتطول وكده اعطالها بتتكتر واحنا بطبعنا شعب مهمل شوية في الحاجة مش زي مابتكون معانه في الأول زي ماتكون بعد سنا او اتنين
دي وجهة نظري والله اعلم
بس انا بشوف عربيات بأمانه 2005 و 2006 انضف بكتير من عربيات 2008 و 2009

+1111111111111111
مش شرط الموديل اهم حاجه تكون العربية يتتصين صح وحط تحت بتتصين صح ديه 50 خط

[TOOLA]

مفيش اجابة شافية للراجل بردو, و أنا فى نفس حيرتو بردو

[Shiref_mohamed]

اقولك الإجابة الشافية ...
العربيتين واحد الإختلاف بس في الأكصدام الأمامي والفوانيس الخلفية ونور التابلوه وسوفتوير الفتيس

يعني الموضوع كله اشاعات الشعب المصري فقط لاغير

انا عربيتى 2006 وصاحبها الي اشترتها منه كان مش بيفوت صيانة في التوكيل وكل مسمار كان بيغيره في التوكيل وحتى الأن العربية عاملة 150000 كم وانا عامل منهم 15000 كم بدون اي مشاكل الحمد لله

[farahat]

متابع......عشان بفكر جدياً أبيع الكليو وأجيب ميجان 2007 -2009 على حسب السعر والحالة

عمرو باشا الوحش الكبير ظهر تاني على الساحة الرينووية :)


ربنا يكرمك يا باشا وتنتقل إلى عالم الميجان وتفضل برضه من الوحوش

[farahat]

استطلاع لمالكى الميجان هل اعطال موديلات 2007 ومافوق اقل بكتير من اعطال 2005 و2006 نسبيا ولا لا ؟؟

لان ملاحظ ان اعطال موديلات 2005 و 2006 هيا الى ادت انطباع سىء عن الميجان واكتر شكاوى الملاك هنا فى المنتدى من مالكى موديل 2006 و 2005 من الفتيس الى الحساسات بشكل عام وخلافه من رفايع كتير (مع العلم ان عارف حكاية السوفت للفتيس للموديلات القديمه الى تم تعديله ) بس الشكاوى متعدده فى كل النواحى ومش ملاحظ شكوى تذكر من اصحاب موديلات 2007 والاكثر من 2008 و2009 لاشىء تقريبا هل كلامى صحيح شارك فى الاستطلاع وقول رأيك؟؟

كلامك إلى حد ما سليم ، ولكن السبب مش قلت اعطال موديل عن التاني ، ولكن فالكرة في حاجتين :
أولاً إن موديلات 2005 و-2006 أكيد أقدم وأكيد مشيت أكتر و بالتالي ظهرت عليها أعراض السن أكتر وبالتالي الشكاوي بقت أكتر .
السبب التاني إن كل شركات العربيات بتعمل تعديل كل سنة على العربية حتى لو مش حتنازل موديل جديد ، التعديلات أي بتكون عباره عن إيه ؟ عن تعديلات بسيطة وإصلاحات للاجزاء إلي حصل منها شكاوي من جميع الوكلاء على مدار السنة اللي فاتت ، وبتعمل تعديلات على هندسة السيارة من ناحية الميكانيكا والكهربا والدهان وكل حاجة محتاجة ، لكن مش شرط انها بتكون ظاهرة أو معروفة للمالك .
ذي ما حصل مثلاً في الفتيس ، العربية نزلت في 2004 ، والناس جربتها ، أخر السنة جمعوا كل الشكاوي من الوكلاء وعملوا تصليح في خلال 2005 ونزل التعديل في 2006 ، والمشاكل اللي ناس كتير اشتكت منها في 2005 ، تتعدل وتنزل في الموديل اللي بعده ، وهكذا ...
بس دة مش معناه إن موديل 2009 (أخر سنة أنتج فيها الميجان ) هيكون أحسن موديل فيهم ، لأن أكيد بتكون ظهرت فيه هو كمان حاجات محتاجة تتعمل لكن لأن الموديل بيقف فبيتعمل حسابها في الشكل الجديد ... وتستمر الحياة ...