Tweet
السلام عليكم أخوانى الأعضاء الأعزاء عندى بعض الاستفسارات عن الجنط والكاوتش بالنسبة للميجان ايه مقاس الجنط اللى بيجى معاها ؟ وايه نوعه ؟ وهل فيه جنط تقليد وجنط أصلى ؟ وايه انواع الجنوط ؟ واسعارها ؟ وأفضلهم ؟ وامتى يتغير الجنط ؟ وهل ينفع لو مثلا العربية معاها جنط 15 أركبلها 17 ولو نفع هل دا خطر ع العربية ويأثر ع العفشة وبالنسبة للكاوتش لما تلاقى الكاوتش فيه بروز أو نتوء من ع الجمب يبقى دا خطر والكاوتش لازم يتغير وعايز افهم ضغط الاطار المناسب لجنوط 15 و16 و17 وامتى الكاوتش بيتغير ؟ وامتى الجنط بيتغير ؟
-
[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE] -
أيه الأسئلة الكتير دى ؟؟؟؟؟ ههههههههههههههههه
الجنوط اللى بتيجى فى الميجان مقاسين..........15 لحد الفئة الأولى أوتو و ده بيبقى جنط حديد و الفئتين التانية و التالتة مقاس 16 و ده بيبقى جنط أسبور.
الجنوط الأصلى ليها كام شكل مميزين غير الجنوط اللى بتتباع فى السوق.......الجنوط تحديداً مفيهاش أصلى و مضروب...........بس فيها أصلى ( اللى نازل مع العربية ) أو جنوط صاحب العربية بيجيبها عادى............صناعة الجنط هى اللى بتفرق.....أحسنهم و أغلاهم الجنوط الألمانى و الأيطالى.......و أرخصهم الصينى و فيه وسط...........كورى و تايوانى...........و أعتقد التايوانى هو الأكثر إنتشاراً.
و الأسعار طبعاً بتفرق من ماركة للتانية و من بلد للتانية.
الجنوط بتتغير بس لو فيها مشكلة.......أخدت خبطة مثلاً و مش عارف تصلحها.........أو لو أنت عاوز تغير لمجرد التغيير.
العربية فيه زميل لينا مركب عليها جنوط 18 تقريباً أو 19 كمان..........بس طبعاً بتأثر على العفشة.
يعنى كبيرك 17 و برضه هتأثر على العفشة خصوصاً علشان شوارع مصر العظيمة.
البروز اللى فى الكاوتش من الجنب ده أسمه بالونة..............و ده خطر طبعاً..........و لازم تغير الفردة دى على الأقل.
ضغط الإطارات بيفرق من عربية للتانية و من مقاس جنط للتانى و بيفرق لو أنت سايق جوة البلد أو على طريق سريع..................كل الكلام ده هتلاقيه مكتوب على قايم العربية اللى جنب السواق..........لو فتحت باب السواق.
ضغط كاوتش الميجان بجنط 15 على ما أذكر كان قدام 29 و ورا 31 أو 32 مش فاكر بالظبط.
الكاوتش بيتغير لو النقشة بتاعته أبتدت تتمسح قوى.........أو تحديداً ده اللى بيحصل فى مصر.........لكن المفروض أن الكاوتش عمره الأفتراضى 40 ألف كيلو.
فيه كذا موضوع هنا عن الكاوتش.............أعتقد ممكن تلاقيهم فى التعليمى.........تقريباً كل أنواع الكاوتش بيبقى فيه علامة كده لو سطح الكاوتش وصل عندها يبقى لازم يتغير......و هتلاقى فى المواضيع دى النقشة فايدتها أيه و الرموز اللى على الكاوتش معناها أيه و تاريخ الإنتاج تعرفه إزاى........لأن و أنت بتشترى المفروض ما تشتريش كاوتش تاريخ إنتاجه أكتر من سنتين فاتو على ما أذكر.[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER] -
شكرا جدا لحضرتك للتوضيح قصد حضرتك بالفئة الأولى والتانية والتالتة اللى هما Megane I ,megane II ,megane III ولا قصد حضرتك إنها عادية أوى هاى لاين ؟ وبالنسبة صح للبنزين ايه اخبارها معاك ؟[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
لأ يقصد الفئة فيما يخص الكماليات :)المشاركة الأصلية كتبت بواسطة MohammedAladel مشاهدة المشاركة
انا مش عارف تقصد ايه بالنسبة للبنزين , بس 92 شغال عادي
دي اشكال بعض جنوط الميجان2 الاصلية ال16
و ده الجنط ال17
و على فكرة بيبقى ممكن تلاقي بعض الحاجات دي استيراد
و دي الطاسة ال15 اللي لو دورت هاتلاقيها هي بس
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]Comment
Comment