إعـــــــلان

Collapse

.

,
See more
See less

اشترى ميجان ولا لأ انا احترت

Collapse
X
 
  • Filter
  • الوقت
  • Show
Clear All
new posts

  • اشترى ميجان ولا لأ انا احترت

    السلام عليكم .

    انا عجبانى الميجان جدا وبصراحة نويت اشتريها خلاص , لكن طبعا بتكلم مع زمايلى فى الشغل قبل ماشترى وسمعت كلام فى منتهى التناقض اللى رعبنى منها وقالى انت لازم تسكن جنب التوكيل لانك حتى لو حبيت تغير مياه لازم فى التوكيل واعطال الكهربا مش بتتحل غير فى التوكيل والتكنولوجيا اللى فيها ماحدش بيعرف فيها حاجه بره التوكيل واكيد انتوا عارفين باقى الكلام اللى بيتقال عليها .,, واللى قالى ده كله اشاعات وكل حاجه فيها عاديه جدا ممكن فى التوكيل وممكن بره التوكيل عادى ,, بس انا مغرم بيها فعلا ونفسى اغير واركب الميجان حاسس انها لايقه عليا اوى بس محتاج نصيحتكم بكل اخلاص ربنا يبارك فيكم , اشترى ولا لأ وايه المشاكل اللى فعلا مش تتحل غير فى التوكيل والصيانات العاديه والسرفيس العادى ينفع عند اى حد ولا لا . جزاكم الله خيرا

  • #2
    هى عادى وكل دة اشاعات بس خد بالك اكشف عليها فى التوكيل قبل ما تشترى وبرضو لازم تكون فاهم انت الميجان تكيفها مش قد كدة فى الحر الشديد فى الصيف

    Comment


    • #3
      شكرا استاذ شوقى - يعنى هو تكيفها بس هو المشكله ويعنى ايه مش اد كده

      Comment


      • #4
        والله انا نفس حيرتك ودلوقتي بفكر في جين 2 او اوبترا

        بس شايف انهم برده اقل من الميجان بكتيير بس مش عايز اجيب خاجه والبس فيها اسود بعد كده

        Comment


        • #5
          الميجان دي عربية برستيج و أخر شياكة... و لو معايا المقدرة المالية ممكن كنت أحب اركبها، بس إلي أعرفو عن العربيات الفرنساوي الحديث انها عربيات مليانة sensors و كل شوية تضرب واحدة من السنسرس دول و إدفع يا معلم و اتعطل. أكيد الصيانة في التوكيل أفضل بس هي أكيد بردو ليها تكلفتها المحترمة. و الدليل على القصة دي إن الميجان عربية جميلة يبقى بالتالي مفروض تمسك سعر لكن تلاقي موديل حديث منها بتمن فيرنا أو لانوس زيرو أكيد ده لازم يثير تساؤل جوا الواحد فينا ... إيه السبب ؟ هي عربيات محترمة لكن حساسة و عاوزة تعامل باحترام و لو فيه ميزانية مع حضرتك عشان المعاملة دي يبئة خلاص go ahead. ربنا يوفق حضرتك للافضل. و إسأل بردو ملاك العربية نفسهم ... و كذا واحد، و إعرف أسعار قطع الغيار و الصيانات الدورية في التوكيل، و تشوف تئدر تتحمل التكاليف دي و لا إيه النظام؟ ربنا يوفق حضرتك للاحسن، أحمد سامي

          Comment


          • #6
            ياخوانا ساعدونا بتفصيل شويه اكتر من كده الناس محتارة فين ملاك الميجان , حد يقدر يعمل متوسط مصاريف صيانه , وحد يقولنا ايه اشهر الاعطال واكثرها , وحد يقولنا ازاى نتعامل معاها عشان نتجنب الاعطال دى , وحد يقولنا ليه فعلا سعرها كده بالرغم من الجمال والامكانيات دى هل السعر اتضرب بمجرد السمعه ولا مافيش دخان من غير نار ,,,, ياريت تدلونا

            Comment


            • #7
              بص يا سيدى
              انا لسة شاريها من يومين بس هفيدك شوية لانى كنت فى الحيرة دى وربنا يكرمهم الشباب هنا فدونى كتيير وهتلاقى موضعين خاصيين بيا فيهم شوية استفسارات
              ميجان لا تقارن بمثيلاتها فى الفئة السعرية من حيث التكنو او الركوبة بشكل عام وبالتالي قطع الغيار... ميجى 2005 و6 كان فيها شوية مشاكل واتحلت للى مواظب فى التوكيل بس سمعتها فضلت معها فسعر اعادة البيع بقى سئ وعايز اقولك دا حال عربيات كتير فئات محترمة زى سترووين و بيجو
              وبالتالى دة طلع فى مصلحتنا كمشتريين مستعمل ومن ثم العربية من اول2007 بلا مشاكل او العادية اللى ممكن تصدفها فى اى عربية وهنا تكمن المشكلة اللى بيشتريها بتمن اوبترا بيقاران ثمن قطع الغيار فيجدها اعلى ساعتها بينسى انها اصلا مرة ونص فى الزيرو اللى هيا اصلا ب 135 فمينفعش تقارن مثلا اوكتافيا ب اوبترا
              وعايز اقولك ان اللى بيركب العربية دى بينسى اى مصاريف اول ميركبها
              لو تقدرى على قطع الغيار اللى هيا مش اعلى كتير بالعكس كويسه وهتلاقى كتير برة التوكيل باسعار حنينة يشترط الفهم فى السيارة. ...... يتبع للصلاة
              م/أحمد ابراهيم
              سبحان الله وبحمده سبحان الله العظيم

              Comment


              • #8
                عـــــــدنا :) ......... طيب انت عاجباك العربية وبرستيج وكماليات وثبات ونعومة وركوبة و تكيف ضعيف مقارنة بالكورى وفى ناس بالنسبة لهم كويس و عايز تقرر هتشترى والا لا
                1- مبدائياً انت اى نوع من الناس وأية اللى يهمك فى العربية برستيج والا اداء رياضى والا نوبيرا (مفهوم طبعا ) وبلاش تاخدك عاطفة برستيج العربية ,, عندك انا على سبيل المثال اهم حاجة عربية ركوبة وبرستيج ومستغنى عن الاداء الرياضى و قطع الغيار اللى ببلاش مع العلم انىى مش مرفة اوى بس انا دى اهتماماتى اخويا مثلا معة نوبيرا ومقتنع بيها جدا بيفحتها و تكييف تلاجة وقطع غيار ببلاش ومرمية

                2- زى مقالك الاستاذ مسبقا شوف قطع الغيار فى التوكيل وبرة التوكيل والصيانات الدورية هل ميزانيتك تغطى والا لا.
                3- شوف العربية سعرها كام وهتقعد معاك كام سنة وتستنتج هتبعها بكام.
                4- تمام كدة افتح الوسيط وكونتكت ومتستعجلش العربية مغرية اووووى بقالك كتيير عايش من غيرها مش هيحصل حاجة لما تقعد كمان شهر مش ركبها وفاصل مع صاحبها حتى ولو كان ابن ناس لانو بيفترض المفصلة وهو بيسعر مع العلم العربيات اللقطة اعلى من سعر السوق اذا كانت لقطة ولو كان بيعمل كل حاجة فى التوكيل ميزة كبيرة لان التوكيل مش بيستنى على الحاجة لما تتدمر
                5- اتاكد من نظراتك ان العربية مش متهانة لانوا بيدل على اللى راكبها ومعملتوا ليها.
                6- صلى أسنخارة
                7- أكشف فى التوكيل او على الاقل مركز معتمد كشف غالى شوية بس احسن متلبس بالعكس ممكن تطلعلك حاجة ترخصلك العربية.
                8- أدعيلى لو كنت قدرت أفيدك.
                م/أحمد ابراهيم
                سبحان الله وبحمده سبحان الله العظيم

                Comment


                • #9
                  نصيحة يا صاحب الموضوع تسمع من ملاك العربية من الزيرو دايما عشان تعرف تحكم صح

                  اغلب الناس بيبنوا فكرتهم من الصنايعية , و الصنايعي بيحب العربية اللي تريحه في الشغل فيها مش تريحك انت كمالك
                  و ده اللي بيعمل اللبس ده
                  على سبيل المثال , انا الميكانيكي بتاعي سابقا مرة باكلمه عن البيجو 505 قال لي انها وحشة , و لما استغربت و ناقشته شوية عرفت ان السبب انها بتتعب الصنايعي في الشغل
                  في المقابل شكر لي في الآفيو , تصور :)
                  ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                  [sor2]http://imageshack.us/a/img838/2058/8l0n.jpg[/sor2]

                  Comment


                  • #10
                    اخى العزيز يمكنك التعرف على كل مشاكل الرينو ميجان و حلولها هنــــا

                    Comment


                    • #11
                      عن تجربة طويله مش حتندم أفضل قيمة
                      وسيبك من أي حد معندوش يقلك أي فتي
                      م / عمرو عبد الخالق.

                      [CENTER][img3]http://nileup.com/up/uploads/nilemotors_13666505561.jpg[/img3][/CENTER]

                      Comment


                      • #12
                        طيب ياجماعه الواحد دلوقتي برده عايز يغير عربيته وميزانيتي في حدود 75 وكنت ناوي علي اوبترا كسر زيرو وبعدين بفكر في جين 2 وكان في الأول نفسي في ميجان عشان كل اما اشوفها ابقي نفسي اركبها والمرتين اللي ركبتها فيهم مع صاحبي مش قادر انسي قاعدة الكرسي ولا شكل التابلوه

                        ياتري ال 75 دوول يجيبولي ميجان كويسه؟ وهل ممكن حد هنا يساعدني في الموضوع ده؟

                        Comment


                        • #13
                          باشمهندس figoo2001010 بصراحة مش عارف اشكرك ازاى كلامك منطقى جدا ومرتب وعلى فكرة انا زيك بالظبط يهمنمى الراحة والشكل اوكانيات العربية وحتى لو قطع الغيار غالية شويه لااهتم لانى بحافظ والحمد لله مع انى زيك مش مرفه برضه لكن ربك بيستر , وانا بدعيلك وربنا يباركلك , وان شاء الله انا نويت خلاص على الميجان ,,,, وبشكر كل الاخوة اللى شاركوا وابدوا رايهم افادتونا كتير وشكرا جدا جدا , جزاكم الله خيرا

                          Comment


                          • #14
                            المشاركة الأصلية كتبت بواسطة shaddadfalcon1 مشاهدة المشاركة
                            طيب ياجماعه الواحد دلوقتي برده عايز يغير عربيته وميزانيتي في حدود 75 وكنت ناوي علي اوبترا كسر زيرو وبعدين بفكر في جين 2 وكان في الأول نفسي في ميجان عشان كل اما اشوفها ابقي نفسي اركبها والمرتين اللي ركبتها فيهم مع صاحبي مش قادر انسي قاعدة الكرسي ولا شكل التابلوه

                            ياتري ال 75 دوول يجيبولي ميجان كويسه؟ وهل ممكن حد هنا يساعدني في الموضوع ده؟
                            في رأيي يجيبوا,بس هاتعوز تدور شويتين
                            ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                            [sor2]http://imageshack.us/a/img838/2058/8l0n.jpg[/sor2]

                            Comment

                            Working...
                            X