ريــنو داســـتر .....صـالون داخـلى تــحفــه

[gogo2012]

السلام عليكم
شكرا للأخ bebo2000
على الصور الجميله الى هو رفعهلنا خلانى اخوض تجربه تغيير الفرش من الداخل على يد الفنان الحج/ أحمد مشعل وفريق العمل بشركته (جينز كـــار)
بس انا التجربه خلتنى اسافر من الاسكندريه واقولكوا الحق ان الموضوع يستاهل تسافر له للحدود يكفى انه صالون الداستر اتغير تماما وبحسبه صغيره لاأهل الاسكندريه لانى لفيت كتير لغايه ما استقريت انى اسافر للقاهره عشان اعمل فرش السياره
لو انا فكرت اعمله فى الاسكندريه اقل وقت عشان يخلص ثلاثه ايام واقف على ايد الورشه وتروح تجيب الجلد وتنتظر و يطلع عك فى الاخر.
فى جينز كار الموضوع مختلف الان الناس هناك محترفه وهى عارفه بتعمل ايه على يد المايستروا الكبير الاستاذ احمد مشعل انا موش هتكلم على المقابله ولا التعامل الاخوى انا حسيت انى بتعامل مع اخ ليه ويعرفنى من سنين والموضوع موش هياخد وقت اكتر من مشوار رايح عشان تختار نوع الجلد الى انت عايزه فهو عنده تشكيله هائله من جميع انواع الجلود والالوان . ومشواركمان عند التركيب بجد انا لو قعدت اشكر فى جمال الفرش وازاى غير تماما شكل الصالون الداخلى حتى الهاند بريك طلع تحفه .... هقعد اكتب ايام بس انا هرفعلكم مجموعه من الصور وياريت تقولولى رأيكم .
انا اخترت اللون الاسود مع تحديد للخياطه بلون السياره من الخارج




انا هرفع صور تانى بس بالنهار مع كامل السياره

[الصيداح]

حبييييييييييييييييب قلبي
أيوة كدة يا رجالة الله ينور عليكم ماشاء الله لا قوة إلا بالله
شغل جمييييييييييييل جدا بسم الله ما شاء الله وإختيار موفق للألوان
ربنا يبارك لك في السيارة ويكفيك شرها
بس لنا طلب يا كبير لازم تقرير مفصل عن السيارة وعن التجربة ولازم صور أكثر من كدة
بانتظارك

[gym1974]

بسم الله ما شاء الله تحفة بجد ممكن اعرف التكلفة كام والف مبروك عليك الفرش والعربية

[gogo2012]

شكرا ليك
السياره بجد ممتازه والمواد الداخليه للصالون شديده التحمل واقتصاديه يعنى انا فى رايى ان الشركه المصنعه تلافت وضع ازرار المالتى فانكشن فى الطاره ووضعتها اسفل منها وذلك لتلافى تغيير الطاره بالكامل فى حاله تلف احد الازرار وده من احد المميزات والسياره على الطريق رائعه الثبات واستعمال الانوار بالسفر ليلا هيخليك تحب السفر بالليل وبالنسبه للتعجيل والتسارع انا هرفعلك فيديو لاحد الاشخاص بيجرب سرعتها.
200km per hour duster - YouTube
وكمان ظروف التشغيل زى ما هو كاتب

the car was an unmodified 1.6 petrol Dacia Duster 105HP,with 95 RON fuel, with ....l Racing speeds up a bit better passing 200 km on the tacho) بس انا منصحش بالسرعات العاليه فى الطرق بتاعتنا

[gogo2012]

تجربتى لسرعه السياره على طريق مصر اسكندريه الصحراوى وضع منتصف بدال البنزين بنزين 92
Renault Duster 160Km/h - YouTube
واى سؤال انا تحت امرك

[تامر.محمد]

جميل جدا ما شاء الله :)
ألف مبروك و عقبى لنا :)

[beeronasr]

الف الف مبروك يا باشا و لازم تعرف انك واحد من اسباب اقتناعنا بالعربية دى و تجاربكم انت و السيد بيبو و السيد stonecold كلها حاجة جميلة بتعمم الفايدة على الجميع
الف شكر ليكم على المجهود و الافادة

[bebo2000]

اولا وقبل اى حاجة الف مبروك علي الفرش وربنا يحفظهالك ويباركلك فيها

ثانيا لا شكر بين الاخوة وانا كل اللى عملته انى شاركت اعضاء المنتدى بتجربتي علشان تعم الفايدة زي ما انت عملت وحطيت تجربتك في تسارع العربية على الطريق الصحراوى اللى انا استفدت منها خصوصا انى لسة مكملتش الف كيلو ولسة في التليين واقصى سرعة جبتها 120 يعنى خالصين
وبعدين ده احنا كمان نفس لون العربية يعنى نعمل جبهة قصاد اللى معاهم لون تاني

الف مبروك مرة تانية واستمر في تقديم المعلومة لأى حد عاوز يجيب العربية او عنده استفسار بخصوصها

[gogo2012]

اولا وقبل اى حاجة الف مبروك علي الفرش وربنا يحفظهالك ويباركلك فيها

ثانيا لا شكر بين الاخوة وانا كل اللى عملته انى شاركت اعضاء المنتدى بتجربتي علشان تعم الفايدة زي ما انت عملت وحطيت تجربتك في تسارع العربية على الطريق الصحراوى اللى انا استفدت منها خصوصا انى لسة مكملتش الف كيلو ولسة في التليين واقصى سرعة جبتها 120 يعنى خالصين
وبعدين ده احنا كمان نفس لون العربية يعنى نعمل جبهة قصاد اللى معاهم لون تاني


الف مبروك مرة تانية واستمر في تقديم المعلومة لأى حد عاوز يجيب العربية او عنده استفسار بخصوصها

بالنسبه لفتره التليين انا ما عديتش 100 و ر بى ام 3500 فضلت كده لغايه 1500كم
مع العلم ان التوكيل قالى ممكن تعمل الى انت عايزه والسياره متلينه اساسا
بس انا مشيت زى الكتاب ما بيقول
ما تحاويلش تعلى سرعه السياره قبل 2000 كم وانت كمان هتلاقيها مكتومه شويه بس بعد 2000
هيبقى تفتح
كمان انا يدوب جربت التكييف 3 دقائق بس
وكل ما اجد فيديوهات جديده هبقى افعها هنا

[الصيداح]

عمنا جوجو في تجربتك للتسارع على الصحراوي الصوت ماله مزعج كدة ليه ولا إنت كنت فاتح الشباك
ده إحنا عارفين إن عزلها تمام!!!!!!!!

[gogo2012]

عمنا جوجو في تجربتك للتسارع على الصحراوي الصوت ماله مزعج كدة ليه ولا إنت كنت فاتح الشباك
ده إحنا عارفين إن عزلها تمام!!!!!!!!

فاتح الشباك وكنت بحاول اجيب قناه على الاف ام وكنت بصور وكل ده لوحدى وماصدقت الاقى حته عدله على الصحراوى اعرف اجرى فيها انت على الصحراوى ما تلاقيش 5 ك على بعض لكن بالنسبه للعزل السياره كلها فيها عزل تمام

[ecybrarian]

ما شاء الله..جميلة جدا..ربنا يبارك لك فيها

[الصيداح]

فاتح الشباك وكنت بحاول اجيب قناه على الاف ام وكنت بصور وكل ده لوحدى وماصدقت الاقى حته عدله على الصحراوى اعرف اجرى فيها انت على الصحراوى ما تلاقيش 5 ك على بعض لكن بالنسبه للعزل السياره كلها فيها عزل تمام

كل ده ولوحدك وفي نفس ذات اللحظة ههههههههههه ربنا يعينك
وبانتظار بقية الصور لأني مش هسيبك إلا لما ترفع لنا بقية الصور

[i_Am_Legend]

ماشاء الله تحفففففففة....بس ياترى اتكلف كام الفرش...

[المنسي]

بسم الله ماشاء الله شغل عالى اوى ربنا يبارك لحضرتك هو فعلا المشوار من اسكندرية كبير بس الشغل واضح عليه انه عالى جدا ربنا يبارك لك فى عربيتك