أرجوكم محتاج مساعدة عاجلة في الكليو من (الكليووية )

[medohai510]

ألف مبروك عليك
نصيحة لين في السلانسية كتير علي قد ما تقدر يعني 40 أو 50 لتر بنزين وغير زيت وفلتر فور التليين (أول مشوار) وبعد ذلك بيومين أو ثلاثة كمان علشان الرايش والتراب والكلام دة كلة ينزل في الزيت والفلتر.
لكن سؤال: هل العملية الجراحية هذه أحسن من تسقيط موتور أسيراد؟
وسعر الموتور الاستيراد كام؟
والله الموفق

[agwaa]

ألف مبروك عليك

بارك الله فيك وأشكرك على مرورك

نصيحة لين في السلانسية كتير علي قد ما تقدر يعني 40 أو 50 لتر بنزين وغير زيت وفلتر فور التليين (أول مشوار) وبعد ذلك بيومين أو ثلاثة كمان علشان الرايش والتراب والكلام دة كلة ينزل في الزيت والف

علم وجاري التنفيذ وأشكر لك نصيحتك

لكن سؤال: هل العملية الجراحية هذه أحسن من تسقيط موتور أسيراد؟

والله الموفق

والله .. أتمنى أن تكون العملية الجراحية دي أفضل من تسقيط الموتور لأن أخوك لعب على الحصان دة

وسعر الموتور الاستيراد كام؟

أفضل سعر حصلت عليه لل SHORT BLOCH وهو الجزء الأسفل من الموتور والذي يحوي البساتم فقط ( الموتور بدون المانافول وبوابة الإنجكشن ووش السلندر ) وأيضاً بدون الخدمات ( المارش والدينامو وطلمبة الباور وطلمبة المياه ووش التقسيمة ( الجزء الحاوي للكاتينة والشداد بتاعها وطبعاً الكاتينة )
كوووووووووول دة بكام ؟
ب 3500 ج...
كام يا ولاد ؟؟
3500 ج
بتقولوا كام ؟؟؟
3500 ج والسعر دة لصنايعي ( شوفوا إزااااااااااااي ) وبدون مصنعية الفك والتركيب ودي على أحسن تقدير ومعمول معاك واجب كمان 500 ج
ياااااااااااا بلاش
طب بالذمة موش ليا حق أجازف وأجرب طقم الشنبر
بلد تحرق الدم وتطقع الجيوب وتخرب البيوت العمرنة
يارب توب علينا بقى من البلد دي
بس والله بحبها

[agwaa]

معلش لو فيها غلاسه ممكن تسال الميكانيكى عن السائل اللى بيتحط مع ميه القربه لسد اى تاكل ( ميه الموتور بتنزل على الشكمان )بدلا من فك وش السلندر والمخرطه ..هل بيجيب نتيجه ولو جاب نتيجه تستمر اد ايه .. والف شكر ليك وإن شاء الله تخلص على خير

حبيبي أنا سألت لك الميكانيكي عن السائل دة ..
قال : مافيش الكلام دة ( أو جايز _ ودة رأيي الشخصي _ ما سمعش عنه )
طيب ما تكتب إستفسارك دة في قسم ( ورشة نايل موتورز ) أكيد هناك هيفيدوك
وتقبل تحياتي

[eject]

السلام عليكم

كيفك يا جميل عجبني سردك للموضوع الشيق ده

انا كنت ناوي اجيب العربيه مصر كمان كام شهر هشحنها للمعادي مكان سكني لان انا في السعوديه وعايز اعمل عمره كامله للسيارة هنا كل قطع الغيار فرنسي هجيب معايه القطع الاستهلاكيه وهخليها معايه للاحطيات

حابب بقا اعرف مين احسن واحد ينجزلي العربيه بسرعه

[ramy_gamal]

حبيبي أنا سألت لك الميكانيكي عن السائل دة ..
قال : مافيش الكلام دة ( أو جايز _ ودة رأيي الشخصي _ ما سمعش عنه )
طيب ما تكتب إستفسارك دة في قسم ( ورشة نايل موتورز ) أكيد هناك هيفيدوك
وتقبل تحياتي

شكرا على اهتمامك .....هو فعلا مش كله يعرف الموضوع دة الميكانيكى بتاعى برضه ميعرفوش ....
انا فعلا عرفت موضوع السائل دة من المنتدى التعليمى انا هتوكل على الله واجربيه بايظه بايظه

[agwaa]

السلام عليكم

كيفك يا جميل عجبني سردك للموضوع الشيق ده

انا كنت ناوي اجيب العربيه مصر كمان كام شهر هشحنها للمعادي مكان سكني لان انا في السعوديه وعايز اعمل عمره كامله للسيارة هنا كل قطع الغيار فرنسي هجيب معايه القطع الاستهلاكيه وهخليها معايه للاحطيات

حابب بقا اعرف مين احسن واحد ينجزلي العربيه بسرعه

وعليكم السلام ورحمة الله ...
الأخ الكريم .. أهلاً بك
قرأت البوست بتاعة حضرتك بعد سويعات من كتابتها ,, وعلى الفور هاتفت الميكانيكي الخاص بي وشاورته في أمر سيارتك ..
ولقد أبدى موافقته على العمل في سيارتك وعن الوقت في إنجاز العمل ( لأني فهمته أن سيادتك مستعجل ) فقال لي أنه سيتصرف في ذلك وإستأذنته أن أعطيك رقم موبايله فلم يمانع ...
إسمه ( محمد شبانة ) ورقم موبايله 01121602073
الولد رغم صغر سنه (26 سنه ) لكنه فاهم شغله كويس جداً علاوة على أنه عنده ضمير وأمين وهذه الصفات لا تجتمع في صنايعي حالياً وهذا سبب تمسكي به ..
ويعلم الله أني لا أبتغي من وراء ذلك غير الأجر من الله وحده ..
وهذا الكلام ليس لسيادتك فقط ( مع الإحترام الشديد لشخصك ) ولكن لكل الأخوة ....
ونحن في إنتظار عودتك لأرض الوطن سالم غانم إن شاء الله
وبالتوفيق إن شاء الله في مشروع عمرتك ...
آه ... بالمناسبة .. إيه إللي خلاك متأكد أن سيارتك محتاجة لعمرة وبالتالي جهزت لها قطع غيار العمرة ...
بمعنى إيه أعراض تشخيصك للعمرة التي تنتويها ... شاركنا معاك في التفكير ..
وشكرا ً لمرورك
وتقبل تحياتي

[agwaa]

شكرا على اهتمامك .....هو فعلا مش كله يعرف الموضوع دة الميكانيكى بتاعى برضه ميعرفوش ....
انا فعلا عرفت موضوع السائل دة من المنتدى التعليمى انا هتوكل على الله واجربيه بايظه بايظه

صديقي لا شكر على واجب ... وبعدين أنا ماعملتش حاجة تذكر ...
بس ما تنساش تطمنا ..
وبعدين تعالى هنا .. هي إيه إللي بايظة لا سمح الله ..

[ramy_gamal]

صديقي لا شكر على واجب ... وبعدين أنا ماعملتش حاجة تذكر ...
بس ما تنساش تطمنا ..
وبعدين تعالى هنا .. هي إيه إللي بايظة لا سمح الله ..

:h_angry[1]:

متشكرا يا باشا
ههههه اصلها كدة كدة بتجيب ميه فا مش هتبوظ اكتر ما باظت ولو ماجابش نتيجه هفتح الوش ...
ربنا يستر

[agwaa]

السلام عليكم جميعاً
أنا آسف جداً على التأخير في كتابة هذا البوست ... ما هو كان لازم تعرفوا نتيجة المغامرة إللي أقدمت عليها سواء بالسلب أو بالإيجاب بكل أمانة ...
وسبب التأخير .. إنه بعد التليين ظهرت شوية لخبطة لدرجة أني شكيت إن العملية ممكن تكون فشلت .. لكن الحمد لله ....
بفضل الله الموضوع نجح والعربية ظبطت والكبس تمام والحمد لله ....
وأعتقد إن سبب النجاح ( طبعا بعد توفيق ربنا ) أن الموتور كان كل شئ فيه كان تمام والمشكلة زي ما توقعت تماماً كان فقط في الشنبر ...

:018a1d~146:

[ramy_gamal]

السلام عليكم جميعاً
أنا آسف جداً على التأخير في كتابة هذا البوست ... ما هو كان لازم تعرفوا نتيجة المغامرة إللي أقدمت عليها سواء بالسلب أو بالإيجاب بكل أمانة ...
وسبب التأخير .. إنه بعد التليين ظهرت شوية لخبطة لدرجة أني شكيت إن العملية ممكن تكون فشلت .. لكن الحمد لله ....
بفضل الله الموضوع نجح والعربية ظبطت والكبس تمام والحمد لله ....
وأعتقد إن سبب النجاح ( طبعا بعد توفيق ربنا ) أن الموتور كان كل شئ فيه كان تمام والمشكلة زي ما توقعت تماماً كان فقط في الشنبر ...

:018a1d~146:

الف مبروك

[عمرو عمارة]

مبارك عليك يا أستاذ أحمد

أستأذنك إني أكلم الأخ الميكانيكي بتاعك عشان أنا إن شاء الله ناوي أعمل القصة دي لأني بالأمس لاحظت لأول مرة إن العربية في بعض الأحيان بتطلع دخنة بيضة....ده غير الزيت إلي كل مدى بيزيد في النقصان جامد

[agwaa]

مبارك عليك يا أستاذ أحمد

أستأذنك إني أكلم الأخ الميكانيكي بتاعك عشان أنا إن شاء الله ناوي أعمل القصة دي لأني بالأمس لاحظت لأول مرة إن العربية في بعض الأحيان بتطلع دخنة بيضة....ده غير الزيت إلي كل مدى بيزيد في النقصان جامد

يا باشا من غير إستإذان ...
وأنا كنت واضع رقمه في بوست سابق
بس نصيحة ..
لما تيجي تشتري طقم الشنبر دور على الفرنساوي وهاته بأي ثمن ( هو مقاس 69 مم )
وبالتوفيق إن شاء الله ..

[عمرو عمارة]

بارك الله فيك

طمني أخبار السحب إيه ؟ وليه بيتعمل تليين بعد طقم الشنبر ؟

[agwaa]

بارك الله فيك

طمني أخبار السحب إيه ؟ وليه بيتعمل تليين بعد طقم الشنبر ؟

الحمد لله السحب تمام لكن لاحظت خشونة في صوت الموتور فقيل لي أن الصوت دة من الفتيس ومفروض ننزل زيت الفتيس الموبيل لأنه خفيف ونضع زيت فتيس تقيل .. موش عارف هل الكلام دة منطقي ولا إيه ؟؟
الصوت الخشن دة لم يكن موجود قبل الفك ..
وأنا كمان شاكك في طلمبة الباور ( إللي كنت غيرت لها الرحاية ) إحتمال تكون الرحاية إللي ركبت حالتها موش تمام .. عموماً الراجل بتاع الباور محترم جداً وكان قال لي أنه تحت أمري لو صوتها ما راحش تعالى لي
عاوز رأيي بأمانة يا عم عمرو ...!!
غير شورت بلوك وريح نفسك ( الوش والتعب إللي شفته الأيام اللي فاتت والمصاريف إللي صرفتها كانت قريبة من تمن الشورت بلوك )

[عمرو عمارة]

الحمد لله السحب تمام لكن لاحظت خشونة في صوت الموتور فقيل لي أن الصوت دة من الفتيس ومفروض ننزل زيت الفتيس الموبيل لأنه خفيف ونضع زيت فتيس تقيل .. موش عارف هل الكلام دة منطقي ولا إيه ؟؟
الصوت الخشن دة لم يكن موجود قبل الفك ..
وأنا كمان شاكك في طلمبة الباور ( إللي كنت غيرت لها الرحاية ) إحتمال تكون الرحاية إللي ركبت حالتها موش تمام .. عموماً الراجل بتاع الباور محترم جداً وكان قال لي أنه تحت أمري لو صوتها ما راحش تعالى لي
عاوز رأيي بأمانة يا عم عمرو ...!!
غير شورت بلوك وريح نفسك ( الوش والتعب إللي شفته الأيام اللي فاتت والمصاريف إللي صرفتها كانت قريبة من تمن الشورت بلوك )
:f_eyeb1[1]:

الله يبارك فيك يا أخي الكريم

والله أنا كنت لسة داخل أقولك الكلام ده

اليوم كنت في فرتش موتورز إلي في الرحاب وسألت المهندس خالد....عايزك تعملي مقايسة بعمل طقم شنبر....طبعاً هو من مصلحته إنه يعملي طقم شنبر عنده لأنه هياخد تمن مصنعية محترم
هو قالي....خدها نصيحة مني وإشتري شورت بلوك وريح نفسك تماماً
قالي تمن طقم الشنبر مش غالي ولكن لما تفتح المكنة متعرفش ممكن تلاقي إيه وممكن الموضوع يفتح معاك في 5ألاف جنيه وإسمك عامل نصف عمرة
قالي إن الموتور بيعمله 3500 جم وإسمك إشتريت موتور يعتبر جديد وعامل كم قليل

أنا هستخير ربنا وأشوف والله المستعان