ميجان بتلخفن و متكتغفة

[Rsarabia]

السلام عليكم و رحمة الله و بركاته

ازيكم يا ميجاناوية يا رب تكونو كويسين و ميجاناتكم محفوظة من العين

العربية بتلخفن بمعنى على السلانسية من غير ما تنقل الفتيس
ال rpm بيعلى و بيوطى و لما تديها الدى و تكبس العربية بتحس انها متكتفة اوى و الارى بى ام مش راضى يزيد عن 2 و بتحس انها بتقطع بنزين

انا لسه عامل صيانة ال 120 و غيرت فلتر هوا و بوجيهات و فلتر بنزين عشان كدا قلت جايز فلتر البنزين مغشوش رحت مركب القديم و مشيت يوم و فولت 92 و بردو لسه المشكلة

هل دى اعراض طرمبة بنزين ؟؟ ولا ايه ؟

[medohai510]

أعتقد كويل بيشاور عقلة أنة يقطع:)))

[Rsarabia]

أعتقد كويل بيشاور عقلة أنة يقطع:)))

كشفت على طرمبة البنزين ضغطها حلو جدا

لو كويل هل يبقى و العربية باردة طبيعية و و اول ما امشى 20 كيلو تبخفن ؟؟

[medohai510]

كشفت على طرمبة البنزين ضغطها حلو جدا

لو كويل هل يبقى و العربية باردة طبيعية و و اول ما امشى 20 كيلو تبخفن ؟؟

أعتقد لو كويل هييخفن الموتور بارد أو ساخن
ممكن يكون الأيدلر (حساس الهواء) وراجع علي دورة البنزين أحتياطي

[gym1974]

معلشى سؤال بعد اذن حضرتك بصيت على مؤشر البنزين بيتحرك ولا ايه ومين قال لحضرتك ان طرمبة البنزين ضغطها كويس لأن اللى بتقول عليه حضرتك ده اعراض طرمبة بنزين 100 فى المية ولسه مغيرة انبارح والله لكليو بتاعتى فى فرنش موتورز

[ecybrarian]

من تجالاب الناس السابقة في المنتدى
- كويل
- طلمبة بنزين
- حساس سرعة
- كوعة المياه (واحد بس إللي قال كدا من قبل)

[Rsarabia]

أعتقد لو كويل هييخفن الموتور بارد أو ساخن
ممكن يكون الأيدلر (حساس الهواء) وراجع علي دورة البنزين أحتياطي

كلام حضرتك مظبوط لو كويل مش هتفرق بارد او ساخن لكن المشكلة بتبان بعد ما امشى شوية
حساس الايدلر لو فيه مشكلة هيبان على الكمبيوتر فى الكشف لكن مش مسجل ايرور

المهندس شاكك فى حاجة مش عارف غريبة شوية قالى ان فيشة الديفيزور تحت منه وساخة جامدة جدا سادة او بتعاكس مع فتح الفالف بتاعه عشان يدخل هوا و عشان يطلع و ينضفه لازم يفك تقريبا وش المكنة لحد وش السلندر لانه بيحاول يشده مبيطلعش و ممكن يتكسر

[Rsarabia]

معلشى سؤال بعد اذن حضرتك بصيت على مؤشر البنزين بيتحرك ولا ايه ومين قال لحضرتك ان طرمبة البنزين ضغطها كويس لأن اللى بتقول عليه حضرتك ده اعراض طرمبة بنزين 100 فى المية ولسه مغيرة انبارح والله لكليو بتاعتى فى فرنش موتورز

لو مشكلة طرمبة بنزين هيبقى ضغطها ضعيف و هتلاقى و انتا دايس الحركة اتقطعت خااالص كان شلت رجلك من عالدواسة لثوانى متصلة مش تقطيع بتاخد جزء من الثانية

مؤشر البنزين مظبوط اللى بيلعب مؤشر ال rpm طرمبة البنزين انت بتكشف ضغطها بتفكها و بتحط جركن عشان البنزين هيطرطرش جامد و بتدور و بتبص هتلاقيه بيملى بسرعة جدااا يبقى الطرمبة بريئة

[Rsarabia]

من تجالاب الناس السابقة في المنتدى
- كويل
- طلمبة بنزين
- حساس سرعة
- كوعة المياه (واحد بس إللي قال كدا من قبل)

كويل براءة لاننا بصينا عالبيجوهات و كان هيبقى فى جميع الاوقات مش بعد الحركة بس
طلمبة بنزين براءة لان ضغطها حلو
كوعة المياة ؟؟ العربية مبتسخنش

الموضوع له علاقة بالبنزين و الهوا و الحرق وملوش علاقة بدورة المياة خالص مش عارف بقا ان شاء الله هنحل وش المكنة و ننضف و هقول ايه النتيجة الكلام دا هيبقى يوم السبت ان شاء الله

[farahat]

ممكن حساس الكرنك (ومش شرط يكون مسجل ) ، أو حساس الهوا

موضوع كوعه المية دي مش بتسخن العربية ، بالعكس في الحالة دي بتبرد الموتور (لأن الترموستات بيفضل مفتوح ودة يخليها تقطع عشان الحريق مش مظبوط )

[Rsarabia]

النهاردة رحت غيرت 2 كويل و قعدت اعمل تباديل لحد ما عرفت مين البايظ فيهم و الحمد لله كله تمام و السحب بقا حلو و معدش فى نتشة او لخفنة

[iaibrahim]

بعد اذنك وحتى تعم الفائده ايه النوع اللى ركبته وسعره كام ومنين يعنى شوايه تفاصيل مع التوفيق

[Rsarabia]

مش عارف نوعه ايه بالظبط بس هو كان راسه لونها سماوى
سعره 125 جنيه للواحد
كان عنده نوع تانى صينى ب 90 جنيه فخدت النوع الاولانى انضف
من الشركة الفرنسية فى المنصورة
الكويلات من الحاجات المستهلكة فى الميجان فكدا كدا اى ميجان هتحتاج تغيرهم

[iaibrahim]

شكرا على الرد بس انا عارف انه اغلى من كده يمكن رخص الايام ده !!!!! ويا ريت لا يكون صينى واعرف ان الفاليو نوع كويس واغلى طبعا .......

[Rsarabia]

شكرا على الرد بس انا عارف انه اغلى من كده يمكن رخص الايام ده !!!!! ويا ريت لا يكون صينى واعرف ان الفاليو نوع كويس واغلى طبعا .......

الكويل الفاليو نضيف و ب 250 الواحد لكن للأسف مكنش موجود فى المنصورة غير النوع اللى ركبته و دا عطلان لازم اركب