تنبيه السرعه .. فلوانس 2012

[MasterM]

السلام عليكم جميعا في هذا المنتدي الرائع

انا عندي سؤال من فضلكم

انا حاليا قاعد في الرياض ومعايا فلوانس 2012 الحمد لله

كنت عايز اعرف هي الفلوانس الي في مصر فيها تنبيه السرعه الي بعد 120 كم؟؟ولا الي هنا بس؟ علي اعتبار ان الي هنار كوري والي في مصر تركي

وهو ده ملوش حل انه يتقفل؟

هو الحزام برده مستفز بس يعني مش مشكله عشان الامان والايرباج وكده.. بس بصراحه بتاع السرعه ده رخم

[MARTINDALE]

وصلت 130 ومسمعتش حاجه , تقريبا مافيش

[SoFiMaN]

لا ميجان ولا فلوينس فيها الحمدلله تنبيه السرعة.. هو الحزام الرخم بس :d

[MasterM]

هي بتدي تنبيه لمده عشر ثواني بس .. هو شبه الحزام شويه بس زنته رخمه كده

بس واضح ان الي هنا بس

[horas3000]

لو فاكر صح
بيتم ظبطه من كمبيوتر العربيه
بس عموما في موضوغ جرس ال 120 من صميم المواصفات الخليجيه
و ممكن يكون موجود عندك بخلاف اللي بيتم ظبطه
و علي فكره بيبقي فيوز و ممكن تشيله بس طبعا الافضل تسيبه

[د.محمود صلاح]

دي من ضمن المواصفات الخليجي في اي عربية تشتريها من الخليج

تنبيه ال 120

فعلا مزعج جدا جدا

[ELBiLDoZeR]

انا عندى سكالا بتدينى تنبيه بعد ال 120 فى كل زياده فى عداد السرعه

[ecybrarian]

تنبيه السرعة دي مواصفة سعودية..في الميجان ممكن تلغيها من renault clip

[mragh]

لا يوجد في الفلونس المصري "التركي" تنبيه عند ١٢٠ ، و ذلك لوجود محدد السرعة ، و موضوع التنبيه عند ١٢٠ ده موجود في بعض العربيات الموصفات مصرية ، كان عندي هيونداي ماتريكس من غبور و كان فيها التنبيه ده

[Ahmed Selim]

حاول تشوف حد فى التوكيل يلغيه...........زى ما قال الشباب ممكن عن طريق الرينو كليب ( الكمبيوتر اللى بيوصل على العربية )

و بالنسبة لبتاع الحزام ليه حل أسهل و ممكن تعمله بنفسك بس الأفضل تخليه.

[MasterM]

شكرااا ليكو كلكو يا شباب

هو فعلا تقريبا كل العربيات الي مواصفات خليجي فيها التنبيهات دي

استاذ Ahmed A.Maksoud هو الرينو كليب ده بيتجاب منين؟ وصوت الحزام ممكن يتشال ازاي؟

[eject]

يعني انتا في الرياض ومش عارف الحزام ده


هتلاقيه في الغرابي ب 6 ريال

[Ahmed Selim]

استاذ Ahmed A.Maksoud هو الرينو كليب ده بيتجاب منين؟ وصوت الحزام ممكن يتشال ازاي؟

الرينو كليب ده جهاز بيتوصل على كمبيوتر العربية و موجود فى مراكز الخدمة أو التوكيل.

صوت الحزام : فيه فى الدراع اللى بيدخل فيه الحزام من تحت فيشة بتتشال و بتفصل الصوت.....بس منصحكش لأن الحزام أمان ليك قبل أى حاجة تانية.

ده غير الحل اللى العضو eject قالك عليه.

[MasterM]

يعني انتا في الرياض ومش عارف الحزام ده


هتلاقيه في الغرابي ب 6 ريال

ايوه انا رحت الغرابي فعلا بس نسيت اجيبه..ان شاء الله لو رحت تاني هسال عليه
شكرا يا باشا

[MasterM]

الرينو كليب ده جهاز بيتوصل على كمبيوتر العربية و موجود فى مراكز الخدمة أو التوكيل.

صوت الحزام : فيه فى الدراع اللى بيدخل فيه الحزام من تحت فيشة بتتشال و بتفصل الصوت.....بس منصحكش لأن الحزام أمان ليك قبل أى حاجة تانية.

ده غير الحل اللى العضو eject قالك عليه.

شكرا علي ردك يا باشا
مش الفيشه دي بتفصل الصوت بس..ولا كمان هتلغي العلاقه الي بين الحزام والاير باج؟

الرينو كليب ده لقيته ع النت بس ماعتقدش انه يتناسب مع 2012 متهيالي اخر واحد لحد 2011 بس

هو انا برده مش هينفع اعمل بيه حاجه في العربيه دلوقتي لانه ممكن يخرج العربيه من الضمان مش كده؟