اخر افتكاسة على المظلومة ميجان

[Shiref_mohamed]

السلام عليكم ايها الوحوش
الحوار ده حصل معايا الإسبوع الى فات فقلت لازم احكيهولكم

انا كنت قاعد في الشغل وكنت حاطط المفاتيح بالكارت بتاع الميجان على مكتبيى
دخل عليا واحد سواق من السواقين بتوعنا وقعد يتكلم معايا
في اثناء الكلام بص على الكارت بتاع العربية وقالى هوه ايه الكارت ده
انا قلتله ده كارت العربية ... تنح شويه وبصلى بأستغراب وقالى هيا ايه العربية ده ..
قلتله رينو ميجان
وشه قلب جامد وقالى\ياراجل حد يركب ميجان ..
انا قلتله ومالها الميجان .... وكانت المفاجأة الى خلتني اترمي في الأرض من كتر الضحك تفتكرو قال ايه ...

قالى انا سمعت ان الفرامل بتاعت الميجان بتشتغل بالبلوتوث

طبعاُ انا مسكتني هستيريا الضحك والراجل اتحرج وخرج من المكتب بس فعلاً مقدرتش امسك نفسي

[mahmoudalaa]

هي دواسه البنزين عندك واير ولا كهربا ممكن يكون حد حاول يفهمة حوار الكهربا فشبهوله بالبلوتوث
واكيد فهمة ان ده حاجه وحشة وان فيها تاخير وكده

[human]

انا عندى شغاله بالتليباثى

[Shiref_mohamed]

هي دواسه البنزين عندك واير ولا كهربا ممكن يكون حد حاول يفهمة حوار الكهربا فشبهوله بالبلوتوث
واكيد فهمة ان ده حاجه وحشة وان فيها تاخير وكده

ياباشا كهربة ايه ده كان بيكلمني على الفرامل

[windofchange]

ههههههههههههههههههههههههههههههههههههه لا الحمدلله علي كل شيء ))))))

[shawkylotfy]

انا عندى ميجانتى بتشتغل بويندوز 7 ههههههههههه

[Shiref_mohamed]

وممكن لو قفلت البلوتوث العربية متفرملش

[تامر.محمد]

هههههههههههههههههههههههههههههههههههههههههههههههههه ههههههههههههههههههههههههههههههه

[ahmad--ezzat]

وانت ليه تقعد وتتكلم معاه اصلا

[mohamed1979]

جامد جدا
هم يضحك و هم يبكى

[shaddadfalcon1]

وممكن كمان بتطلع رساله Are you sure you want to break ?

[Shiref_mohamed]

وانت ليه تقعد وتتكلم معاه اصلا

والله يا هندسة انا كنت قاعد على مكتبي وشغال في امان الله وهو الى دخل واتكلم معايا ..
بس ده ان دل على شئ فهو يدل على ثقافة شعبنا الجميل في العربيات
وكمان بيدل ان الميجان اكتر عربية في مصر مفترى عليها
بس الناس الى بتفهم عربيات بجد وركبت العربية ديه عارفه قيمتها كويس جداً

[Shiref_mohamed]

وممكن كمان بتطلع رساله Are you sure you want to break ?

هههههههههههه جامده ديه ويا سلام بقى لو قلتلها I'm not Sure والبس يا معلم

[ecybrarian]

دا راجل فاهم..فعلا لما بشغل البلوتوث في الموبايل اداء الفرامل بيتحسن كتييييير :-))))

[Abo_Lina]

هو فعلا الفرامل بلوتوث
و ده طبعا بيخلي البطارية تخلص بسرعة
إمبارح كنت ماشي و جاي أدوس فرامل أتاري مافيش بطارية و بالتالي مافيش بلوتوث ، بس عادي فتحت الباب و طلعت رجلي و قعدت أشحطط لحد ما وقفت
على فكرة الفرامل ممكن تشتغل wi fi، بس المشكلة لو صاحب الشبكة فرمل أنت كمان بتفرمل معاه
و الله الموفق و المستعان