بفكر اشتري رينو...برجاء الافادة

[mibrahim]

انا ان شاء الله ناوي اغير عربيتي اليومين دول
انا معايا سكودا فابيا 2002 و كنت من كام يوم هخلص في الفابيا 2012 بس مكنتش موجودة
و انهاردة عديت على معرض بصيت على الفلوينس فالصراحة دماغي لعبت خاصة انها اكتر من الفابيا ب2000 جنيه بس و امكانيات اعلى و افخم طبعا
و لكن بما ان ميولي هاتشباك فبفكر في الميجان الجديدة برضه

يا ريت رأي الخبراء ايه الفرق بين الفلوينس و الميجان في الامكانيات و لو حد يعرف سعر الميجان كام عشان نسيت اسأل عليه عشان مكانتش موجودة في المعرض
و هل تنصحوني بالنقلة لرينو و لا خليني في الالماني و اكمل سكودا ؟

[Mohamed_Nafie]

الميجان هي هي ال Fleunce بس هاتش باك... في المحرك , في العفشة وحتى الشكل والتصميم الداخلي مع فروق بسيطة جدا ... و نفس الاعتمادية وبصراحة العربية معايا وزي الفل .. العزل ممتاز .. السحب حلو مش بطيئة .. بس لسة ماقدرش اقرر عشان لسة جديدة ..

الاسعار ... ثلاث فئات

- 135 ألف (Expression)
- 145 ألف (Dynamic)
- 155 ألف (Dynamic S)

و ده البروشور بتاعها

http://renault.com.eg/pdf/megane_hatchback_brochure_low_Final.pdf

وربنا يوفقك في الاختيار..

[mibrahim]

شكرا جدا على ردك
انا كنت بفكر في الفئة الاولى...بس بصيت في الفروقات لقيت الفرق بين الفئة الاولى و التانية يستاهل التفكير زي التكييف تاتش و جنوط سبور 16 و سنسور المطر و الاضاءة و رينو كارد يبنما التالتة مش مستاهلة اوي ادفع 10000 زيادة عشان فتحة سقف و اوتو بارك

ممكن اعرف عربية حضرتك انهي فئة و هل فعلا الفرق بين الفئة الاولى و التانية يستاهل 10000 و لا لأ
و كمان لو تقدر تقوللي اخبار قطع الغيار ايه عشان انا اعرف ان الفرنساوي غالي شوية في قطع غياره

[Mohamed_Nafie]

أنا عربيتي أول فئة .. وبصراحة آه الفرق بين الاولى والتانية يستاهل ال 10 الف جنيه ... والتكييف مش touch .. هو اوتماتيك... بالنسبة لل فئة التالتة .. 10ألف دول , 4 ألف سقف و6 ألف باركينج سيسوز.. بـس أنا شايف إن الكالميت دي على حسب الاحتياج .. وفي كمان bluetooth وحاجات تانية في المقارنة ...

بالنسبة لقطع الغير ... العربية يا دوب عملت 600 كم فـماقدرش أتكلم ... ممكن تشوف قطع غيار الFluence في المنتدى لأن قطع الغيار الداخلية واحدة .. زي تيل الفرامل مثلا.. اما الفوانيس والكلام الخارجي أكيد هيبقى قريب برده ...

وأي استفسار أنا في الخدمة