اجيب اكصدام امامى ميجان منين

[medo99_pc]

السلام عليكم


الحمد لله على كل حال, لسه عامل حادثة حالا والاكصدام الامامى اتكسر..


اجيبه منين بره التوكيل ؟؟؟؟

عربية ميجان 2009


وشكرا

[iaibrahim]

حتلاقى ان شاء الله عند المصطفى اللى فى صقر قريش واظن انه فى الحرفيين اكتر من واحد وقلبى معاك مع التوفيق

[medo99_pc]

كلمت المصطفى قالى فيه ب 750 بس بيبقى كله حته واحده يعنى الجريده الفيرانى والشبكة اللى تحت بيبقوا كلهم صبه واحده

وقالى فيه استيراد يعمله حوالى 1500

مش عارف فيه فى مكان تانى ولا لأ

[Col. Eng. Khaled]

1500 جنيه غالي جداااااااااا

جايز علشان سوق الإستيراد شاحح فالسعر عالي

في الأيام العادية الإكسدام كامل بالفوجات = 1000 جنيه ، بدون فوجات = 800 جنيه في الحرفيين .

[ecybrarian]

اكصدام 2009...اعتقد السعر كدا كويس يا قائد على اساس إنه الشكل الجديد

[ahmed_oth]

حد يعرف اكصدام ميجان وان 2001 امامى يعمل كام؟

[SoFiMaN]

انا برضه واجهت نفس المشكلة و طبعا اكتر من حد حذرني ان القطعة الواحدة ده بيتقطع او يتكسر بسهولة مش بتحمل التاني ابداً و شئ طبيعي و الان ضعف السعر و اكتر ليه!
و ده اللي خلاني صلحت بتاعي بدل ما اجيب جديد.

[medo99_pc]

ألحمد لله روحت الحرفيين من صباحية ربنا وربنا كرمنى بواحد بتاع فبر لحملى الاطصدام ورجع زى الجديد بالظبط وخد 150 جنيه بس الحمد لله

شكرا ليكم جميعا على الروح الحلوة دى

[Col. Eng. Khaled]

الحمد لله و ألف مبروك يا باشا

بقى تبقى في الحرفيين و ما تكلمنيش أقف جنب حضرتك ؟

[medo99_pc]

أستاذ خالد ربنا يجزيك خير على نيتك وربنا يجعلك دايما عونا لأخوانك