اسئله عن الرينو فلوينس

[digitalboy86]

السلام عليكم ورحمه الله


انا عضو جديد معاكم هناا واستفد كتير من المنتدي هنا والناس المحترمه


بس انا كنت بفكر اشتري فلوينس 2012 الجديده بس ناس كتير بتقولي كلام كنت عايز اتاكد منه بعد اذنكم


اول حاجه الناس خوفتني من قطع غيار العربيه ولما اقولهم ناقصه ولا غاليه ولا في التوكيل بس محدش يرد

انا عايز اعرف هيا متوفره في التوكيل وبره ولا في التوكيل بس واسعارها عامله ايه او شبه اسعار ايه مثلا في العربيات زي الكرولاا والفانتازيا مثلاا ولا اغلي كمان


وبالنسبه لعزل العربيه عامل ايه ؟؟ وصوت الماتور عامل الواحد يحس بيه وهو جوه ؟؟؟؟

وهل الفتيس فيه مشاكل زي ما سمعت

وياريت لو حد معاه العربيه يقولي ثابت العربيه والتسارع بتعها عامل ايه

اخر حاجه بقي ايه الفرق بين E3 , E3s ,E3 high line

,ومعلش اطلت عليكم وشكراااا

[mibrahim]

عزل العربية كويس اوي.
قطع الغيار متوفرة في التوكيل و زي ما اسمع موجودة في صقر قريش معقل ورش و مراكز صيانة و قطع غيار الرينو.
الفتيس مفيهوش مشاكل و انا مسمعتش عن الموضوع دة اصلا...اللي الفتيس بتاعها فيه مشكلة الفولكس و السيات.
ثبات العربية هايل و ان كنت مجبتش سرعات كبيرة بيها لسة...بس لحد ال120 مش حاسس باي حاجة و من مواضيع الاعضاء لغاية ال180 نفس الكلام.
التسارع بتاعها بطئ شوية...ممكن عشان هي لسة جديدة معايا.
الفئات بتاعتها اربعة:
الاولي مانيوال و بيسموها A1.
التانية اوتوماتيك و بيسموها A2.
التالتة اوتوماتيك و بيسموها A3.
الرابعة اوتوماتيك و بيسموها A3S.

الاولى معرفش عنها حاجة.
الفرق بين التانية و التالتة ان الجنوط سبور و 16 بدل 15 و التكييف اوتوماتيك بدل بكرة و Renault Card بدل المفتاح و سنسور للمساحات بحيث تشتغل اوتوماتيك لما مية تيجي على الازاز و سنسور للكشافات بحيث تشتغل اوتوماتيك لما الاضاءة تقل و السوند سيستم 6 سماعات بدل 4 و غلق المرايات كهرباء و كشافات شبورة و التابلوه مزود بتبريد و اضاءة و بلوتوث في الكاسيت و سوكيت كهرباء...الفرق في السع 132 الف للتانية و 142 للتانية.

الفرق بين التالتة و الرابعة اوتو بارك و فتحة سقف و كشافات زينون...الفرق في السعر 8 الاف.

[engtmk]

السلام عليكم ورحمه الله


انا عضو جديد معاكم هناا واستفد كتير من المنتدي هنا والناس المحترمه


بس انا كنت بفكر اشتري فلوينس 2012 الجديده بس ناس كتير بتقولي كلام كنت عايز اتاكد منه بعد اذنكم


اول حاجه الناس خوفتني من قطع غيار العربيه ولما اقولهم ناقصه ولا غاليه ولا في التوكيل بس محدش يرد

انا عايز اعرف هيا متوفره في التوكيل وبره ولا في التوكيل بس واسعارها عامله ايه او شبه اسعار ايه مثلا في العربيات زي الكرولاا والفانتازيا مثلاا ولا اغلي كمان


وبالنسبه لعزل العربيه عامل ايه ؟؟ وصوت الماتور عامل الواحد يحس بيه وهو جوه ؟؟؟؟

وهل الفتيس فيه مشاكل زي ما سمعت

وياريت لو حد معاه العربيه يقولي ثابت العربيه والتسارع بتعها عامل ايه

اخر حاجه بقي ايه الفرق بين e3 , e3s ,e3 high line

,ومعلش اطلت عليكم وشكراااا

قطع الغيار سعرها مرتفع بس زيها زي اي عربيه زيرو يعني تقريبا زي الهيواندي وارخص من ماركات تانيه كتير.

بالنسبه لمشاكل الفتيس ايه اللي انت سمعته ؟
ثباتها كويس جدا بالنسبه لارتفاعها عن الارض يعني مش عوامه ومش لازقه في الارض وسط (تقدر تاخد بيها ملفات علي سرعات) هي تقريبا نفس ثبات الكورلا الجديده مش القديمه

[digitalboy86]

شكرا يا استاذ mibrahim علي ردك الوافي جدااا
وكويس ان قطع الغيار متوفره لان ديه اكتر حاجه الناس خوفتني منها

الفئه الاخيره اللي 150 الف فيها اتو بارك ولا سنسور بارك تقصد
علي فكره انا نقال الاسامي ديه من اخبار السبت اللي فات هو كاتبهم E مش A مش عارف ليه
وكاتب كمان علي ,E3 high line انها ب 167 الف يعني 17 الف زياده يكون فيها ايه ديه ولا غلطه من الجرنان

وشكرا مره تانيه يا باشا علي ردك واهتمامك

[digitalboy86]

شكرا engtmk علي ردك
انا مش غارف مشكله ايه انا في حد قالي كده وقولت اسائل حد فاهم وعارف بدل اللي عمال يقولي سمعت وتقريبا وكده
قبل ما الواحد يشتري

وانا كل يوم الواحد بيقتنع بيها زياده عن اليوم اللي قابله

[engtmk]

شكرا engtmk علي ردك
انا مش غارف مشكله ايه انا في حد قالي كده وقولت اسائل حد فاهم وعارف بدل اللي عمال يقولي سمعت وتقريبا وكده
قبل ما الواحد يشتري

وانا كل يوم الواحد بيقتنع بيها زياده عن اليوم اللي قابله

اعتقد انهم يقصدوا النتشه بص للأمانه انا عربيتي عامله 12000 كم تقربيا

انا مش بحس بيها طول الوقت

يمكن حسيت بيها مره او اتنين خصوصا لما تكون ماشي بالراحه اوي بالعربيه
ساعتها بس ممكن احسن ان العربيه بتنتش وده بردو مش دايما احيانا

لكن في التسارع العادي عمرك ماهتحس بنقلاتها بشكل ملحوظ بل بالعكس بحس بنعومه شديده في التسارع والنقل

ديه خبرتي معاها بكل امانه

وان شاء الله ربنا يوفقك للي فيه الخير والصلاح ليك سواء كانت فلوينس او غيرها ان شاء الله

[digitalboy86]

اعتقد انهم يقصدوا النتشه بص للأمانه انا عربيتي عامله 12000 كم تقربيا

انا مش بحس بيها طول الوقت

يمكن حسيت بيها مره او اتنين خصوصا لما تكون ماشي بالراحه اوي بالعربيه
ساعتها بس ممكن احسن ان العربيه بتنتش وده بردو مش دايما احيانا

لكن في التسارع العادي عمرك ماهتحس بنقلاتها بشكل ملحوظ بل بالعكس بحس بنعومه شديده في التسارع والنقل

ديه خبرتي معاها بكل امانه

وان شاء الله ربنا يوفقك للي فيه الخير والصلاح ليك سواء كانت فلوينس او غيرها ان شاء الله

شكرا علي صرحتك وامانتك
هيا لو علي مره ولا مرتين في 12000 كيلو مش مشكله
لكن مش كل ما العريبيه نتقل من اول ل تاني احس بالنشته ديه تبقي بيخه اوي بصراحه

عملت ايه صحيح في صيانه ال 10000 روحت التوكيل اللي فين ؟؟
----
ان شاء الله امين

[mibrahim]

شكرا يا استاذ mibrahim علي ردك الوافي جدااا
وكويس ان قطع الغيار متوفره لان ديه اكتر حاجه الناس خوفتني منها

الفئه الاخيره اللي 150 الف فيها اتو بارك ولا سنسور بارك تقصد
علي فكره انا نقال الاسامي ديه من اخبار السبت اللي فات هو كاتبهم E مش A مش عارف ليه
وكاتب كمان علي ,E3 high line انها ب 167 الف يعني 17 الف زياده يكون فيها ايه ديه ولا غلطه من الجرنان

وشكرا مره تانيه يا باشا علي ردك واهتمامك

اولا العفو و شكرا لذوقك
اللي مكتوب في الكتالوج اوتو بارك مش سنسور بارك...الصراحة انا مسألتش عليها لاني كنت شايف الفرق 8 الاف كتير اوي على فرق الاوبشنز بين التانية و التالتة بينما الفرق يستاهل بين الاولى و التانية عشان كدة جبت التانية
بالنسبة للاسامي انا جبتها من ال call center بتاع رينو
بالنسبة للهاي لاين مش عارف هل بتنزل مصر و لا لأ...لان الوكيل مجبش سيرتها خالص و انا بسأل
و لو عندك اي اسئلة تاني في العربية انا في الخدمة...و بجد نصيحة من غير تحيز العربية ممتازة جدا...انا عمري ما كنت متخيل اني اركب رينو و كان كل تفكيري اني اكمل الماني لما اغير السكودا اللي كانت معايا لغاية ما شفت الفلونس...بجد العربية دي تتقارن بالاوكتافيا مثلا مش سيراتو و لانسر و النترا خالص

[digitalboy86]

اولا العفو و شكرا لذوقك
اللي مكتوب في الكتالوج اوتو بارك مش سنسور بارك...الصراحة انا مسألتش عليها لاني كنت شايف الفرق 8 الاف كتير اوي على فرق الاوبشنز بين التانية و التالتة بينما الفرق يستاهل بين الاولى و التانية عشان كدة جبت التانية
بالنسبة للاسامي انا جبتها من ال call center بتاع رينو
بالنسبة للهاي لاين مش عارف هل بتنزل مصر و لا لأ...لان الوكيل مجبش سيرتها خالص و انا بسأل
و لو عندك اي اسئلة تاني في العربية انا في الخدمة...و بجد نصيحة من غير تحيز العربية ممتازة جدا...انا عمري ما كنت متخيل اني اركب رينو و كان كل تفكيري اني اكمل الماني لما اغير السكودا اللي كانت معايا لغاية ما شفت الفلونس...بجد العربية دي تتقارن بالاوكتافيا مثلا مش سيراتو و لانسر و النترا خالص

فعلا مينفعش انها تتقارن بالانترا والسيراتوو
بص يا باشا انا عايز حاجه بين 150 وبين 170 او 175
ف انا بقارن بين الرينو 142 الف
الكرولاا هتعمل 155 تقريبا
فانتازيا اللي في اول 170 تقريبا 172
وانا كنت مايل للرينو من الاول بصراحه
بس مستني لما اشوف راي الناس وكده

طيب معلش قطع غيار الرينو بالنسبه للفانتازيا هتبقي اغلي ولا زي بعض

وبعدين انا بالفلوس اللي عايز اشتري بيها الرينو هيبقي فيها كل حاجه تقريبا وفي المقابل السكودا هشتري حاجه في اول الاتوماتيك وهيبقي فوقيها الاسبورت والاليجانس وكده هحس اني راكب عربيه ناقصها حاجات كتير فعلاا

[midobond]

فعلا مينفعش انها تتقارن بالانترا والسيراتوو
بص يا باشا انا عايز حاجه بين 150 وبين 170 او 175
ف انا بقارن بين الرينو 142 الف
الكرولاا هتعمل 155 تقريبا
فانتازيا اللي في اول 170 تقريبا 172
وانا كنت مايل للرينو من الاول بصراحه
بس مستني لما اشوف راي الناس وكده

طيب معلش قطع غيار الرينو بالنسبه للفانتازيا هتبقي اغلي ولا زي بعض

وبعدين انا بالفلوس اللي عايز اشتري بيها الرينو هيبقي فيها كل حاجه تقريبا وفي المقابل السكودا هشتري حاجه في اول الاتوماتيك وهيبقي فوقيها الاسبورت والاليجانس وكده هحس اني راكب عربيه ناقصها حاجات كتير فعلاا

بص حضرتك لو بتدور على الكماليات و مهمة اوى بالنسبالك خليك ف الفلوانس الاعلى فئة و على فكرة فى تقارب نوعا ما فى قطع غيارها مع الفانتازيا بس انا اميل اكتر للفانتازيا لانها عربية بمعنى الكلمة مصفحة تنحت فى الصخر و قطع الغيار اللى تحطهالها تنساها بعدها فعلا و عن تجربة اعتقد انها اعتمادية اكتر من الفلوانس بكتير و الفانتازيا البيزك برضه مش وحشة فيها كماليات كتير يعنى اللى هيقل عندك اعتقد الزينون و فتحة السقف و الزينون ركبه مش مشكلة اوى يعنى ع العالى و ع الواطى كمان و بتكلفة قليلة و عيش بقى انما لو كل اللى يفرق معاك كماليات يبقى ادفع فى اعلى فئة ف الفلوانس احسن اهو منها وفرت فلوس و منها لقيت كماليات اكتر

[engtmk]

بص حضرتك لو بتدور على الكماليات و مهمة اوى بالنسبالك خليك ف الفلوانس الاعلى فئة و على فكرة فى تقارب نوعا ما فى قطع غيارها مع الفانتازيا بس انا اميل اكتر للفانتازيا لانها عربية بمعنى الكلمة مصفحة تنحت فى الصخر و قطع الغيار اللى تحطهالها تنساها بعدها فعلا و عن تجربة اعتقد انها اعتمادية اكتر من الفلوانس بكتير و الفانتازيا البيزك برضه مش وحشة فيها كماليات كتير يعنى اللى هيقل عندك اعتقد الزينون و فتحة السقف و الزينون ركبه مش مشكلة اوى يعنى ع العالى و ع الواطى كمان و بتكلفة قليلة و عيش بقى انما لو كل اللى يفرق معاك كماليات يبقى ادفع فى اعلى فئة ف الفلوانس احسن اهو منها وفرت فلوس و منها لقيت كماليات اكتر

بص انا مش هاتكلم في موضوع اعتماديه الفانتازيا لاني مركبتهاش ,و اعتقد انها عربيه لاغبار عليها

لكن بالنسبه للبيزك انا كان معايا فلوس تكفي عربيه بيزك بدون ذكر اسمها كنت كل ماقف جمب اختها الاعلي كنت افضل ابص علي التابلوه والتاره وي وي وي

وأتحسر فبصراحه موضوع البيزك ده بيخنقك خصوصا لو تعرف حد معاه الفئه الاعلي تلاقيه يركب عربتك فين مش عارف ايه انت معندكش اصلي انا عندي كذا وكذا تحس انك راكب غساله مقارنه بيه

[digitalboy86]

بص حضرتك لو بتدور على الكماليات و مهمة اوى بالنسبالك خليك ف الفلوانس الاعلى فئة و على فكرة فى تقارب نوعا ما فى قطع غيارها مع الفانتازيا بس انا اميل اكتر للفانتازيا لانها عربية بمعنى الكلمة مصفحة تنحت فى الصخر و قطع الغيار اللى تحطهالها تنساها بعدها فعلا و عن تجربة اعتقد انها اعتمادية اكتر من الفلوانس بكتير و الفانتازيا البيزك برضه مش وحشة فيها كماليات كتير يعنى اللى هيقل عندك اعتقد الزينون و فتحة السقف و الزينون ركبه مش مشكلة اوى يعنى ع العالى و ع الواطى كمان و بتكلفة قليلة و عيش بقى انما لو كل اللى يفرق معاك كماليات يبقى ادفع فى اعلى فئة ف الفلوانس احسن اهو منها وفرت فلوس و منها لقيت كماليات اكتر

هو طبعا الكماليات مهمه بس هيا مش كل حاجه في العربيه ومش اهم حاجه
انا كلمت توكيل السكودا النهارده وسالت علي الاسعار والفرق

العاديه 2012 175 الف
والليجانس 215 الف

الفرق بقي في
فرش جلد - زينون - فتحه سقف - الجنط 16 - في حوارات بخشب مش عارف ايه كده - التكيف تاتش - 4 اير باج مقابل 2 - CD player ب 6 سديهات - سنسور بارك

ممكن يكون فيها حاجتين او 3 مهمه بس مش ب 40 الف يعني
وهيا لو اعتماديه اكتر زي ما بتقول هتبقي هيا اكيد الاحسن عموما الواحد محتار لسه وربنا يقدم اللي فيه الخير

عموما شكرا ليك يا باشا

[digitalboy86]

بص انا مش هاتكلم في موضوع اعتماديه الفانتازيا لاني مركبتهاش ,و اعتقد انها عربيه لاغبار عليها

لكن بالنسبه للبيزك انا كان معايا فلوس تكفي عربيه بيزك بدون ذكر اسمها كنت كل ماقف جمب اختها الاعلي كنت افضل ابص علي التابلوه والتاره وي وي وي

وأتحسر فبصراحه موضوع البيزك ده بيخنقك خصوصا لو تعرف حد معاه الفئه الاعلي تلاقيه يركب عربتك فين مش عارف ايه انت معندكش اصلي انا عندي كذا وكذا تحس انك راكب غساله مقارنه بيه

انا كنت بفكر في الموضوع ده
بس لو الفرق قليل يعني زي الفلونيس مثلاا بتتكلم في
8 الف بين 142 و 150
لكن لما يكون الفرق كبير زي 40 الف في الاسكود مبلغ كبير برده

بس عموما وجه نظرا سليمه وهيا بتختلف من واحد ل واجد