نفسى فى ميجان

[ecco]

السلام عليكم جميعا ,
يا جماعه انا نفسى اشترى ميجان نوديل 2007 مثلا , و خايف من كلام الناس عنها و عن عيوبها , ممكن حد ينورنى و يفهمنى ايه هى مميزاتها و عيوبها بالتفصيل , و جزاكم الله خيرا

[ecco]

سبحان الله والحمد لله و لا إله إلا الله و الله أكبر

[تامر.محمد]

اعمل سيرش في القسم هتلاقي كلام كتير اوي هايفيدك عن العربية
خصوصا في "اهم موضوعات القسم"

عموما باختصار عيوبها الاساسية ارتفاع اسعار قطع الغيار و ان اللي يشتريها متهانة بتكرهه في حاجة اسمها رينو , و ان مسألة الصيانات بالنسبة لها حساسة جدا و ضرورية , يعني باختصار هي مش عربية بتاعة بهدلة
موديلات 2005 و اول 2006 السيدان كان فيها مشكلة في سوفتوير الفتيس و مفروض انها انحسرت خلاص
سحب العربية تقيل شوية , يعني ما تقدرش تقول ان سحبها رياضي

ده اللي انا فاكره دلوقت
و انا طبعا كلمتك عن العيوب بس

[dreslam]

مميزاتها هي كل اللي خلاك نفسك فيها واكثر شويه :)

[iaibrahim]

العربيه زى الفل وقطع غيارها اصبحت منتشره وليست غاليه ولكن كل الجديد كده وسعرها بالنسبه للامكانيات ووسائل الامان كويسه بس عيبها الصيانه مش كل واحد يفهم فيها ومش عايزه اهانه !!!!! وممكن تستفيد من هذا الموقع كويس جدا اذا كنت غاوى مع التوفيق

[ecco]

جزاكم الله خيرا جميعا , انا كل اللى مقلقنى موضوع ان فيها حساسات كتير و بتتعطل بسسب الجو الغير مناسب اللى عندنا خاصة التراب طبعا

[Shiref_mohamed]

جزاكم الله خيرا جميعا , انا كل اللى مقلقنى موضوع ان فيها حساسات كتير و بتتعطل بسسب الجو الغير مناسب اللى عندنا خاصة التراب طبعا

ياباشا تراب ايه ياباشا توكل على الله ده احنا الى دماغنا فيها تراب

[haythamkmal]

بص انا هقولك الخلاصة ، عشان انا مريت بنفس تجربتك ، ومن كتر كلام الناس انا بقيت اكلم نفسى ومش عارف مين صح ومين غلط ، بقيت اوقف الناس اللى راكبين الميجان فى الشوارع واسالهم، واتصل بالاعلانات واسالهم، وطبعا كل واحد برأى اللى يقول ممتاذه، وااللى يقول بنت 60 تيييت ، لغاية ماقابلت واحد محترم فى الشارع معرفوش وقالى الى راكبين الميجان نوعين نوع بيعمل صيانته فى موعيدها وبيركب قطع غيار اصلية وبيصين فى التوكيل ، وده هتلاقية بيعشق العربية وعارف يستمتع بيها ويوم مابيغيير بيجيب رينو برده ، اما النوع الاخر اللى بيصلح العربية عند الاسطة بليه وابقى راضى الرجالة ، بيكره اليوم اللى فكر انه يجيب فيه العربية دى .

المهم تلاقى عربية نظيفة صيانتها فى التوكيل ، وادعيلى ابيع عربيتى بسرعة عشان اشوفلى ميجان نظيفة انا كمان

[falawla]

الله ينور عليك :)

بص انا هقولك الخلاصة ، عشان انا مريت بنفس تجربتك ، ومن كتر كلام الناس انا بقيت اكلم نفسى ومش عارف مين صح ومين غلط ، بقيت اوقف الناس اللى راكبين الميجان فى الشوارع واسالهم، واتصل بالاعلانات واسالهم، وطبعا كل واحد برأى اللى يقول ممتاذه، وااللى يقول بنت 60 تيييت ، لغاية ماقابلت واحد محترم فى الشارع معرفوش وقالى الى راكبين الميجان نوعين نوع بيعمل صيانته فى موعيدها وبيركب قطع غيار اصلية وبيصين فى التوكيل ، وده هتلاقية بيعشق العربية وعارف يستمتع بيها ويوم مابيغيير بيجيب رينو برده ، اما النوع الاخر اللى بيصلح العربية عند الاسطة بليه وابقى راضى الرجالة ، بيكره اليوم اللى فكر انه يجيب فيه العربية دى .

المهم تلاقى عربية نظيفة صيانتها فى التوكيل ، وادعيلى ابيع عربيتى بسرعة عشان اشوفلى ميجان نظيفة انا كمان

[abdo_2812]

ياباشا تراب ايه ياباشا توكل على الله ده احنا الى دماغنا فيها تراب

+1111111111111111

[S O P H O S]

تراب لا حول ولا قوة الا بالله
الشعب غاوي اشاعات