خبطه فى الأكصدام الأمامى - رينو سكالا

[ELBiLDoZeR]

يا جماعه انا لسه عامل حادثه أمبارح ودخلت فى عربيه نص نقل والحمد لله الخبطه كلها كانت متركزه فى الأكصدام الأمامى والصدمه الحمد لله بعيده عن جسم العربيه وبعيده عن الكهرباء والموتور.

حد عنده فكره لو انا حبيت أغير الأكصدام بالشبكه الأماميه بعلامة العربيه هتتكلف كام ؟؟؟؟؟
طبعا الأكصدام هيكون معاه تركيب ودهان زائد انا طبعا محتاج يكون كل حاجه هركبها تكون أصلى

ِ
ا

[elmahdy]

اتصل الاول على 16202 توكيل رينو.. شوفه موجود ولا لا... وشوف سعره كام... وخده ركبه بره براحتك
بس ياريت لو اللي معاك ينفع تمشي بيه شويه خليك بيه شويه عشان العين تهدا وبعد ده براحتك
قدر الله وماشاء فعل

[m_ramadan]

قدر الله وما شاء فعل

أنا معايا سيمبول وعملت تصادم برده - غيرت العلامه من أقل من شهر ب 95 جم والشبكه كانت ب 400 وشويه - ممكن تقول اللهم أجرنى فى مصيبتى وإخلفنى خيرا منها.

[ELBiLDoZeR]

أنتو عارفين ؟؟؟ انا أتصلت بالتوكيل على 16202 قالولى الأكصدام لوحده ب 650 جنيه وفك وتركيب ودهان 450 جنيه والشبكه الأماميه والعلامه 795 جنيه كله زائد 10% ضريبه مبيعات كمان !!!!!!!!!!!!

ههههههههههههه حاجه لا تعقل يعنى ....انا شكلى همشى بيه شويه لحد ما أكمل ال 5000 كيلو وبعدين ربنا يحلها شكلى كده هجيبه وهركبه بره مش ناقصه حراميه

[ELBiLDoZeR]

m_ramadan

ياترى العلامه والشبكه اللى جبتهم من التوكيل ولا من بره وهل هما زى اللى جم مع العربيه ولا مختلفين؟

[ELBiLDoZeR]

انا قررت هستنى شويه كده وربنا يحلها يمكن يرخص بعد كده

[mohamedbook]

مشكلتك ان عربيتك حاجتها قليلة برة بالنسبة لشكل الخارجي
سيارتك هي هي نيسان صني في كل حاجة عادي الفونيس الاكصدام الامامي والخلفي والطارة متغيرة شوية باردوا غير كده كل حاجة زي ماهي
لو تعرف تلحمة شغال واضي بيه
وربنا يعوضك خير

[ELBiLDoZeR]

أنا بس عايز أعرف هل لو أتلحم الفيبر ده مش هيبان مكان اللحام زائد ان الفوانيس بقه فى شويه فراغات بسيطه بينها وبين الأكصدام وحتة الفل المضغوط للى هى من أدام تحت الأكصدام وقعت بس معايا شايلها
هل كل ده هيرجع زى ما كان؟؟؟؟؟؟؟؟؟؟؟؟؟

[medo99_pc]

انا حصل معايا حاجة شبه كده فى الميجان وطلعت على الحرفيين لواحد بتاع فايبر لحم الاكصدام ورجعه زى الجديد بالظبط وكل اللى باين عندى خدشة من بره مكان اللحام ممكن تترش وتختفى تماما

[elmahdy]

هو السعر كده كويس جدا ... لو راجعت سعر الهيونداي اكسنت هاتلاقيه مش اقل من كده... لان ده سعر توكيل ... والحمد لله انهم موفرينه... هاتوه منهم ورشه وركبه بره... لان ممكن لو استنيت شويه ماتلاقيهوش... بس اسئل عليه استيراد برده بكام... وحتى لو جبته ماتركبوش دلوقتي... اصبر شويه لحد ما الخبطه تاخد العين لان ماشاء الله العربية شكلها حلو اوي... وربنا يكفيك شرها ويديك خيرها ان شاء الله

[mkhirallah2001]

قدر الله و ماشاء فعل
بس هي لييه الشبكة غالية قوي كده يعني الكصدام كله ب 650 و الشبكة اللي مفهاش حاجة و بسيطة ب 795

[m_ramadan]

قدر الله و ماشاء فعل
بس هي لييه الشبكة غالية قوي كده يعني الكصدام كله ب 650 و الشبكة اللي مفهاش حاجة و بسيطة ب 795

والله كده سرقه علنى - أنا لو أعرف كده مكنتش إشتريت رينو

[elmahdy]

مالوش دعوه برينو... جرب اسال زي ماقولتلك على اي ماركه تانيه
يعني ارفع التلفون على غبور مثلا وقوله عايز شبكه لالانترا... شوف هايقولك بكام
وبعدين ماتنساش ان الشبكه عندك فيها نيكل كتير
وبعدين زي ما قولتلك... روح اسال عند بتوع النيسان استيراد... قولهم وش خليجي للصني... هاتلاقيه ان شاء الله

[ELBiLDoZeR]

هو السعر كده كويس جدا ... لو راجعت سعر الهيونداي اكسنت هاتلاقيه مش اقل من كده... لان ده سعر توكيل ... والحمد لله انهم موفرينه... هاتوه منهم ورشه وركبه بره... لان ممكن لو استنيت شويه ماتلاقيهوش... بس اسئل عليه استيراد برده بكام... وحتى لو جبته ماتركبوش دلوقتي... اصبر شويه لحد ما الخبطه تاخد العين لان ماشاء الله العربية شكلها حلو اوي... وربنا يكفيك شرها ويديك خيرها ان شاء الله

أولا شكرا لردك أنا شايفأن رأيك تمام بس مش أحسن لو أكبر دماغى خالص حتى لو ملقيتوش خالص بعد كده هلحم ده وخلاص وأشترى علامه بدل اللى أتكسرت وخلاص

[ELBiLDoZeR]

مالوش دعوه برينو... جرب اسال زي ماقولتلك على اي ماركه تانيه
يعني ارفع التلفون على غبور مثلا وقوله عايز شبكه لالانترا... شوف هايقولك بكام
وبعدين ماتنساش ان الشبكه عندك فيها نيكل كتير
وبعدين زي ما قولتلك... روح اسال عند بتوع النيسان استيراد... قولهم وش خليجي للصني... هاتلاقيه ان شاء الله

هوفين بقه الناس بتوع النيسان الأستيراد دول؟؟؟ ممكن تقولى ؟؟؟
وبعدين هو أنت تقصد نيسان الصنى الخليجى ديه اللى هى ألميرا ؟؟؟ صح؟؟