ارجو النصح بدون تحيز

[ah_shawki_74]

السلام عليكم ورحمة الله و بركاته ..
انا بعمل بالسعودية و إن شاء الله عزمت على شراء عربية انزلها مصر و محتار بين عربيتين ثمنهم مناسب ليا هنا أوى و هما الفلوينس(2012 half full) ) أتوماتيك -زجاج كهرباء -جنوط- سي دى -بلوتوث -2اير باج ولكن مفتاح عادى مش (كارت)و اللأنترا 2012 (half full) نفس الكماليات على ما اظن (بدون جنوط). مع العلم ان الرينو هنا فى السعودية غير مرغوبه والكل نصحنى هنا بالهيونداى مع انى من محبى الرينو نظرا لتجربتى بأقتناء الميجان 2008 بمصر قبل سفرى وجميع اصدقائى قالوا لى ان هناك فرق كبير لصالح الميجان عن الفلوينس الرجاء الأفاده والنصح واسف على التطويل ...

[iaibrahim]

الرينو حاجه والهونداى حاجه وطبعا انا منحاز جدا للرينو لانها اوربى وبعدين التوكيل كويس وحاجتها اصبحت متوفره والضمان لو سارى فى مصر يبقى توكل على الله وبالتوفيق

[Mohamed_Nafie]

هل حضرتك على عمل إن ال Fluence االلي في السعودية كوري مس تركي . ؟؟
وتاني حاجة من اللي أنا سمعته إن Fluence هناك 1800 مش 1600 ... يعني حضرتك هتدفع جمرك عالي..

الفئة دي في مصر في حدود 140~142 ألف على مااظن في مصر من الرينو .. شوف حضرتك تمنها كام هناك والجمارك هتبقى كام حتى لو 1600

بس في الآخر .. أكيد الFluence احسن .. و فالسعودية ... قارن كده الشوارع هناك بهنا .. غير كده ال hyundai مشهورة قوي هي والToyota فـده أكيد أي حد هيقولك كده ...

[ah_shawki_74]

هل حضرتك على عمل إن ال fluence االلي في السعودية كوري مس تركي . ؟؟
وتاني حاجة من اللي أنا سمعته إن fluence هناك 1800 مش 1600 ... يعني حضرتك هتدفع جمرك عالي..

الفئة دي في مصر في حدود 140~142 ألف على مااظن في مصر من الرينو .. شوف حضرتك تمنها كام هناك والجمارك هتبقى كام حتى لو 1600

بس في الآخر .. أكيد الfluence احسن .. و فالسعودية ... قارن كده الشوارع هناك بهنا .. غير كده ال hyundai مشهورة قوي هي والtoyota فـده أكيد أي حد هيقولك كده ...

فعلا انا على علم بذلك والوكيل هنا واخد الوكالة جديد من الزاهد وهما اللى قالولى عن موضوع التقفيل فى كوريا والوكالة عامله شغل محترم جدا وباع عربيات كتير منها وبالنسبة لل1600 موجوده الى 2000 سى سى وبالنسبة للسعر طبعا الكاش مش هيبقى فيها فايده ومالهاش لازمة بس بالقسط الفرق كبير عشان الفايده هنا قليلة جدا بالنسبة لمصر ده غير انخفاض الجمارك بمرور كل سنه ... بس السئوال هل التقفيل التركى يفرق أوى عن الكورى ؟؟ أنى مدخلتش العربية فى مصر فمعرفش الفرق هيكون فى ايه بالظبط انا شوفت الكاتلوج و تصفحت النت لقيت الشكل واحد !! وده اللى شجعنى عليها
واشكرك على اهتمامك

[ah_shawki_74]

الرينو حاجه والهونداى حاجه وطبعا انا منحاز جدا للرينو لانها اوربى وبعدين التوكيل كويس وحاجتها اصبحت متوفره والضمان لو سارى فى مصر يبقى توكل على الله وبالتوفيق

أشكرك على الرد وهسأل فى موضوع الضمان والوكالة فى مصر

[Mohamed_Nafie]

الشكلين واحد فعلا.. بصراحة التقفيل هنا كويس جدا ... أنا معرفش برده التقفيل هناك عمل إزاي ... بس أكيد هيبقى كويس برده لانها أكيد معاملة بمواصفات خليجي عشان الحرارة العالية ...

بس سؤال.. مش 2000 cc كتير شوية على مصر .. يعني حضرتك مش هتحتاج 2000 cc غير طبعا استهلاك البنزين هناك اقل و البنزين هناك ارخص كمان عكس هنا في كل حاجة ..

[m_elkhishin]

في كذا نقطة عاوزك تاخد بالك منها كويس:

1- السيارات التأجير منتهي بالتمليك انت لست المالك الاول وبالتالي مينفعش تنزلها مصر( ولكن في بعض الشركات قدرت تتحايل على الموضوع ده بانها تسجل السيارة باسمك الاول وبعدين تتنازل لهم عنها وبيكلفك زيادة حوالي 3500-4000 ريال)

2- التقسيط العادي لازم يكون في كفيل سعودي غارم

3- حضرتك بتقول انك في الرياض، وعارف الرياض حجمها قد ايه، يعني أقدر أقولك ان بعد 5 سنوات أقل كيلومترات حتعملها مش حتقل عن 300-400 ألف كيلو

4- السيارات استهلاكها أعلى في السعودية من مصر بسب الحرارة

5- جمرك سيارتك بعد 5 سنوات حيكون قريب من 40 ألف جنيه

[ah_shawki_74]

الشكلين واحد فعلا.. بصراحة التقفيل هنا كويس جدا ... أنا معرفش برده التقفيل هناك عمل إزاي ... بس أكيد هيبقى كويس برده لانها أكيد معاملة بمواصفات خليجي عشان الحرارة العالية ...

بس سؤال.. مش 2000 cc كتير شوية على مصر .. يعني حضرتك مش هتحتاج 2000 cc غير طبعا استهلاك البنزين هناك اقل و البنزين هناك ارخص كمان عكس هنا في كل حاجة ..

هو التقفيل حلو بس حسيته مش فخم خصوصا الصالون و التابلوه و المسند مش زى الميجان (يعنى قماش و شغل نظيف ) شغل كورى شويه مش زى ما كنت متوقع بس الشكل طبعا عاجبنى جدا ، بعدين هى بتبتدى من 1600 ccلحد 2000cc انا طبعا لو هشترى هشترى ال 1600 .

[ah_shawki_74]

في كذا نقطة عاوزك تاخد بالك منها كويس:

1- السيارات التأجير منتهي بالتمليك انت لست المالك الاول وبالتالي مينفعش تنزلها مصر( ولكن في بعض الشركات قدرت تتحايل على الموضوع ده بانها تسجل السيارة باسمك الاول وبعدين تتنازل لهم عنها وبيكلفك زيادة حوالي 3500-4000 ريال)

2- التقسيط العادي لازم يكون في كفيل سعودي غارم

3- حضرتك بتقول انك في الرياض، وعارف الرياض حجمها قد ايه، يعني أقدر أقولك ان بعد 5 سنوات أقل كيلومترات حتعملها مش حتقل عن 300-400 ألف كيلو

4- السيارات استهلاكها أعلى في السعودية من مصر بسب الحرارة

5- جمرك سيارتك بعد 5 سنوات حيكون قريب من 40 ألف جنيه

كلامك صحيح بس الوكالة قالتلى انها مش هتاخد رسوم ادارية خالص (عرض من وكاله رينو) عشان المالك الأول ويمكن أدفع 950 ريال بس و بالنسبه للسيارة اللى هجيبها انا مش هستخدمها لأنى معايا سيارة لومينا من الشغل

[أبو صلاح]

كان في معلومة قرأتها هنا في المنتدى ان الفلوانس اللي في الخليخ مختلفة تماما عن اللي في مصر

ماتور مختلف تماما

دي ممكن تبقى مشكلة في قطع الغيار

[gebreel]

موتور و فتيس الفلوانس اللي في السعودية مختلف عن اللي في مصر و بالتالي التوكيل مش هيصينهالك و مش هتلاقي قطع غيارها الميكانيكية

اشتري حاجة تقعد معاك الكام سنة اللي هتقعدهم هناك و بيها قبل ما تنزل و اشتري الفلوانس في مصر ان شاء الله

[ah_shawki_74]

انا عملت بحث فى جوجل و لقيت معلومات كامله فعلا من اخ عزيز( اسمه شريف )فى منتدى اخر وهو شارح بالتفصيل الفرق بين الأثنين ومجاوب جوايب كافى شافى و انا نسخت الرسالة بتاعته عشان لو حد غيرى حب يستفيد وجزاه الله خير .......

لسلام عليكم دي مقارنة سريعة بين الفلوينس الخليجي (الكوري) و المصري (التركي)
أنا كنت في حيرة من 4 شهور انا مقيم في الرياض و امتلكت فبل كدة النترا و كورولا و الصراحة الفلوينس حاجة تانيا خالص مبدئيا الفلوينس اللي في السعودية مختلفة شوية عن اللي في مصر و انا كلمت التوكيل في مصر 3 مرات و قاللولي بيعملولها صيانة عادي جدا و كلمت حتى المهندسين المسئولين عن الصيانة هناك قالولي طالما كاتلوج الصيانة مختوم من وكيل رينو اللي في السعودية يبقى حيعملولها صيانة عادي جدا و دا نفس الكلام اللي قالهولي الوكيل هنا.

نيجي بقى للنقاط اللي المهمة:

أولا: الاختلافات في الكامليات في مصر للفئة الكاملة اكتر من اللي في السعودية زي مثبت السرعة و الستائر و هي الفكرة ان مش واحدة احسن من التانية بس هي في مواصفات مهمة للخليج جدا و ممكن مثلا مصر و أوروبا ما يحتجوهاش و في نفس الوقت لو نزلو كل الكامليات اللي في مصر في بتاعت الخليج هاتعدي في السعر جامد لانهم صارفين على حاجات تانية.
نيجي للمقارنة الفئة الكاملة:
1- المتور بتاعها مختلف عن بتاعة مصر حاطين فيها موتور التيدا و دا طبعا لان الرينو اشترت جزء كبير جدا من شركة نيسان و كمان كل شركة سامسونج الكورية لصناعة السيارات, طبعا الموتور ده أقوى شوية من اللي بتنزل في مصر هو اللي بينزل في مصر ماتور الميجان معدل, بس بتاع التيدا بيدي عزم اعلى شوية بس مش كتير عن بتاع مصر يعني بتاع 7 حصان زيادة و ده طبعا مهم في الخليج عشان التكييف هما حاطين فيها هنا بردو تاكييف التيدا و ده تكيف ممتاز جدا و مناسب اكتر لدول الخليج اللي بيوصل فيها درجات الحرارة زي مانتا عارف ل 50 درجة في بعض الاحيان زي مانتا عارف و الصراحة التكيف بتاعها ممتاز فعلا يعني في نفس مستوى الكورولا و الالنترا مش ضعيف زي بقيت الاوروبي.
2- الفتيس هنا 6 سرعات CVT ممتاز جدا في سحب العربية متحسش بالنقلات خالص بس بردو السحب بتاعها على الاول ضعيف شوية و الفتيس ده أحسن من بتاع مصر في حاجتين الاول انو 6 سرعات و بتاع مصر 4 سرعات و ال6 سرعات CVT أفضل في السحب و توفير البنزين و سلاسة النقل ما بين السرعات.
3- العزل الحراري في بتاعة السعودية بيكون اعلى شوية وده لازم للمواصفات الخليجية وبتالئي مكتوب على شاسية السيارة ان السيارة مطابقة للمواصفات الخليجي.
4- مقدمة السيارة مختلفة شوية عن بتاعة مصر و ده لي اسبابه لو فارنت ما بينهم حاتلاقي ان مخارج التهوية للنسخة الخليجي اكتر و ده طبعا بردو علشان يزودو التهوية للمتور مع العلم ان المقدمة في النسخة اللي في مصر شكلو أحلى.
5- النسخة المصري فيها اوبشن مفيد جدا اللي هو مثبت السرعة و ده مش موحود في ال 1600 اللي هنا و ده بردو لي اسبابة التسويقية انو منزلينو في النسخة ال2000 cc بس طبعا في النقطة دي بردو النسخة المصؤي تتفوق.
6- النسخة ال فل هنا بينزلو فيها نظام bose للكاسيت و ده حسب ما سمعت أنو أفضل نظام في العالم مع صابهوفر و كده طبعا النقطة دي مفرقتش ماعيا أوي بس هي في الاخر نقطة مقارنة.
7- النسخة الخليجي بينزلو فيها جنط 17 و 6 ايرباجز مش عارف بقى في مصر بردو بتنزل كده بردو و لا أقل.
8- النسخة اللي هنا الفل بتنزل بفرش بيج و تابلوه اسود في بيج و ده برده عشان الحر النسخة اللي في مصر أظنه بينزل أسود وفي نقطة تفوق في مصر بردو انهم بينزلو الفرش الجلد في ال فل هنا مافيش فرش جلد الا في ال 2000 cc ودي بردو نقطة تسويقية.
9- اللي في مصر فيها أنوار زينزن هنا مافهاش فا النسخة المصري متفوقة بردو في النقطة دي لانهم هنا بينزلوها بس في ال فئة ال 2000 cc .
10- النسخة الخليجية بتتصنع في كوريا و المصري في تركيا التقفيل تقريبا واحد و هو ال صراحة عالي الجودة فعلا.
11- في مشكلة قراية عدادا البنزين في مصر و دي مش موجودة هنا تقريبا علشان نوعية البنزين مع العلم اني بحط بنزين 91 و ممكن تكون اختلاف طلمبات البنزين لان اللي هنا بردو الطلمبة نيسان.

بس دي أهم نقاط الاختلاف طبعا زي ما انا اولتلك في الاول هوا مافيش واحدة أحسن من التانية هي الفكرة بس في متطلبات كل منطقة يعني الخليج محتاج متور أقوى مع تكييف أفضل و عزل أفضل لكن منطقة مصر و أوروبا بيحتاج أكتر للكامليات و النسخة الخليجية بردو بتتسوق في أمريكي الجنوبية للحر الشديد هناك بردو غير كده تقريبا كل الاوبشنز اللي باقبة واحدة في الاتنين و لو جمعو كل حاجة في نسخة واحدة اتصور ان السعر هايعدي جامد و مش خاتنافس أوي في السوق زائد انهم عايزين بردو يسوقو لفئة ال 2000 cc فلازم يحطوا فيها اوبشونز ازيد شوية.

ثانيا: المقارنة للعربيات الصراحة لو كانت الجيتا لسة موجودة هنا 1600 كنت جبتها الوحيدة اللي كنت حاسس انها أفضل من حيث الفئة السعرية مع الامكانيات بس خلاص بطلوا ينزلوها هنا 1600كان فرق السعر 7000 ريال فقط بس الوكيل رينو بردو أفضل هنا و في مصر.

انا كان معيا كورولا و مشكلتها كامليات قليلة جدا ده ماكنش فيها حتى ABS و مش ستابل خالص على طرق السفر زي مكة و الخبرو كدة و مع الاسف اتقلبت بيها مرة اول ما جيت و ماكنتش سرعة عالية اوي كنت على 140 وكانت لسة زيرو موديل 2007 بس الحمد لله طلعت منها سليم و ستر ربنا ان ماكنش حد معيا في العربية الحمد لله في طريق مكة الغريب ان الايرباجز ما فتحتش أما الانترا 2011 الشيب القدبم فهي عربية ممتازت و استيبل اكتر من الكورولا الصراحة مع العلم انا بسافر كتير بالعربية للخبر و مكة و المدينة بس مشكلتها زي كل الكوري عوامل الامان قليلة و خامات ضعيفة الجودة و بتمل من العربية بعد شوية.

نيجي بقى للحجات اللي كانت بتتقارن جامد جدا مع الفلوينس البيجو 3008 عربية ممتازة فعلا جامدة جدا بس في 3 مشاكل بالنسبالي عربية كبيرة متنفاعش في شوارع مصر ثانيا كانت أغلى بي 20 الف عن الفلوينس ثالثا الوكيل في مصر و السعودية مش أوي الصراحة المقارنة بتكون للفئة الفل طبعا

ثانيا السيراتو كانت بردو منافس قوي لغاية اما عاملت تست درايف للفلوينس حاجة تانية خالص غير الكوري بتحس انك مستمتع و انت راكب السيارة غير طبعا ان عوامل الامان اعلى بكتير في الاوروبي عامة من حيث الفرال و التصفيح و تقل السيارة و الايرباجز.

ثالثا المازدا 3 عربية اكتر من ممتازة بردو بس مشكلتها معيا ضيقة جدة من ورا و الشنطة ديقة جدا يعني لو عائلة زي حالاتي حتبقى صعبة شوية و الوكيل في مصر مش اوي بردو.

أخيرا الفانتزيا روحت شفتها عربية جامدة جدا كانت اكتر واحدة بتنافس مع الفلوينس بس فرق السعر ما بين التنين الفل كان كبير أوي تقريبا 30 ألف.

أخيرا رأيي لو انت عائلة و معاك تجيب الفانتزيا هاتها مع العلم في الاوبشنز مش فرق كبير عن الفلوينس بس أفضل في وسع الشنطة و فيها GPS وسعرها بيمسك شوية عن الرينو و تقفيلها افضل شوية بس الفلوينس أوسع من جوه و متورها أقوى و الوكيل رينو أفضل في مصر و السعودية.

الفلوينس عربية ممتازة بجد و حتحبها بس لازم تصينها دائما في التوكيل وهما فعلا فاهمين كل حاجة فيها سواء هنا أو في مصر وجرب تست درايف ليها في التوكيل و بعد قرر.

أرجو اني أكون اعطيت افادة كاملة لكل اللي بيسأل عن الفلوينس الخليجي و لو حد عنده استفسار ارجوكم تفضلوا و ممكن برضو الناس اللي اشتريت في الخليج يفيدونا عن تجربتهم للسيارة و بالذات لو حد جاب النسخة الخليجي في مصر و وداها الصيانة في التوكيل هناك.

المقارنات اللي انا عاملتها و تقييمي للسيارات دي وجهة نظر ممكن تختلف من واحد للتاني و ده تقييم مبسط جدا للعربيتين أرجو اني اكون افتدكم و السلام عليكم

[habib47]

السلام عليكم
اولا الهونداى و الحاجات دي الناس اللي بتعملها اساسا بيسموها عربيات disposal يعنى لاستعمال مرة واحدة فقط زي الة الحلاقة البلاستيك و لو مشيت في الشوارع حتلاقي ان اقدم موديل من العربيات دي من خمس او ست سنين و اللي قبل كده ماتعرفش راح فين و كمان في البلاد العربية بيجيبوها يركبوها شوية و يرموها او يبيعوها للجاليات الاخري اللتي تعيش هناك باسعار زهيدة جدا جدا
لكن العربيات الاوروبي و منها الرينو طبعا تلاقيها موديلات قديمة و لسه ماشية كويس
يعني باختصار لا مقارنة علي وجه الاطلاق

[Ahmed Selim]

الراجل ده جابلك الخلاصة............بسم الله ما شاء الله عليه.

يمكن بس فيه بعض المعلومات أن شايفها مختلفة حسب قرايتى عن الفليونس.........و هى ان الفتيس 5 سرعات مش 6..........إلا لو حسبت الريفرس معاهم بقى :)

تانى حاجة أن الفرش و التابلوه مض بالضرورة يكون بيج............او على الأقل هنا فى الإمارات........أنا بشوف منها واحدة فرشها و تابلوها أسود بتاعة جارى فى العمارة.