رجااء الرد لكل حائزي الفلوانس

[bozzabasha]

السلام عليكم انا لسسا مستلم فلوانس من اقل من شهر بحاجة بسيطة انا حاسس ان العربية بتاكل بنزين انا عندي على الشاشة كاتبلي 8.1 كيلو في اللتر ده تمام ولا ايه بالظبط ومشكلة تانية ان سماعتها صوتها وحش اويييييييييييييي هل ليها حل اننني اضيف صندوق في سماعات وصب مثلا في شنطة العربية ولا ايه
وشكرا

[ugaritian]

8.1 معتبره وحش قوي؟؟؟ يا ابن الحلال صلي على النبي و خاف على مصروفك من الحسد. الله يبارك ما شاء الله

[midobond]

طيب معلش يا جماعة هى اعلى فئة ف العربية 167000 دى بطلت تنزل مصر الكلام ده حقيقى؟؟؟؟
و كمان ايه اخبار الفتيس الاوتو سمعت انه فيه نتشة غريبة كده
محتار جدا بين اللانسر الشارك الهاى لاين و بين الفلوانس انا عاوز عربية تعمر و تستحمل الهرك و طرق مصر اللى مشرفانا ف كل حتة دى و قطع غيارها تكون عادية مش استهبال

[MARTINDALE]

ارزعلك مشوار محترم على الدائري هتلاقيه وصل 9.2

[hany63]

متهيألي في لبس في حكايه الاستهلاك
المفروض رقم 8 هو عدد اللترات المستهلكه لكل 100 كم يعني حضرتك بتعمل 250 كم في الصفيحه

[mibrahim]

اعلى فئة في الفلونس 152 الف

[engtmk]

السلام عليكم انا لسسا مستلم فلوانس من اقل من شهر بحاجة بسيطة انا حاسس ان العربية بتاكل بنزين انا عندي على الشاشة كاتبلي 8.1 كيلو في اللتر ده تمام ولا ايه بالظبط ومشكلة تانية ان سماعتها صوتها وحش اويييييييييييييي هل ليها حل اننني اضيف صندوق في سماعات وصب مثلا في شنطة العربية ولا ايه
وشكرا

أنا أستهلاكي 9.7 أو 9.6

شكلك مش بتزود عن 40 كم
ربنا يبارك لك في العربيه.

[bozzabasha]

الله يبارك فيكم كلللكم بس هييه ال 2012 بتستهلك معايا 8 كيلو في اللتر فعلا مش 8 لتر لكل 100 كيلو فا لو حد معاه فلوانس يقوللي وجزاكم الله كل خيير